Plógur - 15.01.1929, Page 3

PLÓGUR
3
Inngangur.
Við höfum ákveðið, að gefa eftirleiðis út smá tíma-
rit, og senda viðskiftamönnum okkar og öðrum, er kynnu
að óska eftir að fá það.
Að svo miklu leyti, sem hægt verður, látum við ritið
flytja fróðleik um landbúnað og ef til vill verslun og
innlenda framleiðslu o. fl.
f riti þessu verða verðskrár okkar yfir þær vörur, er
við verslum með. Hvað ritið að öðru leyti kann að fjalla
um, er óákveðið. Aðeins er það ákveðið, að það verður
ekki látið koma nálægt pólitík.
Við tökum þakksamlega á mó.ti fróðlegum ritgerðum
um landbúnað, framleiðslu, verslun, innlendum frétt-
um o. fl.
Við munum taka eitthvað af auglýsingum, frá góð-
um verslunarhúsum, og þannig að einhverju leyti létta
útgáfukostnaðinn. Fyrst um sinn munum við senda rit-
ið endurgjaldslaust.
Hvað oft ritið kemur út, er heldur ekki ákveðið. F.n
það verður fyrst um sinn mánaðarlega, eða annanhvern
mánuð, eftir ástæðum.
Við höfum gefið því nafnið „Plógur“. Finst okkur
það vel við eigandi nafn á riti, sem gefið er út af
bændafélagi og á að fjalla um landbúnað og nauðsvnja-
mál bænda.
Virðingarfylst.
Mjólkurfélag Reykjavíkur.