Skessuhorn - 30.09.2015, Side 4

MIÐVIKUDAGUR 30. SEPTEMBER 20154
Kirkjubraut 54-56 - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skráningarfrestur smáaug-
lýsinga er til 12.00 á þriðjudögum.
Blaðið er gefið út í 3.800 eintökum og selt til áskrifenda og í lausasölu.
Áskriftarverð er 2.573 krónur með vsk. á mánuði. Elli- og örorkulífeyrisþegar greiða
kr. 2.230. Rafræn áskrift kostar 2.023 kr. Rafræn áskrift til elli- og örorkulífeyrisþega er 1.867
kr. Áskrifendur blaðs fá 50% afslátt af verði rafrænnar áskriftar. Verð í lausasölu er 750 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Anna Rósa Guðmundsdóttir arg@skessuhorn.is
Guðný Ruth Þorfinnsdóttir gudny@skessuhorn.is
Kristján Gauti Karlsson kgauti@skessuhorn.is
Auglýsingar og dreifing:
Emilía Ottesen, markaðsstjóri emilia@skessuhorn.is
Valdimar Björgvinsson valdimar@skessuhorn.is
Umbrot og hönnun:
Ómar Örn Sigurðsson omar@skessuhorn.is
Tinna Ósk Grímarsdóttir tinna@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Leiðari
Farið að glitta í reisupassann
Líklega finnst flestum einhver minnst spennandi umræða sem hugsast getur
þegar tekist er á um verðtryggingu. Fólk lætur eins og því komi hún ekki við,
finnst þetta leiðinlegt og ógagnsætt orð og kýs því að tala frekar um veðr-
ið! Engu að síður eru öll heimili og fyrirtæki í landinu beint eða óbeint háð
þessu eitraða fyrirbrigði sem hvergi þekkist á öðru byggðu bóli. Verðtrygg-
ing ásamt veikum gjaldmiðli og slakri efnahagsstjórn er eitt stærsta vanda-
mál okkar tíma, og er þó af ýmsu að taka. Samt virðumst við Íslendingar vera
þannig gerðir að við látum þetta fyrirbrigði yfir okkur ganga, svo áratugum
skiptir. Rétt eins og hundurinn sem þjónar húsbóndanum dyggilegar eftir því
sem hann er kvaldari.
Verðtrygging var fundin upp síðla á liðinni öld til að tryggja verðgildi
eigna eftir að lánveitendur höfðu tapað á verðbólgubáli peningum á kostn-
að skuldara. Þá fuðruðu lánin nánast upp. Eðlilega þótti þetta ótækt ástand
og var því ákveðið að snúa dæminu algjörlega við og binda verðtryggingu í
lög og almenningur lét glepjast. Þá hefðu menn betur bætt efnahagsstjórn og
nýtt önnur ráð, svo sem að taka upp öflugri gjaldmiðil. Það gerðu þeir hins
vegar ekki og síðan hafa þeir sem tekið hafa lán tapað nær viðstöðulaust því
alltaf er verðbólga sem skýrist líklega helst af því að við Íslendingar náum
ekki að bæta framleiðni í störfum okkar. Það mál er hins vegar álíka vinsælt í
kaffiboðum og verðtryggingin og því ekki rætt.
En hvað nákvæmlega er verðtrygging? Jú, hún tryggir samkvæmt lögum
að fjárhagslegar skuldbindingar, bæði sparifé og lánsfé, halda verðgildi sínu
þrátt fyrir allar breytingar á verðlagi. Með öðrum orðum er þeim sem legg-
ur inn eða lánar peninga tryggt að hann fái jafngildi peninganna sinna til
baka sama hvað á gengur. Verð á íslenskum krónum er hin vegar óstöðugra
en lægðirnar á Atlantshafi sem gerir það útilokað jafnvel með skyggnigáfu
að vita hvað króna í dag kostar á morgun. Vandamálið byggir hins vegar á
því að Íslendingar kjósa að nota gjaldmiðil sem er svo lítill í samanburði við
aðra gjaldmiðla á jörðinni að í besta falli er hlegið að okkur. Þessum örmiðli
hafa svo Íslendingar ekki lært að stjórna öðruvísi en það bitni á almenn-
ingi, skuldurum. Verðtrygging er eins og þjófur að nóttu sem ekkert er hægt
að gera við því lögregla sinnir ekki útköllum til að stöðva slíka þjófa. Ráða-
menn hér á landi hafa kosið að verja þennan örmiðil sem krónan er. Ég leyfi
mér að ganga svo langt að fullyrða að ástæða þess að þeir hafa engan áhuga
á að breyta þessu kerfi er sú að þeir eru bundnir peningaeigendum og hags-
munaöflum sem vilja umfram allt engu breyta. Þessir „kostunaraðilar“ hafa
þveröfuga hagsmuni og við skuldarar þessa lands. Jafnvel eru menn orðnir
svo ringlaðir að trúa að það sé þjóðhagslega hagkvæmt að hækka stýrivexti
Seðabankans til að koma í veg fyrir verðbólgu. Það er einfaldlega rangt því
sem skuldara er mér til dæmis sléttsama hvort greiðslan er kölluð „vextir“
eða „verðtrygging“ á innheimtuseðlinum frá bankanum. Vöffin þrjú; vextir,
verðtrygging og verðbólga eru nefnilega samstarfsaðilar, tæki hinna ríku til
að tryggja að þeir verði ríkari og fátækari enn fátækari. Ég segir einfaldlega;
hingað og ekki lengra.
Okkur var lofað fyrir síðustu kosningar að kosið yrði um áframhald við-
ræðna við þjóðir sem þurfa ekki verðtryggingu eða okurvexti til að verja hag
sinn. Við megum ekki hafa beinan aðgang að þeim þjóðum sem kunna að
deila verðmætum sanngjarnara en við. Búið er að svíkja þetta loforð. Þá sjást
þess aukinheldur engin merki að þessir sömu flokkar ætli að hreyfa við verð-
tryggingunni jafnvel þótt þeir hafi lofað því vorið 2013. Eru menn svo eitt-
hvað undrandi á því að skoðanakannanir sýni fylgistap þeirra? Hvernig ætla
menn svo að skilgreina að auðugasta eitt prósent Íslendinga á orðið meira en
fjórðung eigna? Nei, klukkan tifar kæru stjórnmálamenn. Reisupassinn fer
hátt á loft ef þig farið ekki að gera eitthvað í þeim málum sem raunverulega
skipta máli þessi 99% Íslendinga sem eftir standa.
Magnús Magnússon.
Engin slys urðu á fólki þegar rúta
með um fimmtíu jarðfræðinem-
endur frá Fjölbrautaskóla Vest-
urlands á Akranesi rann út fyrir
vegarslóða síðastliðinn föstudag.
Óhapp þetta varð á afleggjaran-
um að Mávahlíð í Lundarreyka-
dal í Borgarfirði þar sem hópur-
inn var í vettvangsferð í jarðfræði.
Að sögn Finnboga Rögnvaldsson-
ar kennara hélst rútan á hjólunum
og því var lítil sem engin hætta á
ferðum. Send var önnur rúta til að
sækja hópinn.
mm/ Ljósm. Aron Þorbjörnsson.
Rúta með fjölbrautaskóla-
nemum rann út í kant
Í síðustu viku fór hin árlega ferða-
kaupstefna Vestnorden fram í Þórs-
höfn í Færeyjum. Þetta var í þrí-
tugasta skipti sem kaupstefnan er
haldin. Sex fyrirtæki af Vesturlandi
tóku þátt að þessu sinni. Kristján
Guðmundsson hjá Markaðsstofu
Vesturlands segir að auk þeirra frá
markaðsstofunni hafi mætt fulltrú-
ar frá Landnámssetri Íslands, Hót-
el Bifröst, Sæferðum, Vatnshellin-
um á Snæfellsnesi og Ísöngunum
í Langjökli, Into the glacier. „Það
var mikill áhugi fyrir Vesturlandi
en meirihluti þeirra sem við hjá
Markaðsstofu Vesturlands funduð-
um með hafa verið í viðskiptum á
Vesturlandi áður. Þeir vilja nú auka
þessi viðskipti enn frekar og stoppa
lengur á svæðinu,“ sagði Kristján.
Á Vestnorden voru veittar við-
urkenningar til fyrirtækja á Græn-
landi, Íslandi og í Danmörku. Valið
byggist á framsæknum nýjungum í
ferðaþjónustu. Íshellirinn Langjökli
fékk viðurkenningu íslenskra fyrir-
tækja. Var það Sigurður Skarphéð-
insson framkvæmdastjóri sem tók
við verðlaununum. Eins og kunn-
ugt er voru ísgöngin opnuð ferða-
mönnum 1. júní síðastliðinn og
hefur aðsókn verið meiri en áætlan-
ir gerðu ráð fyrir. Nú þegar hafa 15
þúsund manns skoðað göngin, en
það er sami fjöldi og áætlað var að
sækti þau allt þetta ári.
mm
Ísgöngin í Langjökli
verðlaunuð á Vestnorden
Sigurður Skarphéðinsson framkvæmdastjóri Into the glacier er lengst til vinstri.
Ljósm. kg.
Ein er sú íþróttagrein sem einkum
er stunduð þegar vindar blása hvað
mest og flest fólk kýs að vera inn-
an dyra. Nú í sumar hefur hópur
fólks af höfuðborgarsvæðinu mætt
á Akranes þegar hvassviðri er hvað
mest, komið sér fyrir á bílastæðinu
við Langasand og látið rokið feykja
sér fram og til baka á sjónum útaf
Langasandi á sjóskíðum eða brett-
um með hjálp Kára. Þetta sport er
kallað á ensku að „Surfa,“ eftir því
sem meiri byr er í seglin, því betra
og hraðar farið yfir.
mm/ Ljósm. mþh
Sjósport nýtur vaxandi vinsælda
Átjándi aðalfundur Landssam-
taka skógareigenda verður haldinn
á Hótel Stykkishólmi dagana 2.-3.
október í samstarfi við Félag skógar-
bænda á Vesturlandi. Málþing verð-
ur haldið í tengslum við aðalfund-
inn þar sem fjallað verður um skóg-
arnytjar á Vesturlandi og um úttekt-
ir á árangri í skógrækt og leiðir til
úrbóta. Á ársfundi jólatrjáaræktenda
sem haldinn er í tengslum við aðal-
fundinn verður flutt fræðsluerindi
um fjallaþin í jólatrjáarækt. Fund-
urinn hefst kl. 14.00 föstudaginn 2.
október með venjulegum aðalfund-
arstörfum, en gert verður hlé á fund-
inum kl. 16.00. Þá hefst málþing þar
sem fjallað verður um skógarnytj-
ar á Vesturlandi, úttektir á árangri
í skógrækt og leiðir til úrbóta. Fé-
lag skógarbænda á Vesturlandi býð-
ur fundargestum til skógargöngu
með leiðsögn á laugardeginum og
að endingu njóta allir góðrar sam-
veru á árshátíð skógarbænda.
mm
Aðalfundur skógarbænda er
framundan í Stykkishólmi
Mikið skógræktarstarf hefur víða verið unnið á liðnum árum. Hér er horft heima að
bænum Kirkjubóli í Hvítársíðu en hlíðin ofan við bæinn er nú að taka stakkaskiptum
þegar þúsundir plantna komast á legg.