Skessuhorn - 30.09.2015, Side 34

MIÐVIKUDAGUR 30. SEPTEMBER 201534
Kristján Kristjánsson rithöf-
undur er nú á skútusiglingu um
suðræn höf og verður næstu
mánuði. Hann sendir okkur hér
ferðasögu af framandi slóðum,
fyrsta hluta.
Flugið frá Kingsford Smith flug-
vellinum í Sydney í Ástralíu norður
til Cairns tekur rúma þrjá tíma og
minnir að því leytinu á millilanda-
flugið frá Íslandi til Skandinavíu
eða Norður-Evrópu. Í Cairns á ég
stefnumót við seglskútuna AYAMA
sem er á siglingu umhverfis jörð-
ina. AYAMA er 42 feta skúta (13,8
metrar) af gerðinni Ocean Crui-
ser, smíðuð í Danmörku. Ferða-
félagarnir eru eigendurnir, Anna og
Stefan Berg en þau lögðu upp frá
Karabíska hafinu í byrjun janúar á
þessu ári og eru búin að leggja að
baki Panamaskurðinn, Galapagos-
eyjar og Kyrrahafið yfir til Ástralíu,
samtals hátt í 10.000 sjómílur, þeg-
ar ég hoppa um borð. Hjá þeim fæ
ég að vera háseti næstu mánuði og
fylgja þeim norður fyrir Ástralíu til
Indónesíu og vestur yfir Indlands-
haf til Suður-Afríku. Er hægt að slá
hendinni á móti boði um skipspláss
í svona siglingu? Nei – það er ekki
hægt!
Ferðamannabærinn
Cairns
Í ágúst og september nær ferða-
mannatíminn hámarki þarna í
norðurhluta Queensland-héraðs
og á götum Cairns arka þúsundir
túrista sem eru komnir til að kafa
eða svamla yfir Kóralrifinu mikla
sem teygir sig 2000 kílómetra
meðfram austurströnd Ástralíu. Á
hverju götuhorni eru ferðaskrif-
stofur sem bjóða lengri og skemmri
ferðir í köfun, siglingu um nálæg-
ar eyjar með tilheyrandi svamli í
sjónum. Loftslagið er einstaklega
milt og hitinn yfirleitt á milli 25 og
30 gráður. Regnskógur þekur stór
svæði og ógleymanlegt að gera sér
ferð inn í hann.
Á leiðinni austur og norður fyrir
Ástralíu siglum við lygnan sjó inn-
an við rifið mikla. Dagleiðirnar eru
stuttar framan af og ankeri varpað
undir kvöld við litlar eyjar, gjarnan
skógi þaktar og fjarri mannabyggð.
Nyrsti hluti austurstrandar Ástr-
alíu er strjálbyggður og sérstakt
leyfi þarf til að heimsækja byggð-
ir frumbyggjanna. Siglt er um slóð-
ir Captain James Cook á Endeavo-
ur sem „fann“ Ástralíu árið 1770.
Austurströndin er stráð nöfnum
sem tengjast siglingu hans. Hér
sigldi einnig Bligh skipstjóri á opn-
um langbáti ásamt hluta af áhöfn-
inni á BOUNTY eftir uppreisnina
þar en hann vann það afrek að sigla
frá Tahítí norður til Tímor, ríflega
3600 sjómílna leið. Ekki færri en
þrjár bíómyndir hafa verið gerðar
um uppreisnina á Bounty.
Darwin
Darwin er höfuðstaður norðurhér-
aðs Ástralíu, staðsett á norðvestur-
horni álfunnar. Í tvígang hefur þess
borg verið rústir einar, í fyrra skipt-
ið eftir loftárás Japana árið 1942 og
seinna skiptið þegar fellibylurinn
Tracy gekk yfir borgina, á jóladag
1974. Þá eyðilögðust 70% af bygg-
ingum borgarinnar og því skiljan-
legt að í hugum heimamanna skula
allt vera „fyrir og eftir Tracy“.
Borgin er mjög nútímaleg, byggð
upp á síðustu fjörutíu árum. Árstíð-
irnar hér er bara tvær, sú þurra og
sú blauta og mun heitara í rigning-
artíðinni.
Við dveljumst hér í nokkra daga í
smábátahöfn í útjaðri borgarinnar.
Flestir í World Arc-flotanum nota
tækifærið og skoða sig um og fara
í lengri og styttri ferðir. Í Norður-
Ástralíu eru víðfrægir þjóðgarðar
og náttúran óviðjafnanlega. Ég brá
mér að Adelaide-ánni til að skoða
einkennisdýr svæðisins – krókódíl-
inn – sem heimamenn segja ófagr-
ar sögur af. Þótt Mindil-ströndin í
Darwin sé með fallegri baðströnd-
um sem undirritaður hefur séð sá
hann aldrei neinn leggjast þar til
sunds.
Frá Darwin er siglt út á Timorhaf
og stefnan sett á Lombok í Indó-
nesíu – systureyju Bali – en þangað
er um 1000 sjómílna sigling. Les-
endur Skessuhorns fá næsta póst-
kort þaðan.
Myndir og texti:
Kristján Kristjánsson.
Póstkort frá Ástralíu
Skútan AYAMA
Höfnin í Carins. Miklar leirur eru framan við borgina sem er framburður úr nálægum ám. Hæðirnar umhverfis borgina eru
þaktar regnskógi.
Skammt fyrir vestan Cairns, uppi í hæðunum, er bærinn Kuranda. Þangað er
boðið upp á ferðir með gamalli lest sem liðast í gegnum skóginn, um stórbrotið
landslag. Regnskógurinn séður úr svifvagni fyrir ofan bæinn Kuranda.
Ankeri var varpað við litlar eyjar á siglingunni austur og norður fyrir Ástralíu.
Hér er Low-eyja með vita sem í eina tíð var mannaður árið um kring. Ég snorklaði
aðeins við eyna yfir kóralrifi og ansi magnað að skoða litadýrðina undir yfir-
borðinu.
Morris-eyja. Það er ekki hægt að sleppa því að eiga af sér mynd á svona stað! Og næstum fyndið að koma að þessari eyðieyju,
tveir kókospálmar rísa yfir eyjuna sem gengið er kringum á 15 mínútum. Þá um kvöldið varpaði ankerum hjá okkur íslenska
skútan Hugur með Kristófer Oliversson og Svanfríði Jónsdóttur um borð.
Darwin er höfuðstaður norðurhéraðs Ástralíu, mjög nútímaleg borg enda að
mestu byggð upp á síðustu 40 árum.