Skessuhorn - 26.08.2015, Blaðsíða 24

MIÐVIKUDAGUR 26. ÁGÚST 201524
Í Snæfellsbæ gleðst fólk yfir góðu
gengi knattspyrnuliðs Víkings
Ólafsvíkur og nánast hvert manns-
barn fylgist með leikjum liðsins.
Ejub Purisevic þjálfari Víkings hef-
ur byggt upp nánast nýtt lið frá því
á síðasta ári og árangur þess hefur
farið fram úr björtustu vonum. Nú
þarf liðið aðeins þrjú stig til við-
bótar til þess að tryggja sér sæti í
Pepsídeildinni næsta sumar. Vík-
ingur þarf sex stig úr fjórum síð-
ustu leikjum mótsins til að sigra í
Fyrstu deildinni. Það yrði um leið
besti árangur liðsins frá upphafi.
Mikil eftirvænting var fyrir leik
Víkings við Þór á Akureyri sem
spilaður var fyrir norðan síðast-
liðinn laugardag. Gátu hörðustu
stuðningsmenn Víkings ekki setið
heima og því var ákveðið að leigja
rútu til þess að fjölmenna á leikinn.
Fréttaritari Skessuhorns slóst með
í för og fangaði hina skemmtilegu
stemningu í ferðinni. Snemma á
laugardagsmorgninum var farið á
einkabílum í Borgarnes til móts við
rútuna sem kom frá Reykjavík með
þá stuðningsmenn sem þar búa.
Farið var áleiðis norður klukkan
átta um morguninn.
Góð stemming var í rútunni á
leið norður og menn spáðu vel í
leikinn og stöðuna hjá hetjum sín-
um. Gert var stutt stopp í Staðar-
skála og Varmahlíð svo fólk gæti
teygt úr sér og fengið sér snarl og
kaffisopa. Klukkan 12 var svo kom-
ið til Akureyrar og þar stoppað á
veitingastaðnum Greifanum í há-
degisverð. Komu þangað fleiri
stuðningsmenn Víkings sem voru
á Akureyri og nágrenni og samein-
uðust þeim sem komu með rútunni.
Að sjálfsögðu var bara rætt um fót-
bolta og menn skiptust á skoðun-
um og mikil bjartsýni var fyrir leik-
inn gegn Þór. Tap kom einfaldlega
ekki til greina. „Við erum með eitt
besta lið sem Víkingur hefur átt til
þessa,“ mátti heyra frá stuðnings-
manni sem bætti við: „Þetta lið
gefst aldrei upp, berst til síðasta
blóðdropa.“
Höldum með Víkingi
Farið var á Þórsvöll um klukkan
13.30 svo menn kæmu tímanlega
á völlinn. Veður var gott og fjöl-
margir áhorfendur mættir. Þórs-
menn buðu upp á grillaður pyls-
ur fyrir leikinn og buðu stuðn-
ingsmenn velkomna. Óhætt var að
segja að gestrisni hafi verið í fyrir-
rúmi hjá Þórsmönnum þrátt fyrir
að liðin hafi háð marga harða leiki
að undanförnu en það var ekki að
sjá á gestrisni heimamanna.
Liðin hituðu upp áður en leik-
urinn hófst. Á slaginu 14.00 var
flautað til leiks og þrátt fyrir að
stuðningsmenn Víkings hafi verið í
minnihluta áhorfenda, heyrðist vel
og vandlega í þeim og hreinlega yf-
irgnæfðu þeir stuðningsmenn Þórs.
Nokkrir Eyjamenn voru á leiknum
og komu þeir til stuðningsmanna
Víkings og gengu með þeim í lið
og hvöttu Víking áfram og sögðu:
„Við viljum frekar að Víkingur fari
upp heldur en Þór.“
Strax á annarri mínútu skoraði
Hrvoje Tokic fyrir Víking og allt
varð vitlaust af fögnuði í röðum
stuðningsmanna að sunnan. Mikil
barátta var í báðum liðum framan
af og ekki minnkuðu hrópin þeg-
ar löglegt mark var dæmt af Vík-
ingsliðinu. Víkingur sótti án afláts
og var mikil harka í fyrri hálfleik
en gestirnir voru með leikinn í sín-
um höndum. Strax á annarri mín-
útu seinni hálfleiks skoraði Tokic
annað mark Víkings og hefur hann
nú skorað átta mörk í sex leikjum.
Sannkallaður happafengur fyrir
Víking að fá hann til liðsins.
En áfram hélt leikurinn og sama
harkan sem fyrr. Síðustu 20 mín-
úturnar sóttu Þórsarar án afláts
og að lokun náði Orri Sigurjóns-
son leikmaður Þórs að minnka
muninn í 1-2. Stuðningsmönnum
Víkings var hætt að lítast á hversu
hart Þórsarar sóttu í sig veðrið en
vörn Víkingsmanna stóðst áhlaup
heimamanna og að lokum var leik-
Slegist í för með Víkingsmönnum þegar
þrjú stig voru sótt til Akureyrar
Hluti stuðningmanna Víkings á Akureyri.
Stefán Rafn Elinbergsson og Vagn Ingólfsson.
Stuðningsmenn Víkings koma sér fyrir í áhorfendastúkunni áður en leikurinn
hefst.
Hópurinn í Greifanum í hádegismat eftir ferðina norður.
Antonio Maria Ferrao Grave sjúkraþjálfari Víkings hafði í nógu að snúast
í svona hörkuleik og hér teygir hann og togar markaskorarann Hrvoje
Tokic.
Hrvoje Tokic, sannkallaður markaskorari, hefur aðeins leikið
6 leiki en skorað í þeim átta mörk.
Tomaz Luba réði sér vart fyrir fögnuði.
Leikmenn Víkings fagna.
Alfreð Már Hjaltalín og Kristófer
Eggertsson leikmenn Víkings í Staðar-
skála, kátir en laskaðir eftir hörkuleik.