Skessuhorn - 22.07.2015, Blaðsíða 14

MIÐVIKUDAGUR 22. JÚLÍ 201514
Slökkvilið Borgarbyggðar glímdi á
föstudagsmorguninn síðasta við eld
sem kraumaði í mosa í Grábrók-
arhrauni um þrjá kílómetra sunn-
an við Bifröst. Ástæða þess að eld-
urinn kviknaði var hins vegar harla
óvenjuleg. Ferðamanni á reiðhjóli
hafði orðið brátt í brók og fór út
í úfið hraunið og gekk þar örna
sinna. Eftir að hafa þrifið rassbor-
una samviskusamlega með pappír
hugðist maðurinn fara að ábend-
ingum sem honum höfðu verið
gefnar við aðstæður sem þessar og
kveikti í salernispappírnum ofan
í holunni. Dágóður eldur bloss-
aði upp og kveikti í skraufaþurrum
mosa í hrauninu. Maðurinn reyndi
að slökkva með innihaldi vatns-
brúsa sem hann hafði við höndina,
en það dugði ekki til og kallaði ann-
ar vegfarandi til slökkvilið.
En sagan var ekki öll, því hópur
erlendra ferðamanna sem kom að
vettvagni hélt að byrjað væri eld-
gos í Grábrókarhrauni. Flykktust
ferðamennirnir út með myndavél-
ar og búnað til að ná hamförunum á
mynd. Þurfti að rýma svæðið til að
slökkviliðsmenn gætu athafnað sig.
Að sögn Bjarna K Þorsteinssonar
slökkviliðsstjóra gekk slökkvistarf
vel miðað við aðstæður. Brunnu
á að giska 200 fermetrar af mosa
og gróðri. Slökkviliðsmenn vörðu
drykklangri stund við að rennbleyta
svæðið til að fyrirbyggja að glóð
leyndist í mosanum. Bjarni slökkvi-
liðsstjóri segir einsýnt að stórauka
verði upplýsingagjöf til ferðafólks
um ýmislegt sem snýr að umgengni
við náttúruna. Þá er jafnvel grunur
um að ferðafólki sé einmitt ráðlagt
af einhverjum að kveikja í salernis-
pappír. „Þá er nú betra af tvennu
illu að hafa fjúkandi salernispapp-
ír en hálft landið logandi,“ sagði
Bjarni slökkviliðsstjóri.
Rétt er að árétta að jörð í Borg-
arfirði og víðar um vestanvert land-
ið er afar þurr eftir þurrka undanar-
inna vikna. Öll meðferð elds er því
bönnuð og ekki síður verða reyk-
ingamenn að drepa kyrfilega í vind-
lingum sínum áður en þeir losa sig
við stubbana í þar til gerð ílát.
mm
Um hálf níuleytið að morgni síð-
astliðins miðvikudags, að íslensk-
um tíma, varð alvarlegt slys í Nor-
egi þegar tengivagn slitnaði aftan
úr olíubíl á leið uppúr Skatestraum-
jarðgöngunum sem eru neðansjáv-
ar í Bremanger í Sogn og Firðafylki
í Vestur-Noregi. Tengivagn með
16.500 lítrum af bensíni slitnaði
aftan úr olíubílnum og rakst í vegg
ganganna. Leki kom að tanki tengi-
vagnsins, það kviknaði í bensíninu,
sprenging varð og gríðarmikill eld-
ur. Bílstjóri olíubílsins náði að gera
viðvart í neyðarsíma í göngunum
svo þeim yrði lokað og forðaði sér
síðan en lét alla snúa við sem hann
mætti á leiðinni upp úr þeim. Alls
voru 19 manns í göngunum þegar
slysið varð en allir komust út. Sex
voru sendir á sjúkrahús eftir að hafa
andað að sér reyk en ástand þeirra
reyndist ekki alvarlegt. Mikill eld-
ur logaði í göngunum. Lögreglan í
Sogn og Firðafylki skrifaði á Twit-
ter-síðu sína um morguninn að um
hádegisbil hafi allir björgunar- og
slökkviliðsmenn verið kallaðir út
úr þeim þar sem sjór var farinn að
leka inn í göngin, líklega af völdum
sprenginga. Óttast var að göngin
hryndu.
Þessar fregnir vöktu athygli á Ís-
landi og leitaði hugur margra að
Hvalfjarðargögnum. „Það eru regl-
ur í gildi um Hvalfjarðargöng. Þær
byggja á ákveðnu áhættumati sem
hefur verið unnið fyrir Hvalfjarðar-
göng í tvígang. Vegagerðin og lög-
reglan ákveða svo takmarkanir og
undanþágur á þeim. Í það heila þá
er akstur olíu og bensíns takmark-
aður og það er bannað að flytja gas.
Það má sjá nánari reglur um þetta
á heimasíðu Spalar,“ segir Gísli
Gíslason, stjórnarformaður Spalar,
í samtali við Skessuhorn.
Afmarkaðir tímar í
Hvalfjarðargöng
Á vef Spalar er tilgreint að bann-
að sé að flytja hættulega farma
um Hvalfjarðargöng frá kl. 10:00
á föstudögum til kl. 01:00 á laug-
ardögum. Einnig frá kl. 07:00 á
laugardögum til kl. 01:00 á sunnu-
dögum. Sömuleiðis frá kl. 07:00 á
sunnudögum til kl. 01:00 á mánu-
dögum. Um verslunarmannahelgi
er flutningur hættulegra efna einn-
ig bannaður frá kl. 10:00 fimmtu-
daginn fyrir verslunarmannahelgi
til kl. 24 að kvöldi þriðjudags eftir
verslunarmannahelgi. Svipað er um
páska og hvítasunnu. Bann gild-
ir frá kl. 10:00 miðvikudaginn fyr-
ir páska til kl. 24 að kvöldi þriðju-
dags eftir páska, og frá kl. 10:00
föstudaginn fyrir hvítasunnu til kl.
24 að kvöldi þriðjudags eftir hvíta-
sunnu. Það sem telst til hættulegra
farma er eftirfarandi: sprengifim
efni, lofttegundir, eldfimir vökvar,
eldfim föst efni, efni með hættu á
sjálftendrun, efni sem mynda eld-
fimar lofttegundir við snertingu við
vatn, eldnærandi efni, lífræn perox-
íð, eitruð efni, smitefni, geislavirk
efni, ætandi efni og önnur hættu-
leg efni.
Gísli segir að flutningar á elds-
neyti og öðrum álíka förmum í
gegnum Hvalfjarðargöng hafi geng-
ið vel á þeim 16 árum sem göngin
hafa verið í opin. Hann segir að þó
sé ekki vitað hve mikið af hættuleg-
um förmum fari um Hvalfjarðar-
göng árlega. „Svona óhöpp eins og
urðu í Noregi setja hins vegar allt-
af hnút í magann. Við höfum alltaf
lagt áherslu á öryggismálin í Hval-
fjarðargöngum, meðal annars með
því að halda niðri umferðarhraða.
Olíubílarnir eru líka undir meira og
betra eftirliti en margir aðrir bílar
af sambærilegri stærð. Á endanum
er þetta þó alltaf spurning um að-
gæslu ökumanna. Atvikið í Noregi
er áminning um að þurfi að hafa
vakandi auga með þessum málum,“
segir Gísli Gíslason.
mþh
Reglur eru í gildi um flutning
hættulegra efna um Hvalfjarðargöng
Skjáskot af myndbandi sem tekið var á vettvangi óhappsins í Noregi að morgni
síðasta miðvikudags.
Slökkvilið Akraness og Hvalfjarð-
arsveitar var kallað út á tólfta tím-
anum síðastliðinn miðvikudags-
morgun vegna elds sem logaði í
viðgerðaefnum ofan í holræsum
í Skagabraut á Akranesi. Vinnu-
flokkur starfaði við að fóðra rörin
og er talið að hitalampi hafi kveikt
í eldfimum plastefnum. Mildi var
að enginn var ofan í holræsabrunn-
inum þegar eldurinn kom upp því
talsverð sprenging varð og eldur
stóð nokkra metra upp úr yfirborði
götunnar. Slökkvistarf gekk fljótt
og vel fyrir sig.
mm/ Ljósm. mm & mþh
Kviknaði í fóðringar-
efni í holræsi
Síðastliðinn sunnudag var Nor-
ræna sagnaþingið sett í Grundar-
firði, en alls eru um fjörutíu sagna-
meistarar víðsvegar af Norðurlönd-
unum mættir á svæðið. Sagnaþingið
stendur yfir í fimm daga og er brott-
farardagur fimmtudagurinn 23. júlí.
Það var kátt á hjalla í Sögustofunni
að Læk á sunnudaginn, en þennan
menningarstað eiga og reka hjón-
in Ingi Hans Jónsson og Sigurborg
Kr. Hannesdóttir. Þá voru sagna-
meistararnir í góðum gír og sögðu
léttar gamansögur. Að minnsta kosti
var hlegið dátt þegar ljósmynd-
ari Skessuhorns rak inn nefið til að
smella af myndum.
tfk
Norrænt sagnaþing stendur
yfir í Grundarfirði
Kúkaði í hraunið og
kveikti svo gróðureld
Þessi mynd var tekin þegar slökkvistarf var að hefjast.
Hér er slökkvistarfi að ljúka. Ljósm. Lögreglan á Vesturlandi.