Skessuhorn - 18.02.2015, Blaðsíða 30

30 MIÐVIKUDAGUR 18. FEBRÚAR 2015
Hvert er eftirlætis sjón-
varpsefnið þitt?
Spurning
vikunnar
(Spurt í Borgarnesi)
Stefán Sveinsson:
Ég horfi lítið á sjónvarp, helst á
fréttirnar.
Svava Kristjánsdóttir:
Íslenskir þættir og framhalds-
þættir.
Hulda Þorsteinsdóttir:
Under the Dome.
Gylfi Jónsson:
Fréttirnar náttúrlega og svo er
hann alveg frábær danski fram-
haldsþátturinn Erfingjarnir.
Guðmundur Magnússon:
Fréttirnar.
Nú stendur Grundarfjarðarbær,
í samvinnu við Ungmennafélag
Grundarfjarðar, fyrir svokallaðri
hreystiviku annað árið í röð. Þá eru
bæjarbúar hvattir til að stunda holla
hreyfingu, sama í hvað formi hún
er. Allir íþróttaviðburðir á vegum
ungmennafélagsins eru opnir auk
þess sem margt annað er í boði fyrir
þá sem þyrstir í hreyfingu. Á meðal
dagskrárliða er fyrirlestur hjá Þor-
grími Þráinssyni, kynning á skákí-
þróttinni, skokkhópur, opnir tímar
í ketilbjöllum, opnir íþróttatímar
í íþróttahúsinu, jóga, dans og svo
mætti lengi telja. Ljóst er að fólk á
öllum aldri ætti að geta fundið eitt-
hvað við sitt hæfi.
tk
Á 69. ársþingi Knattspyrnusam-
bands Íslands sem haldið var í
Reykjavík um síðustu helgi voru
eins og jafnan á þingunum veitt-
ar viðurkenningar og fólk heiðr-
að. Íþróttabandalag Akraness hlaut
tvær viðurkenningar. Það var Dragó
styttan sem veitt er prúðasta knatt-
spyrnuliði á Íslandsmóti í meist-
araflokki, sem að þessu sinni kom
í hlut karlaliðs ÍA í 1. deildinni síð-
asta sumar. Hin viðurkenningin var
fyrir öflugt starf að dómaramálum,
sem ÍA hlaut nú þriðja árið í röð.
Tvö félög fengu þá viðurkenningu,
ÍA og FH. Sem fyrr þurfti að upp-
fylla tíu skilyrði til þess að teljast
fyrirmyndarfélag í þeim efnum. FH
og ÍA stóðust skilyrðin og teljast
því vera fyrirmyndarfélög í dóm-
aramálum 2014. Öflugt starf er í
Knattspyrnudómarafélagi Akraness
og á félagið fimm dómara sem eru
að dæma í efstu deild í fótboltan-
um. þá
Ölfugt starf í Knattspyrnudóm-
arafélagi Akraness hefur hlotið at-
hygli á landsvísu en félagið hlaut
núna þriðja árið í röð viðurkenn-
ingu KSÍ fyrir öflugt starf að dóm-
aramálum. KDA er elsta starfandi
knattspyrnudómarafélag í land-
inu. Var stofnað árið 1970 og hefur
starfað af krafti allar götur síðan að
sögn Halldórs Breiðfjörð Jóhanns-
sonar, eins stjórnarmanna. „Starf-
ið hjá okkur er mjög öflugt og
skemmtilegt. Ég hef komið talsvert
að félagsmálum en mér finnst starf-
ið í þessu félagi það skemmtilegasta
sem ég hef komið nálægt,“ segir
Halldór. Aðspurður sagði hann að
félagar séu í dag um 15 og til standi
að fjölga þeim á næstunni, meðal
annars með því að halda námskeið
fyrir verðandi knattspyrnudómara
á Akranesi.
„Ég vil hvetja bæði karla og kon-
ur að koma á námskeiðið og hjálpa
okkur til að efla starfið og styrkja
mótahaldið í knattspyrnunni. Við
tökum vel á móti nýjum meðlim-
um. Á síðasta ári vorum við með
alls um 570 störf sem er mjög mik-
ið hjá ekki fjölmennari félagi. Við
státum af því að eiga fimm dóm-
ara sem eru að dæma í Pepsídeild
karla. Nýjasta rósin í hnappagatið
var að núna nýlega var einn úr okk-
ar hópi, Björn Valdimarsson, valinn
til starfa sem alþjóðadómari,“ sagði
Halldór Breiðfjörð Jóhannsson.
Hann segir að ýmis fríðindi fylgi
því að vera dómari og í KDA. Svo
sem frímiðar á alla deildarleiki á
vegum KSÍ, alla leiki í bikarkeppni
KSÍ, alla Evrópuleiki á Íslandi, frí-
miðar á alla landsleiki Íslands sem
spilaðir eru hér á landi, frítt í sund,
frítt í tækjasalinn á Jaðarsbökkum,
frímiði á lokahóf ÍA og fleira. þá
ÍA mætti síðastliðinn
sunnudag botnliði Þórs
í fyrstu deild karla í
körfubolta. Leikurinn
fór fram fyrir norðan og
leik með 72:61 sigri Skagamanna.
Það var aðeins í byrjun sem Þórsar-
ar höfðu í fullu tré við gestina. Þeir
leiddu með tveimur stigum eftir
fyrsta leikhluta en ÍA var komið yfir
í hálfleik í stöðunni 35:30. Mun-
urinn var ekki mikill á liðunum í
seinni hálfleiknum en Skagamenn
ávallt skrefinu á undan og sigruðu
í leiknum nokkuð örugglega. Jam-
arco Warren skoraði 26 stig í leikn-
um, Fannar Freyr Helgason kom
næstur með 18 stig, Erlendur Þór
Ottesen 9, Birkir Guðjónsson 8,
Áskell Jónsson 6 og aðrir minna.
ÍA er nú í fjórða sæti deildarinnar
með 18 stig, jafnmörg Val sem er í
fimmta sætinu. Í næstu umferð fær
ÍA Breiðblik í heimsókn og fer leik-
urinn fram annað kvöld, fimmtu-
dagskvöld, í íþróttahúsinu við Vest-
urgötu á Akranesi. þá
Keppni í Lengjubikarn-
um í knattspyrnu, deild-
arbikarkeppninni, byrjaði
um helgina. Skagamenn
sigruðu Hauka 4:3 í Akranes-
höllinni á laugardagsmorguninn.
Skagamenn voru mun betri fyrsta
hálftímann og óðu í færum. Jón Vil-
helm Ákason náði forystunni fyrir
Skagamenn á 23. mínútu. Í kjölfar-
ið opnaðist vörn ÍA illa og Haukar
skoruðu tvívegis með stuttu millibili.
Jón Vilhelm var aftur á ferðinni á 42.
mínútu þegar hann skoraði og jafn-
aði í 2:2 og þannig var staðan í hálf-
leik. Skagamenn fengu draumabyrj-
un í síðari hálfleik og náðu forystunni
strax á 49. mínútu með sjálfsmarki
gestanna. Arnar Már Guðjónsson
kom Skagamönnum í 4:2 á 67. mín-
útu. Aðeins níu mínútum síðar opn-
aðist vörn ÍA illilega og minnkuðu
Haukar muninn. Þar við sat og því
sigur hjá Skagamönnum í fyrsta leik.
Bestu menn ÍA voru Jón Vilhelm og
Þórður Þorsteinn Þórðarson í stöðu
hægri bakvarðar. Varnarleikur ÍA var
ekki góður í leiknum en spilið fram á
við mjög gott.
Í næstu umferð mætir ÍA Stjörn-
unni og fer leikurinn fram í Akranes-
höllinni nk. laugardag. þá
Freisting vikunnar
Segja má að fiskur sé þjóðarrétt-
ur okkar Íslendinga. Enda erum
við svo lánsamir að hafa aðgang
að þessu frábæra og ferska hrá-
efni, sem hægt er að elda á ýms-
an máta. Fiskurinn okkar er góð-
ur hversdags, hvort sem hann er
soðinn, steiktur eða ofn-
bakaður en hann getur
líka verið veislumatur. Við
birtum hér góða uppskrift
af ofnbökuðum fiski með
miðjarðarhafsgrænmeti
og jógúrtsósu, sem sæmir
sér vel á hvaða borði sem
er - hvort sem það er til-
efni til veislu eða ekki.
Uppskriftin kemur upp-
runalega frá matreiðslu-
bókahöfundinum Nönnu
Rögnvaldsdóttir en hefur
birst víða í netheimum.
Ofnbakaður fiskur með jóg-
úrtsósu
700 g roðflett og beinhreinsuð
fiskflök – ýsa, þorskur eða annar
hvítur fiskur (700-800 gr.)
2 msk. olía
1 laukur, saxaður
1 kúrbítur, skorinn í bita
1 rauð paprika, skorin í bita
200 gr. kirsuberjatómatar
12 ólífur
150 gr. gratínostur
salt og pipar
Aðferð:
Hitið ofninn í 200°C. Skerið
fiskinn í bita og kryddið þá með
pipar og salti. Penslið eldfast mót
með dálitlu af olíunni og rað-
ið fiskinum í það. Hitið afgang-
inn af olíunni á pönnu og látið
laukinn krauma í henni í nokkrar
mínútur. Bætið þá kúrbít, papr-
iku, tómötum og ólífum á pönn-
una og látið krauma við meðal-
hita í nokkrar mínútur, eða þar
til grænmetið er farið að mýkj-
ast dálítið. Kryddið með pipar og
salti og hellið grænmetinu
yfir fiskinn. Stráið ostin-
um yfir og bakið í ofni í
15-20 mínútur, eða þar til
fiskurinn er rétt steiktur í
gegn. Berið fram t.d. með
salati og jógúrtsósu.
Jógúrtsósa
250 ml. jógúrt án ávaxta
eða grísk jógúrt
1 msk. ólífuolía
1 tsk. hunang
2 hvítlauksgeirar, pressaðir
salt og pipar
Aðferð:
Blandið öllu vel saman, smakk-
ið og bragðbætið eftir þörfum.
Ef óskað er eftir þynnri sósu má
hræra soði úr fiskfatinu saman
við.
Ofnbakaður fiskur með miðjarðarhafsgrænmeti
Elín Hróðný Ottósdóttir og Olga
Sædís Aðalsteinsdóttir að taka á því í
ræktinni.
Hreystivika í
Grundarfirði
Skagasigur í marka-
leik gegn Haukum
Skagamenn
sigruðu fyrir norðan
Knattspyrnudómarar á Akranesi á æfingu síðasta mánudag.
Öflugt starf í elsta knattspyrnu-
dómarafélagi landsins
Magnús Guðmundsson formaður Knattspyrnufélags ÍA tekur við viðurkenningu til
félagsins úr hendi Geirs Þorsteinssonar formanns KSÍ.
ÍA fékk viðurkenningar á KSÍ þingi