Morgunblaðið - Sunnudagur - 25.08.2019, Síða 20

20 MORGUNBLAÐIÐ SUNNUDAGUR 25.8. 2019
LÍFSSTÍLL
Opið: 8-18 virka daga 10-14 á laugardögum Síðumúla 22 | Sími 517 0404 | serefni.is
Veldu betri málningu
PALLAOLÍA
* Litur á palli EJLINGE
• Allround olían er efnisrík
gæðaolía sem endist lengur
• Margir fallegir litir*
Okkar leið til að breyta heiminum er aðbjóða upp á takó. Ef fólk brosir oglíður betur eftir að hafa borðað takó
hjá okkur erum við að uppfylla okkar mark-
mið,“ segir Filip Pumba, vagnstjóri matar-
vagnsins Tacoson.
Vagninn var opnaður fyrir tæpum þremur
mánuðum og stendur í Mæðragarðinum í
miðbæ Reykjavíkur, en Filip tók við Tacoson í
byrjun mánaðar eftir breytingar á rekstri
vagnsins.
„Við viljum bjóða upp á ósvikin takó, þess
vegna gerum við allt frá grunni. Við notum
ferskt hráefni og sýnum því mikla ást og um-
hyggju. Takó eru ótrúlega hentugur matur;
þú þarft ekki hníf, þú þarft ekki gaffal, þú
þarft ekki neitt, þú getur bara troðið þeim
framan í þig. Þess vegna eru takó hinn full-
komni götumatur,“ segir Filip.
Sækir innblástur í jurtirnar
„Takó voru fyrst elduð af miðausturlenskum
innflytjendum í Mexíkó og eru mjög skyld ke-
bab,“ segir Filip. „Hið klassíska takó er taco
al pastor, sem inniheldur grísakjöt, eða jafn-
vel geitakjöt, sem er marínerað í safa af sæt-
um og súrum ávöxtum, kryddi og jurtum.
Grunnarkitektúrinn er þessi: tortilla, salsa,
kjöt og meðlæti – endir. Hver einasti liður
spilar mikilvægt hlutverk í þessari sinfóníu.“
Filip segist vilja kynna viðskiptavinum
vagnsins ósvikinn mexíkóskan mat, en þó
sæki hann innblástur í íslenska matargerð og
náttúru.
„Mexíkóskur matur byggist mikið á jurtum,
þá helst kóríander. Hver einasta uppskrift
hefur einhvers konar ferskar jurtir og Ísland
er fullkominn staður fyrir jurtir. Ég hef verið
að tilraunast með íslenskar jurtir og hef
áhuga á að bjóða upp á ekta mexíkósk takó
með íslensku tvisti. Kannski með kerfli eða
hvönn í staðinn fyrir kóríander,“ segir Filip.
Matur fyrir sálina
„Við nálgumst okkar matargerð af mikilli ást.
Við bjóðum upp á mat fyrir sálina,“ segir
Filip.
„Ég held að það sé misskilningur að allir
matarvagnar séu skyndibiti. Þótt takó séu
fljótlegur matur er forgangurinn hjá okkur að
bjóða upp á vandaðan mat sem bragðast vel
og gerir fólk hamingjusamt.“
Morgunblaðið/Kristinn Magnússon
Takó fyrir sálina
Takóvagninn Tacoson stendur
í mæðragarðinum í mið-
bænum og býður upp á ósvik-
in mexíkósk takó. Vagnstjóri
segir markmiðið að auka ham-
ingju Íslendinga og kynna
þeim mexíkóska matargerð.
Pétur Magnússon petur@mbl.is
Matarvagninn er að finna í Mæðragarðinum við Lækjargötuna í miðbænum.
Filip Pumba er
vagnstjóri takó-
vagnsins Tacoson.
1 laukur
3 hvítlauksgeirar
1 skalottulaukur
safi úr 2 límónum
paprikukrydd
hot sauce eftir smekk
fersk græn chili
1 dós nýrnabaunir
1 dós kjúklingabaunir
1 dós niðursoðnir
tómatar
1 vorlaukur
smá kóríander
Saxið lauk, hvítlauk
og skalottulauk og
snöggsteikið ásamt
chilíinu á pönnu
með ólífuolíu.
Kryddið með salti,
pipar, paprikukryddi
og límónusafa.
Bætið við smá
safa úr nýrnabaun-
unum og hrærið að-
eins, bætið svo
baununum við og
hrærið reglulega í
15 mínútur. Bætið
þá við kjúklinga-
baunum og tómöt-
um og leyfið að
þykkna.
Setjið salsasósu á
maístortillu og bæt-
ið vegansósunni ofan
á. Toppið með vor-
lauk, kóríander, smá
grænu chilíi og lím-
ónusafa.
Vegan-tacos Tacosonar