Skessuhorn - 01.07.2015, Blaðsíða 10

MIÐVIKUDAGUR 1. JÚLÍ 201510
Starfsmenn verktaka-
fyrirtækisins Þróttar
unnu að því í síðustu
viku að færa á brott
nokkrar aspir sem
staðið hafa við
Stillholt á Akranesi
á móts við hús tón-
listarskólans. Þarna
á að gera útskot fyrir
strætisvagna en bið-
skýli er skammt frá.
Aspirnar voru fluttar
í skógrækt Akraness
og gróðursettar þar
að nýju.
mþh
Lögfræðisvið Háskólans á Bif-
röst hefur hlotið styrk að fjárhæð
167.193 evrur, eða um 25 milljón-
ir íslenskra króna, í gegnum evr-
ópsku Erasmus+ áætlunina. Styrk-
urinn er út á verkefnið „Develop-
ment of a Blended Learning App-
roach to a Joint Degree in Business
and Law,“ sem útleggst á íslensku:
„Þróun blandaðra kennsluhátta fyr-
ir sameiginlega gráðu í viðskipta-
lögfræði“.
Um er að ræða tveggja ára sam-
starfsverkefni milli lögfræðisviðs
Háskólans á Bifröst, lagadeildar
Háskólans í Árósum og lagadeildar
Dyflinarháskóla (University Col-
lege Dublin). Markmið verkefnis-
ins er að þróa blandaðar kennslu-
aðferðir í lögfræði, þar sem stað-
námi og fjarnámi er beitt jöfnum
höndum. Skólarnir stefna að því
að bjóða uppá sameiginlega meist-
aragráðu á sviði viðskiptalögfræði
og auka samstarf skólanna. Sam-
starfið miðar að þróun aðferða-
fræði við kennslu lögfræði í blönd-
uðu námi. Byggt verður á reynslu
Háskólans á Bifröst af nýrri tegund
lagakennslu, en lögfræðisvið skól-
ans tók upp vendikennslu á nýliðnu
skólaári og mun kenna lögfræði í
blönduðu námi frá og með haust-
inu 2015. Starfsfólk þessara þriggja
lagadeilda mun starfa náið saman á
meðan verkefninu stendur.
Háskólinn á Bifröst hafði frum-
kvæði að umsókn rannsóknar-
styrksins og mun sviðsstjóri lög-
fræðisviðs, Helga Kristín Auðuns-
dóttir, stýra verkefninu. „Það er
mikill styrkur fyrir lítinn og fram-
sækinn háskóla eins og Bifröst að
starfa með Háskólanum í Árósum
og UCD Dublin, enda um mjög
sterkar og rótgrónar lagadeildir að
ræða. Í samstarfinu felast einnig
tækifæri bæði fyrir fyrir nemendur
og kennara. Við erum einnig mjög
stolt af því að fá þetta tækifæri til að
útfæra nánar þá aðferðafræði í laga-
kennslu sem við innleitt á lögfræði-
sviði Háskólans á Bifröst,“ segir
Helga Kristín Auðunsdóttir.
-fréttatilkynning
Hnúfubakur damlaði í rólegheitum
rétt utan við höfnina í Rifi á Snæ-
fellsnesi á mánudagskvöld í síðustu
viku. Hvalurinn virtist vera þar í
einhverju æti þegar Alfons Finns-
son fréttaritari Skessuhorns mynd-
aði hann í kvöldsólinni. Hnúfubak-
ar eru ekki mjög algengir svo ná-
lægt landi. Undanfarið virðist sem
hvalagengd hafi aukist við Snæ-
fellsnes. Um helgina synti lang-
reyður upp í fjöru við Stykkishólm
og gaf þar upp öndina. Langreyð-
ur er úthafstegund og afar sjaldgæft
að þær komi að landi. Einnig hef-
ur frést af stórhvelum við Hellnar
og nú sást þessi hnúfubakur við Rif.
Hnúfubökum hefur fjölgað mjög á
hafsvæðunum við Ísland. Tegundin
hefur verið alfriðuð í nálega hálfa
öld.
mþh
Öryggismyndavélar hafa verið sett-
ar upp á vegum Hvalfjarðarsveitar á
nokkrum húsa sveitarfélagsins. Vél-
arnar eru alls ellefu talsins. Upp-
tökur úr þeim eru geymdar í þrjár
vikur og verða afhentar lögreglu
ef tilefni gefast til. Þrjár vélar eru
staðsettar utan á stjórnsýsluhúsinu
að Innrimel 3. Þær hafa 360 gráðu
sjónarhorn hver og geta þannig
séð allt í kringum sig. Tvær vélar
eru staðsettar utan á leikskólanum
Skýjaborg, sem sömuleiðis hafa 360
gráðu sjónarhorn hvor. Ein vél er
staðsett utan á íþróttamiðstöðinni
Heiðarborg. Hún er stefnuvirk og
sýnir aðkeyrsluna að húsnæðinu og
sparkvöllinn. Fimm vélar eru svo
festar á Heiðarskólahúsið. Fjór-
ar þeirra eru með 360 gráðu sjón-
arhorn. Sú fimmta er stefnuvirk og
sýnir afleggjarann upp að skólanum
auk þess að gefa mynd yfir sveitina
ásamt Esju og Akrafjalli.
Á heimasíðu Hvalfjarðarsveit-
ar segir að tilgangurinn með upp-
setningu myndavélanna sé fyrst og
fremst sá að hafa eftirlit með eign-
um. „Það hafa verið unnin minni-
háttar skemmdarverk. Bílar hafa
verið rispaðir og ljós eyðilögð. Hins
vegar hefur ekki verið brotist inn í
þessi hús. Nú er verið að ljúka við
að setja þennan búnað upp,“ segir
Björgvin Helgason oddviti Hval-
fjarðarsveitar í samtali við Skessu-
horn.
Sett verða upp áberandi spjöld
til að upplýsa vegfarendur um að
staðirnir séu vaktaðir með mynda-
vélum. Mun það vera samkvæmt
ákvæðum í reglugerð Persónu-
verndar um notkun eftirlitsbúnað-
ar af þessu tagi. Vélarnar taka að-
eins upp ef hreyfing á sér stað.
Upptakan er geymd á tölvutæku
formi á netþjóni sem staðsettur er
í stjórnsýsluhúsi Hvalfjarðarsveit-
ar í Melahverfi. Öryggisvörður og
tæknimaður hafa aðgang að þess-
um gögnum. Lögregla mun svo fá
þau til skoðunar reynist ástæða til
þess. Allar upptökur eru geymdar í
21 dag. Eftir það byrjar netþjónn-
inn að taka yfir þær og þannig eyð-
ast þær sjálfkrafa. mþh
Bjarni Valtýr Guðjónsson frá
Svarfhóli á Mýrum er látinn, 86
ára að aldri. Hann giftist aldrei og
varð ekki barna auðið. Lengst bjó
hann og starfaði í Borgarnesi en
búsetu var hætt á Svarfhóli 1977.
Bjarni Valtýr var dálítið sérstak-
ur í háttum en mikið náttúrubarn.
Hann var afar litríkur og áhuga-
verður karakter og því minnis-
stæður mörgum. Hann var stál-
minnugur enda fluggreindur sem
birtist í ofurgáfum hans á ákveðn-
um sviðum. Þannig þekktu t.d.
margir viðskiptavinir Kaupfélags
Borgfirðinga á sinni tíð að hægt
var að fletta upp í minni hans
þegar finna þurfti út vörunúm-
er í byggingavörudeild KB þar
sem hann starfaði lengi. Þær tölur
kunni hann.
Bjarni Valtýr hafði mikla tón-
listargáfu og varð organisti á Stað-
arhrauni á unglingsaldri og org-
anisti var hann í Akrakirkju, Álft-
ártungukirkju og Staðarhrauns-
kirkju á Mýrum frá 1952 og allt
til dauðadags. Ást hans á Íslandi
og öllu því sem íslenskt er var
einstök. Hann safnaði þjóðleg-
um fróðleik og ýmsum þjóðlegum
smámunum auk allra handanna
bókum og ritum. Þá tók Bjarni
virkan þátt í kvæðamannafélaginu
Iðunni, samdi allt frá barnsaldri
ljóð og gaf í seinni tíð út nokkrar
ljóðabækur og önnur frumsamin
verk. Ófáar söngvökur hélt hann
í Borgarnesi og tók virkan þátt í
ýmsu félagsstarfi. Um tíma var
hann ritstjóri héraðsfréttablaðsins
Borgfirðings.
mm
And lát:
Bjarni Valtýr Guðjónsson
Guðríður Guðbrandsdóttir lést í
síðustu viku, 109 ára og 33ja daga
gömul. Ljósm. Morgunblaðið/Eggert.
Guðríður Guðbrandsdóttir frá
Spágilsstöðum í Dölum lést
fimmtudaginn 25. júní síðastlið-
inn. Þá var hún 109 ára og 33ja
daga gömul og hafði verið elst
Íslendinga síðan í ágúst 2011.
Guðríður var fjórði Íslendingur-
inn sem náði 109 ára aldri.
Guðríður var fædd 23. maí
1906 á Spákelsstöðum í Laxár-
dal í Dalasýslu, sem síðar hlutu
nafnið Spágilsstaðir. Foreldrar
hennar voru hjónin Guðbrand-
ur Jónsson bóndi og Sigríður
Margrét Sigurbjörnsdóttir hús-
freyja. Guðríður var sjötta í röð
ellefu systkina, sem öll eru látin.
Hún ólst upp hjá ömmu sinni og
nöfnu, Guðríði Jónsdóttur. Guð-
ríður bjó framan af ævinni í Búð-
ardal ásamt eiginmanni sínum
Þorsteini Jóhannssyni, verslun-
armanni í Búðardal og Reykja-
vík, en þau fluttust til Reykjavík-
ur árið 1952. Hjónin eignuðust
ekki barn en ættleiddu dótturina
Gyðu og ólu upp tvö fósturbörn,
Sigurð Markússon og Halldóru
Kristjánsdóttur. Þau eru öll látin.
Guðríður bjó síðustu fjóra ára-
tugina í þjónustuíbúðum aldr-
aðra í Furugerði í Reykjavík.
grþ
And lát:
Guðríður Guðbrandsdóttir
Aspir á Akranesi
fluttar á nýjan stað
Hvalurinn virtist í einhverju æti. Hér galopnar hann kjaftinn móti geislum kvöld-
sólarinnar rétt utan við hafnargarðinn í Rifi.
Hnúfubakur við Rifshöfn
Helga Kristín Auðunsdóttir er sviðs-
stjóri lögfræðisviðs á Bifröst og stýrir
verkefninu.
Bifröst hlýtur vænan styrk til þróunar
blandaðra kennsluhátta
Fimm öflugar öryggismyndavélar munu hér eftir fylgjast með umferð við Heiðar-
skóla en alls setur Hvalfjarðarsveit upp ellefu slíkar á húsakynnum sínum.
Hvalfjarðarsveit setur
upp öryggismyndavélar