Skessuhorn - 18.02.2015, Blaðsíða 13

13MIÐVIKUDAGUR 18. FEBRÚAR 2015
112 dagurinn haldinn hátíðlegur
Haldið var með áberandi hætti upp
á 112 daginn víðsvegar um Vestur-
land miðvikudaginn 11. febrúar.
Viðbragsaðilar á Akranesi heim-
sóttu leikskóla í bænum og var
börnum boðið að skoða sjúkrabíl
og bíl Björgunarfélagsins. Þá var
opið hús hjá Slökkviliði Akraness
og Hvalfjarðarsveitar við Kalmans-
velli síðar um daginn. Þar voru
einnig saman komnir sjúkraflutn-
ingamenn HVE, félagar í Björg-
unarfélagi Akraness og lögreglu-
menn. Nokkuð af fólki lagði leið
sína á staðinn í tilefni dagsins og
stóð til boða að prófa tæki og tól
viðbragðsaðila, sem vakti mikla
lukku yngri kynslóðarinnar. Einn-
ig var til sýnis nýjasti bíll flotans,
sem er glæsileg sjúkrabifreið. Í til-
efni dagsins afhenti Þráinn Ólafs-
son slökkviliðsstjóri SAH einum
heppnum grunnskólanemanda við-
urkenningu fyrir þátttöku í eld-
varnagetraun sem fór nýverið fram.
Sá heppni var Júlíus Alexander Þór
Rúnarsson, nemandi í 3. bekk í
Brekkubæjarskóla og hlaut hann
tíu þúsund krónur, reykskynjara og
viðurkenningarskjal að launum.
Þá var haldið með áberandi hætti
upp á daginn við verslunarmið-
stöðina Hyrnutorg í Borgarnesi.
Þar safnaðist saman fjöldi fólks frá
viðbragðsaðilum í Borgarnesi og
Borgarfirði til að kynna starfsemi
sína fyrir gestum og gangandi.
Útkall í miðjum
hátíðarhöldum
Í Snæfellsbæ var mikið líf í tuskun-
um þegar viðbragðsaðilar óku um
bæjarfélagið með kveikt á bláum
blikkljósum og sírenum. Að akstr-
inum loknum var farið í björgun-
arstöðina Von þar sem gestum var
boðið upp á að kynnast tækjum og
tólum sem viðbragsaðilar hafa í
sínum fórum. Þá hafði björgunar-
sveitin Lífsbjörg byggt klifurvegg
sem börnin voru dugleg að nota.
Einnig var haldið upp á daginn í
Grundarfirði. Þar héldu viðbrags-
aðilar kynningu í Fjölbrautaskóla
Snæfellinga í tilefni dagsins og var
vel mætt. Þar voru einnig fulltrúar
frá Lions og kvenfélaginu sem tóku
á móti framlögum í söfnun fyrir
hjartahnoðtækinu Lúkasi. Starfs-
mannafélag Slökkviliðs Grundar-
fjarðar gaf 112 þúsund krónur í til-
efni dagsins en það var megnið af
ágóðanum fyrir sölu dagatals sem
félagið gaf út fyrir jólin. Þá gerðist
það að viðbragðsaðilar fengu útkall
á meðan á kynningunni stóð. Ung-
ur drengur varð fyrir bíl á plan-
inu fyrir utan skólann, en betur fór
en á horfðist. Drengurinn slapp
nánast ómeiddur frá óhappinu og
voru viðbragðsaðilar óvenju fljót-
ir á vettvang. Allir voru til taks á
svæðinu; læknir, sjúkrabíll, björg-
unarsveit og hjúkrunarfræðingur
og fékk drengurinn því skjóta og
góða þjónustu.
grþ
„Hvað ungur nemur gamall temur.“ Hér ræða Þorgerður Erla Bjarnadóttir,
björgunarsveitar- og sjúkraflutningamaður og Elín B Kristinsdóttir, formaður
Borgarfjarðardeildar RKÍ, við grunnskólabörn um hlutverk Neyðarlínunnar 112.
Hvenær þau eigi að hringja í 112 og við hvaða aðstæður. Einnig var með í för Þór
Þorsteinsson björgunarsveitarmaður sem tók meðfylgjandi mynd.
Tæki og tól björgunarsveita voru höfð til sýnis utan við Hyrnutorg í Borgarnesi.
Þarna voru allar björgunarsveitir í Borgarbyggð auk Elliða af Snæfellsnesi.
Ljósm. þþ.
Það vakti mikla lukku hjá yngstu kynslóðinni að fá að prófa
bílaflota viðbragðsaðila á Akranesi. Ljósm. ki.
Þráinn Ólafsson slökkviliðsstjóri SAH ásamt Júlíusi Alexander Þór
Rúnarssyni sem var að vonum ánægður með viðurkenningu sína.
Ljósm. ki.
Rebekka Hjörvar sjúkraliði, Guðbjörg Jónsdóttir sjúkraflutninga-
maður, Þórarinn Steingrímsson neyðarflutningamaður og Andri
Heyde læknir í Snæfellsbæ. Ljósm. af.
Ungur drengur að prófa klifurvegginn
á 112 deginum í Snæfellsbæ.
Ljósm. af.
Tæki og tól prófuð í Grundarfirði. Ljósm. tfk.
Margir áhugasamir litu inn á kynningu viðbragðsaðila í FSN. Ljósm. tfk.
Vegna mikilla verkefna framundan óskar Límtré Vírnet
í Borgarnesi eftir að ráða í eftirfarandi framtíðarstörf:
Vélvirki og blikksmiður
Menntun í vélvirkjun/stálsmíði, blikksmíði eða öðrum sambærilegum greinum
æskileg. Einnig kemur til greina að ráða menn vana járnsmíðavinnu eða blikksmíði.
Verkefni í járnsmiðju og blikksmiðju eru fjölbreytt, bæði í nýsmíði og viðhalds-
vinnu, hvort heldur sem er innan fyrirtækisins eða úti hjá viðskiptavinum.

Völsunardeild
Okkur vantar til starfa laghent fólk í völsunardeild fyrirtækisins.
Störfin eru fjölbreytt en nauðsynlegt er að umsækjendur séu vanir að vinna
við vélar og tæki og hafi þekkingu eða reynslu af vélaviðhaldi.
Nánari upplýsingar gefur Aðalsteinn Símonarson á staðnum,
í síma 412 5302 eða tölvupósti alli@limtrevirnet.is.
Umsóknarfrestur er til 25. febrúar.
Atvinna í Borgarnesi
S
K
E
S
S
U
H
O
R
N
2
01
5