Skessuhorn - 20.01.2016, Blaðsíða 8

MIÐVIKUDAGUR 20. JANÚAR 20168
Líkamsleitarmál
sent til héraðs-
saksóknara
VESTURLAND: Lögreglu-
stjórinn á Vesturlandi sendi í
liðinni viku frá sér tvær frétta-
tilkynningar vegna máls sem
snertir líkamsleit á 16 ára stúlku,
sem framkvæmd var í fangaklefa
á Akranesi í ágúst síðastliðnum.
Stúlkan var í hópi ungmenna á
leið frá Snæfellsnesi til Reykja-
víkur þegar lögreglan handtók
fólkið og færði til yfirheyrslu.
Stúlkan var færð í fangaklefa
ásamt annarri stúlku og þar var
framkvæmd líkamsleit á henni.
Í fréttum um málið sagði að
hvorki hafi foreldrar stúlkunn-
ar verið kallaðir til né fulltrúar
barnaverndaryfirvalda og hafi
lögmaður stúlkunnar því ákveð-
ið að stefna íslenska ríkinu vegna
atviksins. Í tilkynningu frá Lög-
reglustjóranum á Vesturlandi
vegna málsins kveðst hann hafa
tekið málið til sérstakrar skoð-
unar og í framhaldi þess taldi
hann að ekki hafi verið rétt stað-
ið að framkvæmd lögreglustarfa
í umrætt skipti og var því mál-
ið sent til embættis héraðssak-
sóknara til meðferðar. -mm
Aflatölur fyrir
Vesturland
9. - 15. janúar
Tölur (í kílóum)
frá Fiskistofu:
Akranes 6 bátar.
Heildarlöndun: 43.935 kg.
Mestur afli: Akraberg ÓF:
19.645 kg í fimm löndunum.
Arnarstapi 6 bátar.
Heildarlöndun: 75.102 kg.
Mestur afli: Kvika SH: 26.010
kg í fimm löndunum.
Grundarfjörður 9 bátar.
Heildarlöndun: 341.336 kg.
Mestur afli: Steinunn SF:
118.591 kg í tveimur löndun-
um.
Ólafsvík 22 bátar.
Heildarlöndun: 488.456 kg.
Mestur afli: Kristinn SH:
55.600 kg í sex löndunum.
Rif 15 bátar.
Heildarlöndun: 538.468 kg.
Mestur afli: Tjaldur SH:
77.003 kg í einni löndun.
Stykkishólmur 6 bátar.
Heildarlöndun: 64.806 kg.
Mestur afli: Gullhólmi SH:
18.918 kg í einni löndun.
Topp fimm landanir á tíma-
bilinu:
1. Tjaldur SH – RIF:
77.003 kg. 13. janúar.
2. Saxhamar SH – RIF:
71.102 kg. 13. janúar.
3. Rifsnes SH – RIF:
69.643 kg. 13. janúar.
4. Hringur SH – GRU:
67.876 kg. 12. janúar.
5. Steinunn SF – GRU:
66.803 kg. 19. janúar.
mþh
Nýr brunahani
DALIR: Umhverfis- og skipu-
lagsnefnd Dalabyggðar hefur
samþykkt að þvera þjóðveg 60
við Laugar með vatnslögn. Þar
á að setja niður brunahana, með
fyrirvara um samþykki Vega-
gerðarinnar. Vegagerðin hefur
samþykkt framkvæmdina fyrir
sitt leyti að því tilskyldu að lögn-
in liggi 25 metra frá miðju vegar.
–mþh
Fá nýjan
urðunarstað
DALIR: Umhverfisstofnun hef-
ur gefið út starfsleyfi fyrir nýjan
urðunarstað Dalabyggðar fyr-
ir óvirkan úrgang í landi Hösk-
uldsstaða. Áhættumat fyrir urð-
unarstaðinn fylgdi starfsleyf-
isumsókn og umhverfismark-
mið voru send Umhverfisstofn-
un fyrir árslok 2015. Verið er að
girða af svæðið og verður staður-
inn tekinn í notkun á næstu vik-
um. –mþh
Starfsfólk íþrótta-
mannvirkja
dressað upp
AKRANES: Það hefur vart far-
ið framhjá fólki sem sækir íþrótta-
mannvirkin á Akranesi heim að
starfsmenn hafa tekið í notkun nýj-
an vinnufatnað. Íþróttabandalag
Akraness og Akraneskaupstaður
sameinuðu krafta sína í þessu verk-
efni og samræmdu allan klæðnað
í íþróttamannvirkjunum. Í frétta-
bréfi formanns ÍA er greint frá
því að nú klæðast allir starfsmenn
gulum og svörtum íþróttafatnaði
frá íþróttaframleiðandanum Jako.
„Það er fagnaðarefni að félagslit-
ir ÍA séu nú orðnir áberandi og er
von okkar að við getum gert enn
betur á þessu sviði á næstu árum.
Bandalagið mun styðja áfram við
þessa þróun í samstarfi við bæjar-
félagið og starfsfólk íþróttamann-
virkjanna. Við eigum að vera stolt
af okkar félagi og heimavöllur
Akurnesinga á að vera kyrfilega
merktur félagslit og merki ÍA. Við
erum gul og glöð,“ segir Sigurður
Arnar Sigurðsson formaður ÍA.
–mm
Sjófrysting
datt niður
LANDIÐ: Síldarafli dróst saman
um 33% í síðastliðnum septem-
bermánuði samanborið við sama
mánuð 2014. Að öðru leyti dró
verulega úr sjófrystingu á bol-
fiski. Það endurspeglar sennilega
að einhverju leyti að ferskfisktog-
urum fjölgar nú á kostnað frysti-
togara. Verðmæti sjófrysts afla í
september 2015 var 3,2 milljarð-
ar króna, sem er samdráttur um
36,2% frá 2014. Verðmæti land-
aðs afla til vinnslu innan lands var
6,8 milljarðar króna og jókst það
um 6,4% þrátt fyrir að heildar-
verðmæti hafi dregist saman um
9,6%. Það liggur meðal annars í
því að samdrátturinn varð mest-
ur í verðminni tegundum eins
og síld og kolmunna, en verð-
mæti botnfisks jukust. Verðmæti
afla sem landað var á fiskmörk-
uðum til vinnslu innan lands varð
1,6 milljarðar, sem er aukning
um 9,6% og skýrist hún af aukn-
um löndunum og hækkuðu verði.
Fiskur að verðmæti 358 milljónir
króna fór utan óunninn í gámum.
Það er 12,9% samdráttur mið-
að við sama mánuð í hitteðfyrra.
Þetta kemur fram á sjávarútveg-
svefnum kvotinn.is. –mþh
Jólaljósin
tekin niður
Um miðja síðustu viku unnu starfs-
menn Borgarbyggðar við að taka
niður jólaljósin úr ljósastaurum í
Borgarnesi. Sól skein í heiði í köldu
en stilltu veðri. Að sjálfsögðu skart-
aði Skessuhorn sínu fegursta.
þg
Saltskipið Flinter Rose kom til
Ólafsvíkurhafnar frá Reykjavík að-
fararnótt síðastliðins föstudags.
Björgunarbáturinn Björg lóðsaði
skipið til hafnar en Flinter Rose er
100 metrar að lengd og rúmlega
3600 brúttótonn. Blíðskapar veð-
ur var þegar skipið kom að bryggju
og var landað 900 tonnum af salti
úr því. Brottför skipsins tafðist um
tæpan sólarhring vegna óhagstæðs
veðurs en suðaustan rok var. Á laug-
ardagsmorguninn lagði svo skipið
úr höfn og var næsti viðkomustað-
ur þess Stykkishólmshöfn.
þa
Með salt til hafna á Nesinu
Eins og Skessuhorn greindi frá
skömmu áður en nýja árið gekk í
garð var brautskráð frá Fjölbrauta-
skóla Vesturlands laugardaginn 19.
desember síðastliðinn. Af þeim 60
nemendum sem settu upp útskrift-
arhúfurnar þann dag var það Skaga-
maðurinn Daníel Þór Heimisson
sem dúxaði. Hann lauk stúdents-
prófi af félagsfræðabraut með með-
aleinkunnina 9,26. Þegar blaðamað-
ur Skessuhorns setti sig í samband
við Daníel var hann staddur ásamt
fleiri nýstúdentum í útskriftar-
ferð á Tenerife. „Hér er æðislegt að
vera. Veðrið er frábært, það er mik-
ið drukkið og allt eins og það á að
vera,“ sagði hann léttur í bragði.
„Það eru ekki til neinar töfralausn-
ir,“ segir Daníel aðspurður hverju
hann þakkar góðan námsárangur.
„Maður reynir að fylgjast með í tím-
um, vera bara hóflega mikið í sím-
anum, skila verkefnum og læra fyr-
ir próf. Þetta er ekki flóknara en það
og þetta virkar,“ bætir hann við og
leggur áherslu á að vinnusemi sé lyk-
illinn að góðum námsárangri. Skipu-
lag verði að fara með svo námið bitni
ekki á félagslífinu. „Nám er vinna og
þetta tekur tíma. Ég er frekar skipu-
lagður og gat bæði unnið með skól-
anum og æft íþróttir mest alla skóla-
gönguna. Eins tók ég virkan þátt í
félagslífinu,“ segir Daníel og þver-
tekur fyrir að hann sé svo klár að
hann hafi ekkert þurft að hafa fyr-
ir náminu. „Það er ekki það sama að
vera klár og að vera góður námsmað-
ur. Það er hægt að vera mjög klár en
á sama tíma skelfilegur námsmað-
ur. Eins er hægt að vera heimskur en
góður námsmaður,“ segir hann.
Aðspurður hvort einhver nám-
skeið eða atburðir hafi staðið sér-
staklega upp úr kveðst hann hafa haft
gaman af bæði íslenskunni hjá Leó
Jóhannessyni og bókfærslu Gunnars
Magnússonar. „Báðir eru þeir mikl-
ir meistarar en gerólíkir kennarar,“
segir Daníel og bætir við: „Dimmi-
teringin var æðisleg, brandari Bjarn-
þórs Kolbeins um diffurskrímslið er
mjög eftirminnilegur en félagsskap-
urinn og allt frábæra fólki sem ég hef
kynnst á þessum sjö önnum er það
sem stendur upp úr,“ segir Daníel
þakklátur.
Að sögn hans er framtíðin óráðin.
„Ég stefni á háskólanám næsta haust
en er ekki búinn að ákveða hvaða
nám verður fyrir valinu. Þangað til
ætla ég að vinna og er kominn með
starf í Norðuráli,“ segir Daníel Þór
Heimisson, dúx FVA, að lokum.
kgk
Félagsskapurinn og fólkið er
það sem stendur upp úr
Daníel Þór Heimisson tekur við viðurkenningum á útskriftarathöfninni. Með honum á mynd eru Dröfn Viðarsdóttir aðstoðar-
skólameistari (t.v.) og Ágústa Elín Ingþórsdóttir skólameistari. Ljósm. Myndsmiðjan.