Skessuhorn - 26.08.2015, Page 34

MIÐVIKUDAGUR 26. ÁGÚST 201534
„Hvað þykir þér vera skemmti-
legast við komu haustsins?“
Spurning
vikunnar
(Spurt í Búðardal)
Jónína Guðmundsdóttir
„Það er oft svo fallegt veður á
haustin“
Sonja Daníelsdóttir
„Haustlitirnir á gróðrinum, mér
þykja þeir fallegir.“
Soffía Meldal Kristjánsdóttir
og Kristján Meldal
„Skólinn“
Sigrún Daðadóttir, Árni Dan
Ármannsson og Soffía Daða-
dóttir.
„Berin og haustlitirnir. En í ágúst
er það að hitta göngufélagana.
Við förum alltaf í haustgöngur
með góðum hópi og erum ein-
mitt á leið í eina slíka núna.“
Badmintonfélag Akraness mun
standa fyrir hópa- og fyrirtækja-
móti í íþróttahúsinu við Vesturgötu
sunnudaginn 6. september næst-
komandi kl. 10:30. Mótið er haldið
í samstarfi við bílaumboðið Öskju
og verða sigurvegararnir Öskj-
umeistarar ársins 2015 og er það
liður í fjáröflun félagsins. Jóhanna
Ólafsdóttir hjá badmintonfélag-
inu sagði í samtali við Skessuhorn
að svona mót hafi ekki verið haldið
áður á vegum félags-
ins. Um nýjung væri
að ræða sem ákveð-
ið hafi verið að prófa
til að styðja og styrkja
starfsemi félagsins,
kynna badmintoníþrótt-
ina og fjölga iðkendum.
Annar liður í því séu trim-
mæfingar, haldnar þrisvar í
viku, þar sem fólki er boðið
að æfa frítt til áramóta. „Við
höfum átt spilara í fremstu
röð undanfarin ár, bæði í ung-
linga- og meistaraflokki og þetta
mót er liður í því að styrkja starf-
semi félagsins og styðja við fram-
tíðarspilara, “ sagði Jóhanna Ólafs-
dóttir fyrir hönd Badmintonfélags
Akraness.
Leikfyrirkomulag á komandi
móti verður með þeim hætti að
hvert lið skipa að minnsta kosti sex
leikmenn. Keppt verður í riðlum
og stefnt er að því að í hverjum riðli
verði fjögur lið. Hvert lið spilar þá
þrjár viðureignir og hver leikmað-
ur að minnsta kosti þrjá leiki, séu
sex leikmenn í liði. Hver viðureign
samanstendur af þremur tvíliða-
leikjum og er ekki gerður greinar-
munur á konum og körlum. Leikn-
ar verða tvær lotur í hverjum leik,
upp í 21 og vinna þarf með tveim-
ur stigum. Ef jafnt er í lotum verð-
ur úrslitalota spiluð, en ellefu stig
þarf til að sigra hana. Hver unn-
inn leikur gefur tvö stig og því mest
hægt að fá sex stig úr hverri viður-
eign. Svokölluð „spaðaruna“ verð-
ur leikin í lok hverrar viðureignar.
Fyrir sigur í henni er
aukastig í boði. Sig-
urvegarar hvers rið-
ils komast áfram og
leika gegn sigurveg-
urum úr öðrum riðl-
um. Vegleg verðlaun
verða veitt fyrir fyrsta og
annað sætið í mótinu, auk
þess sem viðurkenning verð-
ur veitt fyrir flottustu bún-
ingana.
„Við höfum fengið góðar
undirtektir í aðdraganda móts-
ins og ég vonast eftir góðri þátt-
töku og skemmtilegum degi,“ seg-
ir Jóhanna. Skráning fer fram með
tölvupósti á joh.olafsdottir@gma-
il.com í síðasta lagi þriðjudaginn
1. september. Upplýsingar um hóp
eða fyrirtæki þurfa að fylgja skrán-
ingarpóstinum, ásamt upplýsingum
um fjölda liða, nafn hvers liðs og
nöfn spilara. Þátttökugjald í fjáröfl-
unarmótinu er 25 þúsund krónur
á hvert lið og þarf það að greiðast
eigi síðar en fimmtudaginn 3. sept-
ember.
kgk/ fréttatilkynning
Sunnudaginn 23. ágúst síðastliðinn
fór fram Bikarkeppni Frjálsíþrótta-
sambands Íslands fyrir 15 ára og
yngri á Laugum í Þingeyjarsýslu.
SamVest sendi níu þátttakend-
ur til keppni í hinum ýmsu grein-
um á mótinu og stóðu keppend-
ur sig með prýði. Eins og Skessu-
horn hefur áður greint frá er Sam-
Vest samstarfsverkefni sjö héraðs-
sambanda á Vesturlandi og sunn-
anverðum Vestfjörðum. Fyrir hönd
samstarfsins kepptu að þessu sinni
í stúlknaflokki Birta Sigþórsdóttir
úr HSH og Liv Bragadóttir, Rak-
el Jóna Brede Davíðsdóttir og Saga
Ólafsdóttir úr HHF. Í drengja-
flokki kepptu Halldór Ólafsson úr
HHF, Vignir Smári Valbergsson úr
UDN og Daníel Fannar Einarsson,
Sigursteinn Ásgeirsson og Stefán
Jóhann Brynjólfsson úr UMSB.
Liðið hafnaði í fjórða sæti heild-
arstigakeppninnar með 95 stig en
í stökum greinum komust kepp-
endur SamVest sex sinnum á verð-
launapall. Sigursteinn Ásgeirs-
son vann til gullverðlauna í kúlu-
varpi með kasti upp á 11,60m sem
er hans besti árangur með fjög-
urra kílóa kúlu. Vignir Smári Val-
bergsson vann silfurverðlaun í
spjótkasti með kasti upp á 41,13m.
Saga Ólafsdóttir vann afgerandi
sigur í hástökki með stökki upp á
1,60m sem jafnframt er mótsmet.
Hún kom síðan önnur í mark í 80m
grindahlaupi á 13,43 sek.
Birta Sigþórsdóttir hafnaði í
þriðja sæti í kúluvarpi með kasti
upp á 10,13m sem er hennar besta
kast með þriggja kílóa kúlu. Birta
er aðeins 12 ára gömul og bætti
með kastinu 42 ára gamalt ald-
ursflokkamet utanhúss í flokki 12
ára stúlkna. Auk þess hafnaði sveit
SamVest í þriðja sæti í 1000m boð-
hlaupi stúlkna á tímanum 2:40,19
sek.
„Ég er mjög ánægð að við skul-
um ná að senda lið á mótið. Ekk-
ert sambandanna sjö sem eiga aðild
að samstarfinu gæti eitt og sér sent
svona hóp til að taka þátt og keppa
við stærri félög. Þetta samstarf
er að skila margvíslegum ávinn-
ingi fyrir lítil félög og frjálsíþrótta-
deildir, það er ekki spurning,“ sagði
Björg Ágústsdóttir, formaður fram-
kvæmdaráðs SamVest, í samtali við
Skessuhorn.
kgk
Fyrr í þessum mánuði var skrif-
að undir samning milli Knatt-
spyrnufélagsins Fram í Reykjavík
og Helga Guðjónssonar í Reyk-
holti um áframhald veru hans hjá
félaginu. Helgi er uppalinn í Fram
þótt hann eigi heima í Borgarfirði.
Helgi mætir á æfingar í bænum eft-
ir því sem hann hefur tök á og hef-
ur verið duglegur að sinna æfing-
um allt árið þrátt fyrir að þurfa að
aka um 200 km á æfingar. „Helgi
er einn af okkar efnilegustu leik-
mönnum, leikur í stöðu framherja
og hefur átt fast sæti í öllum yngri
landsliðum Íslands á undanförnum
árum. Helgi mun núna í vetur færa
sig um set og hefja nám í borginni
og því verður auðveldara fyrir hann
að sinna æfingum af fullum krafti.
Það er því mikið fagnaðarefni fyrir
okkur Fram-ara að hafa tryggt okk-
ur krafta Helga næstu tvö árin hið
minnsta og verður spennandi að
fylgjast með honum vaxa á næstu
árum,“ segir í frétt á síðu félagsins.
mm
E-riðill Evrópukeppni félagsliða í
Futsal er spilaður í íþróttahúsinu
í Ólafsvík í þessari viku og hófust
leikar í gær. Í síðustu viku var unnið
að því að setja gólfdúk á íþróttahús-
ið. Voru menn frá KSÍ sem stjórn-
uðu verkinu og fjölmargir sjálf-
boðaliðar þeim til aðstoðar. Alls
voru lagðar 28 rúllur af dúk á gólf-
ið og tók verkið heilan dag. Lið frá
fjórum löndum taka þátt í keppn-
inni og spilar Víkingur fyrir hönd
Íslands. Er þetta í annað sinn sem
forkeppni í Futsal er haldin í Ólafs-
vík. Erlendir dómarar mæta til að
dæma leikina.
Að sögn Jónasar Gests Jónas-
sonar, formanns knattspyrnudeild-
ar Víkings, eru keppendur og að-
stoðarmenn liðanna um 60 og sjálf-
boðaliðar 30. Hefur tekist að koma
öllum þessum fjölda í gistingu í
Snæfellsbæ. Jónas segir þetta mik-
ið og snúið verkefni en bætir við
að fjöldi fyrirtækja hafi lagt sitt af
mörkum til þess að dæmið gengi
upp. SportTv mun senda beint frá
öllum leikjunum. Jónas hvetur alla
til þess að koma og horfa á Futsal
leikina og bætir við að Futsalíþrótt-
in sé að stækka með hverju árinu.
af
Dagana 27. - 29. ágúst fer
fram þriðja keppni ársins í Íslands-
meistarmótinu í rallý, Rally Reykja-
vík. Bifreiðaíþróttaklúbbur Reykja-
víkur, sem sér um framkvæmd
keppninnar, hefur staðið fyrir al-
þjóðlegri keppni allt frá 1979 og
er þetta því sú 37. í röðinni. Þessi
keppni er ár hvert sú stærsta og
erfiðasta á timabili rallökumanna
og verða í ár eknir rúmlega þús-
und km á tæpum tveimur sólar-
hringum, þ.a. um 300 á sérleiðum.
Meðal keppenda í Rally Reykjavík
verða tveir af Vesturlandi. Öku-
þórinn Þorkell Símonarson, Keli
Vert í Langaholti, tekur þátt á pick-
upjeppa af gerðinni Toyota Hilux,
ásamt Þórarni K Þórssyni. Þá verð-
ur Aðalsteinn Símonarson úr Borg-
arnesi sem fyrr til aðstoðar Baldri
Haraldssyni á Subaru en þeir skipa
Timon liðið sem ætlar að halda Ís-
landsmeistaratitlinum.
Keppnin hefur ávallt laðað til sín
nokkurn fjölda erlendra þátttak-
enda og hafa þeir aldrei verið fleiri
en í ár eða tíu áhafnir af í allt 22.
Flestar aka þær jeppum, nánar til-
tekið Land Rover, sem hafa ver-
ið útbúnir sérstaklega til þátttöku í
rallý og eru nokkrir þeirra feikilega
öflugir eða hátt í 300 hestöfl.
Hefst keppnin við Perluna klukk-
an 16:00 á fimmtudag og endar
klukkan 14:15 á laugardag á sama
stað. Verður ekið víða, m.a. í ná-
grenni höfuðborgarsvæðisins, far-
ið suður á land að Heklurótum og
á laugardaginn verður m.a. ekið í
Borgarfirði þegar farið verður um
Tröllháls og Kaldadal. Báðar leiðir
eru skemmtilegar fyrir áhorfendur
til að fylgjast með keppninni.
Hægt verður að fylgjast með
framvindu keppninnar á www.
tryggvi.org/rallytimes
mm
Riðill í Evrópukeppni
Futsal spilaður í Ólafsvík
Helgi með tveggja ára
samning við Fram
„Rúður í og þá bara Rallý RVK, en eins og allir vita þá keyra gamlir kallar með hatt
frekar rólega en teljast samt stórhættulegir...“ skrifar Keli Vert á Facebooksíðu
sína. Hér er Hiluxinn fyrir rúðuísetningu og merkingar.
Vestlendingar taka þátt
í Rally Reykjavík
Badmintonfélag Akraness
boðar til fyrirtækjamóts
Hópurinn sem keppti á Bikarkeppni FRÍ undir merkjum SamVest. Keppendur
stóðu sig með prýði, unnu til sex verðlauna og höfnuðu í fjórða sæti heildar-
stigakeppninnar.
Góður árangur SamVest
keppenda í Bikarkeppni FRÍ