Skessuhorn - 18.02.2015, Blaðsíða 11
11MIÐVIKUDAGUR 18. FEBRÚAR 2015
Menningarsjóður Borgarbyggðar
Stjórn Menningarsjóðs Borgarbyggðar auglýsir eftir umsóknum um styrki úr sjóðnum.
Tilgangur hans er að efla menningu í Borgarbyggð og er sérstök rækt lögð við grasrót
í menningarlífi. Lögð er áhersla á að styrkja einstaklinga og félagasamtök. Styrkir eru
verkefnatengdir.
Umsókninni fylgi sundurliðuð kostnaðarætlun fyrir verkefnið ásamt greinargerð.
Fyrir árslok afhendist sjóðsstjórn skýrsla um nýtingu styrksins.
Hægt er að sækja um rafrænt, úthlutunarreglur og umsóknareyðublað má finna á vef
Borgarbyggðar, www.borgarbyggd.is
Umsóknir skulu berast til Emblu Guðmundsdóttur þjónustufulltrúa,
Ráðhúsi Borgarbyggðar, Borgarbraut 14, í síðasta lagi laugardaginn 1. mars 2014.
Ef umsækjandi óskar eftir að fá gögn endursend skal hann taka það sérstaklega fram.
S
K
E
S
S
U
H
O
R
N
2
01
5
Búið er að endurnýja loftræsti-
kerfið í meginbyggingu sjúkra-
húss Heilbrigðisstofnunar Vestur-
lands við Merkigerði á Akranesi.
Vinna hefur staðið yfir við þetta
síðan í fyrrasumar. Í gær afhenti
verktakinn Blikksmiðja Guð-
mundar á Akranesi verkið í hend-
ur verkkaupa sem er Fasteignir
ríkisins sem á húsnæði sjúkrahúss-
ins. Alls kostaði verkið 30 millj-
ónir króna. Í því fólst meðal ann-
ars að innrétta hluta af risi húss-
ins fyrir loftræstingabúnaðinn.
„Þetta er einfaldlega alger endur-
nýjun í staðinn fyrir gamla loft-
ræstikerfið fyrir bygginguna sem
var staðsett í kjallara hennar. Það
var löngu orðið úrelt. Nýja kerf-
ið er mjög fullkomið, dregur inn
loft um þak hússins og dreifir um
þennan hluta sjúkrahússins,“ segir
Sævar Jónsson, framkvæmdastjóri
Blikksmiðju Guðmundar, í samtali
við Skessuhorn. Fjöldi undirverk-
taka komu að verkinu, nær allt fyr-
irtæki á Akranesi. „Við hjá Blikk-
smiðju Guðmundar erum aðal-
verktakar. Síðan voru það Tré-
smiðjan Akur, Rafþjónusta Sigur-
dórs, Hermann Hermannson mál-
arameistari og Viðar Svavarsson
múrarameistari sem sáu um ýmsa
verkþætti sem heyrðu til þeirra
iðngreina.“
Nýja loftræstikerfið er aðeins
eitt af mörgum stærri verkefn-
um sem nú standa yfir eða eru á
döfinni í endurbótum við sjúkra-
húsið á Akranesi. Meðal annars
er búið að rífa og fjarlægja gamla
sneiðmyndatækið sem lauk hlut-
verki sínu síðla á liðnu ári. Ver-
ið er að gera endurbætur á her-
berginu þar sem það stóð áður en
nýtt sneiðmyndatæki verður sett
upp á næstu vikum. Vonir standa
til að það komist í gagnið á vor-
dögum. „Það á líka að endurnýja
anddyri og móttöku sjúkrahússins.
Vinna við það hefst nú í mars. Það
verður sett upp nýtt aðgangsstýri-
kerfi fyrir starfsmenn, læknabú-
staðurinn svokallaði hér á sjúkra-
hússlóðinni verður tekinn vand-
lega í gegn og endurnýjaður að
innan næsta sumar og síðan verða
hæðirnar hér í aðalhluta sjúkra-
húsbyggingarinnar endurhannað-
ar. Nýja loftræstikerfið er eitt af
fyrstu skrefunum í þessum endur-
bótum,“ segir Halldór Hallgríms-
son, verkefnastjóri tækni- og bún-
aðarmála hjá Heilbrigðisstofnun
Vesturlands. mþh
Heilsugæsla Heilbrigðisstofnun-
ar Vesturlands á Akranesi býður nú
upp á nýja þjónustu fyrir nýbakaða
foreldra. Um er að ræða stuðnings-
hópa fyrir foreldra með fæðingar-
þunglyndi eða breytta andlega líðan.
Fundirnir eru haldnir á heilsugæsl-
unni á HVE á Akranesi á miðviku-
dögum frá klukkan 13-14. Hulda
Gestsdóttir heilsugæslu-hjúkrun-
arfræðingur hefur mikla reynslu af
og þekkingu á umönnun foreldra
með fæðingarþunglyndi og heldur
hún utan um hópinn. „Fæðingar-
þunglyndi er því miður ótrúlega al-
gengt. Það er allt gert til að greina
konur með fæðingarþunglyndi og
veita viðeigandi meðferð og stuðn-
ing. Skimað er fyrir fæðingarþung-
lyndi með því að leggja spurninga-
lista fyrir konur níu vikum eftir fæð-
ingu barns en það virðist sem marg-
ar konur sleppi í gegn án þess að
fá greiningu. Að minnsta kosti tí-
unda hver kona greinist með fæð-
ingarþunglyndi eftir fæðingu barns
og það eru bara þær konur sem fá
greiningu og viðeigandi meðferð.
Fæðingarþunglyndi er því mun al-
gengara því þær sem ekki hafa feng-
ið greiningu eru ekki með inni í
þessari tölu,“ segir Hulda í samtali
við Skessuhorn.
Getur komið fyrir alla
Að sögn Huldu er fæðingarþung-
lyndi alvarlegt heilsufarsvandamál
sem getur ágerst með tímanum.
„Það getur meðal annars haft áhrif á
tengslamyndun við börn og á para-
sambönd. Þá getur móðurinni stafað
ógn af þunglyndinu sjálfu. Ómeð-
höndlað fæðingarþunglyndi get-
ur versnað með tímanum og hægt
er að enda með langvarandi þung-
lyndi.“ Hulda segir fæðingarþung-
lyndi hafa áhrif á stóran hóp fólks.
Ytri aðstæður skipti litlu máli og því
geti allir lent í þessu. Hún bætir því
við að þó sé eðlilegt að konur finni
fyrir depurð og skapsveiflum fyrstu
vikurnar eftir fæðingu. „En ef þetta
svokallaða „baby blues“ eða sængur-
kvennagrátur lagast ekki, þá getur
það þróast út í að verða fæðingar-
þunglyndi. Einkenni fæðingarþung-
lyndis eru m.a. depurð, skapstyggð,
þreyta, svefnleysi, kvíði, skortur
á gleði og sú tilfinning að finnast
maður ekki geta gert neitt rétt. Það
er hægt að finna mjög góðar upplýs-
ingar um fæðingarþunglyndi inni á
vefsíðunni heilsugaeslan.is,“ útskýr-
ir Hulda. Hún segir þær konur sem
leitað hafi til sín á heilsugæsluna
vegna fæðingarþunglyndis vera með
börn allt upp undir tveggja ára göm-
ul, þannig að ekki sé eingöngu um
konur með nýfædd börn að ræða.
Feður greinast líka
Stuðningshópurinn er bæði fyr-
ir konur og karla. Þvert á það sem
margir halda þá geta karlmenn
líka fengið fæðingarþunglyndi, þó
það sé vissulega algengara meðal
kvenna. Ekki er skimað eftir fæð-
ingarþunglyndi hjá feðrum og því
má leggja líkur að því að einhverj-
ir feður séu með ógreint fæðingar-
þunglyndi. „Þeir geta upplifað sömu
tilfinningar og konurnar, fyrir utan
sængurkvennagrátinn. Þeir verða
fyrir sömu áhrifum og konurnar og
geta því fengið þunglyndi líka,“ seg-
ir Hulda. Stuðningshópurinn er því
bæði ætlaður mæðrum og feðrum
sem finna fyrir breytingu á andlegri
líðan eftir fæðingu barns. Hulda seg-
ir að mikilvægt sé að báðir foreldr-
ar mæti til að takast á við vandann,
sýna maka sínum stuðning og komi
til að efla þekkingu og skilning á því
sem makinn er að ganga í gegnum.
„Vanþekking, skilningsleysi og jafn-
vel fordómar er því miður allt of al-
gengt þar sem fæðingarþunglyndi
ber að dyrum og það er eitthvað sem
verður að breyta strax.“
Kostar ekki neitt
Að sögn Huldu er þetta líklega í
fyrsta sinn sem sett er á laggirn-
ar hópastarf við fæðingarþunglyndi
hér á landi. Hún segist ekki þekkja
til þess að slíkir hópar hafi verið
myndaðir á hennar starfsferli á veg-
um heilsugæslunnar en segir sam-
bærilega stuðningshópa vel þekkta
erlendis. „Úti í heimi hefur svona
hópastarf gefið góða reynslu. Allar
rannsóknir styðja það að þetta virki
mjög vel, svo lengi sem þetta er gert
á faglegan hátt og byggt á gagnrýnni
þekkingu.“ Hulda segir að hópur
foreldra á Akranesi sé með ógreint
fæðingarþunglyndi eða kvíða og því
hafi verið ákveðið að stofna stuðn-
ingshópinn. „Þetta er meðal annars
tilraun til að ná til þessa hóps. Ég
hvet alla sem líður eitthvað illa til
að koma, þó ekki væri nema til að
athuga hvort þetta sé eitthvað sem
þeir geti nýtt sér.“ Til að byrja með
er lagt upp með að halda tíu fundi
þar sem veitt er fræðsla, utanum-
hald og stuðningur fyrir foreldrana
í hvert sinn. „Foreldrarnir eru ekki
alltaf þunglyndir en eru kannski
uppfullir af vonleysi og kvíða. Þeir
vita kannski ekki hvert á að leita,
við hvern á að tala eða hafa jafnvel
ekki myndað traust við neinn heil-
brigðisstarfsmann einhverra hluta
vegna,“ segir Hulda. Hún bætir því
við að allir nýbakaðir foreldrar séu
velkomnir að mæta í stuðningshóp-
inn, hægt sé að koma hvenær sem
er inn í hópinn. „Eins þarf ekki að
mæta í öll þessi skipti. Ég er að von-
ast til þess að mæður og feður sjái
hag sinn í að mæta,“ segir Hulda
að endingu og leggur áherslu á að
þjónustan er foreldrum að kostnað-
arlausu. grþ
Nýtt og öflugt loftræstikerfi sett upp á
sjúkrahúsi HVE á Akranesi
Halldór Hallgrímsson, verkefnastjóri tækni- og búnaðarmála hjá Heilbrigðis-
stofnun Vesturlands og Sævar Jónsson, framkvæmdastjóri Blikksmiðju Guð-
mundar, við meginhluta nýja loftræstikerfisins.
Nýja loftræstikerfið sem búið er að koma fyrir efst undir þaki þjónar þessum hluta sjúkrahússins á Akranesi þar sem
sjúkrastofurnar eru meðal annars til húsa. Hann sinnir þó ekki skurðstofunum. Þær hafa eigið loftræstikerfi.
Stuðningshópur fyrir foreldra með fæðingarþunglyndi
Hulda Gestsdóttir hjúkrunarfræðingur á heilsugæslu HVE á Akranesi.