Skessuhorn - 02.09.2015, Blaðsíða 4

MIÐVIKUDAGUR 2. SEPTEMBER 20154
Kirkjubraut 54-56 - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skráningarfrestur smáaug-
lýsinga er til 12.00 á þriðjudögum.
Blaðið er gefið út í 3.800 eintökum og selt til áskrifenda og í lausasölu.
Áskriftarverð er 2.573 krónur með vsk. á mánuði. Elli- og örorkulífeyrisþegar greiða
kr. 2.230. Rafræn áskrift kostar 2.023 kr. Rafræn áskrift til elli- og örorkulífeyrisþega er 1.867
kr. Áskrifendur blaðs fá 50% afslátt af verði rafrænnar áskriftar. Verð í lausasölu er 750 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Anna Rósa Guðmundsdóttir arg@skessuhorn.is
Guðný Ruth Þorfinnsdóttir gudny@skessuhorn.is
Kristján Gauti Karlsson kgauti@skessuhorn.is
Auglýsingar og dreifing:
Emilía Ottesen, markaðsstjóri emilia@skessuhorn.is
Valdimar Björgvinsson valdimar@skessuhorn.is
Umbrot og hönnun:
Ómar Örn Sigurðsson omar@skessuhorn.is
Tinna Ósk Grímarsdóttir tinna@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Leiðari
Tuttugu þátta skaup
Ekki kæmi mér á óvart að innan tíðar verði að vænta yfirlýsingar frá Ríkis-
sjónvarpinu þess efnis að vegna offramboðs af „álitlegu efni“ verði að þessu
sinni ekki hægt að senda út áramótaskaupið á einu kvöldi. Því verði Skaup-
ið tuttugu þátta sería sem hefji göngu sína á aðventunni og verði sýnt dag-
lega til áramóta. Ég krossa fingur að Jóladagatal barnanna verði ekki fært
aftur sem því nemur og hefji göngu sína á þrettándanum. Jólunum hefur
jú áður verið frestað og tæplega yrði RUV skotaskuld úr því fyrst mikið
liggur við.
Af og til á þessu ári hafa komið upp mál sem snerta opinberar persónur,
stjórnmála- og embættismenn. Mál sem benda til þess að mörgum þeirra
hlýtur að vera nokk sama um eigið orðspor. Bara að komist verði til áhrifa
með góðu eða illu og hægt verði að halda völdum eins lengi og þarf. Til
dæmis urðu nafngreind blaðakona og systir hennar uppvísar af því fyrr á
árinu að reyna að kúga fé út úr einum ráðherranum og eiginkonu hans.
Fyrir hvaða sakir er mér ekki kunnugt en væntanlega verður það upplýst
fyrr en síðar. Líklega þó eigi síðar en fyrir næstu kosningar. Nú hefur nafn
annars ráðherra komið upp. Sá rataði á síður fjölmiðla fyrir óheppileg-
ar sakir, svo ekki sé meira sagt. Skyndikynnasíða af erlendum toga tapaði
nefnilega viðskiptavinalistanum sínum í hendur óprúttinna aðila og nú má
lesa nöfn presta, grínara, stjórnmálamanna og 120 fleiri „valinkunnra“ Ís-
lendinga á þeim lista sem löngu er kominn út um víðan völl. Eftirmálarnir
verða vafalaust flestir leystir innan veggja heimila viðkomandi, en út á við
eru þeir sem í þessa aðstöðu hafa komið sér að skaða orðspor sitt varanlega.
En þeim er sleppt með skömmina, af því þeir eru Íslendingar. Það er eina
refsingin sem þeir þurfa að búast við hér á landi. Hér axlar aldrei nokkur
maður ábyrgð og hér er skömm ekki talin fyrirstaða þegar klífa þarf met-
orðastigann hratt og örugglega.
Hér á landi tíðkast nefnilega ekki að fólk í opinberum trúnaðarstörfum
taki pokann sinn. Sú hefð hefur nánast verið viðurkennd að þagga niður
vafasama háttsemi hvort sem er af hálfu embættismanna eða stjórnmála-
manna, sem náttúrlega er stórhættulegt. Ef fjölmiðill er óþægur er jafnvel
framkvæmd fjandsamleg yfirtaka og „vandamálið“ upprætt, en hið raun-
verulega vandamál sem fjölmiðillinn fjallaði um látið liggja óleyst. En auð-
vitað er slíkt beinlínis skaðlegt lýðræðinu, fjölmiðlar án tengsla við hags-
muna- og fjármálaöfl verða að vera til. Opinberar persónur í áhrifastöðum
verða einfaldlega að vera þokkalega vammlausar. Án þess eru þær afleitar
fyrirmyndir og geta alls ekki ætlast til að borin sé virðing fyrir þeim. Í lönd-
unum í kringum okkur leyfist heldur ekkert svona lagað. Engin þöggun. Ef
fólk vísvitandi misstígur sig þarf það að taka pokann sinn og afla sér við-
urværis annarsstaðar. Þar fá stjórnmálaflokkar, eða þær stofnanir sem við-
komandi standa í forsvari fyrir, að njóta vafans. Einstaklingurinn víkur ef
hann ber sök, gengur á mannorð sitt á kostnað þeirrar stofnunar sem við-
komandi veitir forstöðu. Við munum eftir danska ráðherranum sem keypti
pakka af bleium út á kreditkort ráðuneytisins. Það eitt og sér dugði, fjöru-
tíu Pampers bleiur á kostnað skattborgara og viðkomandi var umsvifalaust
rekinn. Gat snautað heim og farið að handþvo taubleiur. Öllum var sama.
Ég hygg að margir Íslendingar vilji getað treyst þeim sem kosnir eru til
að stjórna landinu og vera í forsvari fyrir það. Mér finnst til dæmis ekki trú-
verðugt þegar maki þjóðhöfðinga er með lögheimili í öðru ríki og borgar
þar skatta sína. Meiri lítilsvirðingu við þegnana er tæpast hægt að sýna. Það
er heldur ekkert eðlilegt við að stjórnmálamenn segi ósatt og fái að komast
upp með það. Nei, ég vil ekki fyrir nokkurn mun þurfa að horfa á tuttugu
þátta séríu af áramótaskaupi, eitt finnst mér að ætti að duga.
Magnús Magnússon.
Vaskir menn á vegum Sjálfseign-
arstofnunar Arnarvatnsheiðar og
Geitlands hafa nú seinni hluta
ágústmánaðar unnið við endur-
gerð gangnamannaskálans við
Úlfsvatn. Félagið var stofnað fyr-
ir síðustu sameiningu sveitarfélaga
og er hlutverk þess að eiga og reka
gangnamannaskálana við Úlfsvatn
og Álftakrók og upprekstur Geit-
lands og Arnarvatnsheiðar, eins og
nafnið bendir til. Fyrir á sökkli var
A-hús sem orðið var fúið og barn
síns tíma. Verkinu miðaði vel og
er gert ráð fyrir að byggingunni
verði að mestu lokið fyrir göng-
ur, en þær hefjast um miðja næstu
viku. Þó verður frágangsvinna eft-
ir, að sögn Snorra Jóhannessonar
veiðivarðar og bónda á Augastöð-
um. Að sögn Snorra er húsið einn-
ig leigt út til gistingar fyrir veiði-
menn og ferðahópa á sumrin. Þótti
nauðsynlegt að bæta eldunar- og
salernisaðstöðu í húsinu og fjölga
svefnplássum, en þeim fjölgar um
a.m.k. tíu við breytingarnar. Geta
þá með góðu móti 25 gist í skál-
anum. Svefnloft verður að hluta og
gamli svefnskálinn var lengdur um
tvo metra. mm/ Ljósm. sj.
Hjónin Steindór Örn Jakobsson og
Júlíana Rut Jónsdóttir voru á leið
frá Reykjavík til Akraness síðastlið-
inn mánudag. Þegar þau voru kom-
in undir Akrafjallið tóku þau eftir
því að strætisvagn nálgaðist bifreið
þeirra að því er virtist á miklum
hraða en sjálf voru þau á um 90 kíló-
metra hraða. Að endingu tók stræt-
isvagninn framúr bifreið hjónanna
á góðri siglingu. Júlíana segir frá
þessu á Facebook síðu sinni og birt-
ir myndir af framúrakstrinum með
færslunni. „Það voru bílar að koma
á móti sem hafa örugglega þurft að
hægja á sér. Það munaði ekki miklu
að þarna yrði slys. Þetta var alveg
fáránleg hugmynd hjá vagnstjóran-
um að taka fram úr þarna, því það
var ekki nema um tveggja til þriggja
mínútu akstur eftir að hringtorg-
inu og hann þyrfti hvort eð er að
stoppa þar rétt á eftir og myndi þá
blokka alla umferð þar framhjá,“
segir Júlíana í færslu sinni. Þetta
er ekki í fyrsta sinn sem slíkt gerist
við sunnanvert Akrafjall. Í lok júní
tók Skagamaðurinn Flosi Pálsson
myndband af hraðakstri og framúr-
keyrslu strætisvagnsstjóra. Mynd-
bandið vakti athygli um land allt
og var skoðað af tugþúsundum. Þá
kemur fram í athugasemdum und-
ir færslu Júlíönu Rutar að fleiri hafi
séð Strætó stunda slíkan glæfra-
akstur.
grþ
Í liðnum mánuði sáu einhverjir
ferðalangar undir jöklu ástæðu til
að „skreyta“ það sem eftir stend-
ur af íbúðarhúsinu á Dagverðará
með veggjakroti. Jörðin hefur ver-
ið í eyði síðan á sjöunda áratugnum
og hefur íbúðarhúsið á Dagverðará
látið mikið á sjá síðustu ár og ekki
eru mörg ár síðan þakið fauk af því.
Mörgum finnst sorglegt að vita til
þess að ferðamenn beri ekki meiri
virðingu fyrir umhverfinu og göml-
um minjum en raun ber vitni.
Helmingur jarðarinnar á Dag-
verðará er í einkaeigu en hinn hlut-
ann á ríkið. Jörðin hefur verið til
sölu frá 2011. Snæfellsjökulsþjóð-
garður markast af jörðinni að norð-
an- og vestanverðu. Flestir tengja
húsið við Þórð Halldórsson refa-
skyttu og lífskúnstner sem kenndi
sig við bæinn og þá er Hollvina-
félag Þórðar á Dagverðará til. Árið
2013 var frumsýnd heimildamynd
um æviskeið Þórðar. þa
Svona litu húsin út fyrir endurgerð A-hússins.
Endurbæta Úlfsvatnsskála á Arnarvatnsheiði
Húsið er nú fokhelt og áfast við eldra hús
Þessi mynd er tekin þegar búið var að lakka gólfið í nýja
skálanum.
Veggjakrot á rústir bæjarins á Dagverðará
Strætó að taka framúr á yfir 100 kílómetra hraða á meðan bílar úr gagnstæðri átt
nálgast. Ljósm. Júlíana Rut Jónsdóttir.
Enn og aftur sannast hraðakstur
bílstjóra Strætó