Skessuhorn - 18.02.2015, Blaðsíða 19

19MIÐVIKUDAGUR 18. FEBRÚAR 2015
Guðmundur Ólafsson, lektor við Háskólann á Bifröst:
„Ég er sennilega með einna lengstan
starfsaldur hér í dag. Það er nú löng
saga að segja frá því. Jónas Jónsson
frá Hriflu er eiginlega minn men-
tor eða eins konar lærifaðir. Það var
hann sem á sínum tíma réði því að
ég fór í menntaskóla og fór norð-
ur á Akureyri. Annars hefði ég lík-
lega endað sem ljóðskáld í Reykja-
vík! Þegar Jónas Guðmundsson þá-
verandi skólameistari hér á Bifröst
(1995-1999) leitaði til mín til að fá
mig til að kenna tölfræði og upplýs-
ingatækni hér, þá fannst mér eins og
blóðið rynni mér til skyldunnar. Ég
skuldaði Jónasi fyrir hans afskipti af
mínu lífi. Það átti allavega hluta af
þessu að ég fór hingað. Ég er hins
vegar líka uppalinn í Reykholtsdaln-
um. Það gerði það að verkum að
þetta er mitt svæði þó ég sé fædd-
ur í Reykjavík. Ég hef reyndar meira
og minna allt mitt líf verið á þvæl-
ingi um landsbyggðina,“ segir Guð-
mundur Ólafsson, lektor í viðskipta-
fræðum við Háskólann á Bifröst.
Innleiðir nýjar
kennsluaðferðir
Guðmundur segir ákaflega gott að
starfa við Háskólann á Bifröst.
„Ég kom hingað fyrst 1998 til
að kenna mönnum á Excel-reikni-
forritið. Það var gerður samning-
ur milli viðskiptadeildar Háskóla
Íslands og Háskólans á Bifröst. Ég
hafði unnið í því að innleiða notkun
á Excel í viðskiptadeildinni og kom
hingað uppeftir að kenna mönnum
á Excel. Ég er hérna ennþá, en hætt-
ur í Háskóla Íslands. Ég nú orðinn
það gamall að ég fer bráðum að láta
af störfum.“
Þrátt fyrir að það hilli undir eftir-
launaaldur og starfslok þá er Guð-
mundur hvergi af baki dottinn.
Áður en hann hættir ætlar hann að
kenna nemendum sínum að nota
stærðfræði án þess að þeir þurfi að
kunna mikið um þá merku fræði-
grein sem mörgum reynist torveld.
Lektorinn útskýrir þetta. „Ég er nú
að vinna að því að kenna fólki að
nota tölvuforrit sem geta það sem
Excel getur ekki. Það eru komin
fram stærðfræðiforrit sem eru svo
fullkomin að það er ekki ástæða
lengur til að kenna fólki stærðfræði
með hefðbundnum hætti. Ég ákvað
í haust að stíga skrefið til fulls með
því að byrja bara strax á fyrsta ári
að kenna fólki að leysa stærðfræði-
verkefni með forritum. Þetta hent-
ar mjög vel fyrir fólk sem ætlar sér
að nota stærðfræði. Að sjálfsögðu
dugar þetta ekki fyrir verkfræðinga
eða stærðfræðinga. Þar þurfa menn
að fara ofan í hlutina með blað og
blýant að vopni, en fyrir viðskipta-
fræðinga þá er þetta alveg sjálfsagð-
ur hlutur að nota svona forrit.“
Eins og að læra
á saumavél
Eftir því sem Guðmundur segir þá
eru þessi stærðfræðiforrit góð við-
bót við það sem viðskiptafræðing-
ar hafa verið að tileinka sér þegar
kemur að tölvunotkun og útreikn-
ingum. „Excel-forritið er náttúr-
lega gjörbylting í lífi allra þeirra
sem eru að fást við tölur og við-
skipti. Þessi stærðfræðiforrit sem
eru núna orðin svona góð, þau eru
næsta skref,“ slær hann föstu. Guð-
mundur vill þó ekki eigna sér heið-
urinn að innleiðingu stærðfræðifor-
ritanna í viðskiptafræði og kennslu
á hinum ýmsu skólastigum. „Það
eru fleiri sem eru að vinna að þessu.
Ellert Ólafsson verkfræðingur er
búinn að skrifa tvö þúsund blað-
síðna kennslubók fyrir eitt forrit-
ið sem heitir Wolfram Alpha. Pró-
fessor Freyja Hreinsdóttir í Kenn-
araháskólanum kennir væntanleg-
um grunnskólakennurum á Geo-
gebra sem er rúmfræðiforrit.“
Guðmundur segist telja að það sé
að renna upp alveg ný tíð í stærð-
fræðikennslu. „Þetta gerir það að
verkum að fólk á miklu auðveld-
ara með að tileinka sér stærðfræði-
kennsluna. Nú verður ekki lengur
þessi mikli munur á þeim sem kall-
ast „stærðfræðinördar“ og hinum
sem finnst þeim ekki kunna neitt.
Þetta jafnast út. Verður bara svona
eins og að læra á saumavél.“
Aðalatriðið að kunna
að nota stærðfræði
„Þessi aðferð sem ég er að nota er
fyrst og fremst þannig að maður
kennir fólki að nýta sér stærðfræði
en það er ekki farið ofan í saum-
ana á því að sanna reglur og slíkt.
Menn geta reiknað allt út sem þeir
vilja en hugsanlega ekki sannað eitt
né neitt. Ég hef stundum sagt að þú
þurfir ekki að skilja neitt í þessu,
aðal atriðið sé að þú kunnir að nota
þetta.“
Eins og margir vita þá er stutt í
kímnina hjá Guðmundi Ólafssyni.
Hann segir að lokum eina sögu
tengda því sem hann talar um. „Einu
sinni var ég að kenna hópi uppi í
Háskóla Íslands, var að segja þeim
frá því að nútíminn væri einfaldlega
þannig að maður notaði helling af
hlutum sem maður botnaði ekk-
ert í. Sjónvarp, tölvur, síma og þess
háttar. Þá rétti einn upp höndina og
sagði: „Þetta er alveg eins með kon-
una mína. Ég botna ekkert í henni
en samt gengur þetta ágætlega.““
Hægt verður að njóta kennslu
Guðmundar Ólafssonar bæði í skól-
anum á Bifröst og í fjarkennslu sam-
kvæmt nýjustu tækni. Í gegnum
tölvur, að sjálfsögðu.
mþh
Guðmundur Ólafsson við hliðina á portrettmálverki af Jónasi Jónssyni frá Hriflu. Guðmundur þakkar Jónasi að hann gekk
menntaveginn og forðaði honum þannig frá þeim örlögum að enda sem ljóðskáld í Reykjavík.
Innleiðir kennslu í að nota stærðfræði án
þess að fólk þurfi að skilja hana til hlítar
Kynningardagur í FVA fyrir tíundu bekkinga
Um hundrað og þrjátíu nemendur
úr tíundu bekkjum á Akranesi og
í Hvalfjarðarsveit heimsóttu Fjöl-
brautaskóla Vesturlands á Akra-
nesi síðastliðinn miðvikudags-
morgun. Nemendurnir komu sam-
an á sal skólans þar sem flutt voru
stutt ávörp. Að því loknu var gest-
unum skipt í litla hópa sem fengu
fylgd um skólann með leiðsögu-
mönnum sem voru úr hópi nem-
enda FVA. Kennarar, ráðgjafar og
fleiri starfsmenn fjölbrautaskólans
stilltu sér upp víða um skólann,
kynntu fög sín og svöruðu spurn-
ingum. Þá upplýsti stjórn nem-
endafélagsins gestina um félags-
starfið í skólanum. Heimsókninni
lauk með því að nemendum og
starfsfólki grunnskólanna var boð-
ið í hádegisverð í mötuneyti FVA.
grþ / Ljósm. Linda Dröfn Jó-
hannesdóttir.
Tíunda bekkjar nemendum var skipt í minni hópa sem fengu
leiðsögn um skólann.
Gestirnir voru áhugasamir á kynningu skólans. Boðið var upp á hollan hádegisverð í mötuneyti FVA.
Kennarar og aðrir starfsmenn kynntu fög sín, jafnvel með fylgihlutum. Nemendafélagið brá á leik og kynnti félagslífið fyrir gestunum.