Skessuhorn - 20.01.2016, Blaðsíða 25
MIÐVIKUDAGUR 20. JANÚAR 2016 25
Elsta sjókort af þeim ríflega 80
sem Landhelgisgæslan gefur út er
af grunnslóð við Vesturland, nán-
ar tiltekið innst í Breiðafirði. Þetta
kort er aldargamalt í ár. Af þessum
sökum greinir Landhelgisgæslan
frá því á vef sínum (lgh.is).
Kortið var teiknað til að kort-
leggja siglingaleiðina til Salthólma-
víkur og Króksfjarðarness en þar
voru í eina tíð mikilvægir verslun-
arstaðir með skipakomum. Fyrir
ríflega hundrað og tveimur árum,
4. júní 1913, birtist stutt frétt í
blaðinu Vísis. Hún bar yfirskrift-
ina „Hafnarmælingar vestra“ og
var svohljóðandi: „Í Kaupmanna-
hafnarblaðinu National Tidende
er sagt frá því 17. f. m., að ráðnir
sjeu af landstjórn Íslands Premier-
löjtnan Bistrup, 2 undirforingjar og
2 dátar til þess að rannsaka innsigl-
inguna til Salthólmavíkur í Dala-
sýslu og Króksfjarðarnes í Barða-
strandarsýslu. Ætluðu þeir að leggja
af stað 24. s. m. (með Botníu). Við
rannsóknir þessar hafa þeir félagar
mótorbát og róðrarbát og fá hjer
mótorista og annan mann kunnug-
an á þeim stöðum, sem mæla á. Þeir
búast við að hafa lokið þessu verki
í septemberlok. Landsjóður kostar
verkið“.
Tveimur árum síðar lá kortið
fyrir og það er notað enn í dag, og
heitir í dag „Breiðafjörður – Norð-
urflói“ og er númer 44.
mþh
Aldargamalt vestlenskt
sjókort hjá Gæslunni
Sjókortið var gert eftir mælingum sem voru framkvæmdar 1913 og 1914. Árið
1915 var það svo prentað í fyrsta sinn og gefið út.
Bæjarstjórn Akraneskaupstað-
ar hefur samþykkt að farið verði
í kynnisferð til Sauðárkróks til að
skoða fiskþurrkun FISK Seafood,
sem að einhverju leyti þykir sam-
bærileg við starfsemi fiskþurrkun-
ar HB Granda á Akranesi. Ingi-
björg Pálmadóttir bæjarfulltrúi
lagði fram þá tillögu á bæjarstjórn-
arfundi 12. janúar síðastliðinn að
auk ferðarinnar á Sauðárkrók yrði
einnig farið til Grindavíkur og
Þorlákshafnar og þar skoðuð sam-
bærileg starfsemi. Í tillögunni seg-
ir hún að með slíkum samanburði
mætti átta sig betur á stærð og um-
fangi fyrirhugaðrar verksmiðju á
Akranesi.
„Ég stakk upp á þessu því að
verksmiðjan sem stendur til að
skoða á Sauðárkróki er mik-
ið minni en sú sem fyrirhuguð er
hér. Ef við ætlum að skoða eitt-
hvað sambærilegt og til stendur að
byggja hér fannst mér við verða að
fara á sambærilega staði en þessar
verksmiðjur eru báðar stærri en sú
á Sauðárkróki,“ segir Ingibjörg í
samtali við Skessuhorn. Hún segir
tilgang kynnisferðarinnar norður
meðal annars vera að skoða tækni-
búnað verksmiðjunnar. „En við
erum svo sem ekki öll sérfræðing-
ar í tæknibúnaði. En þarna sjáum
við umfangið. Það er líka fróð-
legt fyrir okkur að tala við sveit-
arstjórnarmenn í Þorlákshöfn sem
hafa staðið í svipuðu máli og við.
Lýsi er eigandi verksmiðjunnar
þar og það fyrirtæki hefur ákveð-
ið að færa verksmiðjuna út fyrir
bæinn, þar sem hún veldur íbúum
engu ónæði.“
Lagt var til að í ferðina á Sauð-
árkrók færu aðal- og varamenn
skipulags- og umhverfisráðs, bæj-
arfulltrúar og varamenn þeirra,
bæjarstjóri og sviðsstjóri skipulags-
og umhverfissviðs. Þá er fulltrú-
um þeirra sem hafa efasemdir um
ágæti fiskþurrkunar í íbúðabyggð
Akraneskaupstaðar jafnframt boð-
ið með í för, samkvæmt tillögunni.
„Víðsýni er eitt af nýsamþykktu
gildum bæjarstjórnar Akraness og
það er rétt að hafa það í huga þeg-
ar við skoðum áhrif stækkunar á
verksmiðjunni sem hér er fyrir-
huguð á Akranesi,“ segir Ingibjörg
að lokum. grþ
Fulltrúar Akraness skoða
fiskþurrkunarverksmiðjur
HB Grandi fyrirhugar stækkun á fiskþurrkun sinni á Akranesi en bæjarstjórn hefur ekki enn tekið ákvörðun um málið og bíður
nú ítarlegri gagna frá fyrirtækinu.
Folaldasýning var haldin í Söð-
ulsholti á Snæfellsnesi síðast-
liðinn laugardag. 39 folöld voru
skráð til leiks og dómarar voru
þeir Eysteinn Leifsson og Lárus
Hannesson. Þeim fórst verkið vel
úr hendi, en mikið var um glæsi-
lega og efnilega kostagripi og var
litadýrðin í ár óvenjumikil. Með-
al annars mátti sjá moldóttskjótt,
moldótt, leirljóst, slettuskjótt og
vindótt. Einnig er alltaf gaman að
spá og spekulera hvaða stóðhest-
ar voru að koma vel út úr þessu,
en þarna mátti m.a sjá nokkur af-
kvæmi undan Skýr frá Skálakoti,
Þorlák frá Prestbæ, Vita frá Kag-
aðarhóli, Hergil frá Þjóðólfs-
haga, Aðal frá Nýjabæ og Hryn
frá Hrísdal. Veitt voru verðlaun
fyrir efstu þrjú í hvorum flokki og
völdu áhorfendur svo þann grip
sem þeim fannst standa upp úr, en
það reyndist vera hann Garri frá
Ólafsvík undan Óm frá Kvistum
og Perlu frá Einifelli.
iss
Úrslit hryssur
1. sæti Burtséð frá Hallkelsstaðar-
hlíð, brúnskjótt
f; Loki frá Selfossi
m; Sjaldséð frá Magnúsarskógum
Eig/ræk Sigrún Ólafsdóttir.
2. sæti NN frá Grundarfirði, jörp
f; Aðall frá Nýjabæ
m; Mátthildur frá Grundarfirði
Eig/rækt. Bárður og Dóra Aðal-
steinsdóttir
3. sæti Skógardís frá Söðulsholti
Jörp
f; Skýr frá Skálakoti
m; Donna frá Króki
Eig /rækt. Söðulsholt
Úrslit Hestar
1. sæti Blær frá Leirulæk, brúnn
f; Arion frá Eystra-Fróðholti
m; Þórdís frá Leirulæk
Eig/rækt. Sigurbjörn Garðarsson
2. sæti Sjóður frá Söðulsholti,
brúnn
f; Auður frá Lundum
m; Pyngja frá Syðra-Skörðugili
Eig/rækt. Iðunn og Dóri
3. sæti Garri frá Ólafsvík, bleikur
f; Ómur frá Kvistum
m; Perla frá Einifelli
Eig/rækt. Sölvi Konráðsson
Burtséð og Blær reyndust efnilegustu folöldin
Burtséð frá Hallkelsstaðahlíð. Garri frá Ólafsvík.
Eigendur efstu merfolaldanna.
Eigendur efstu hestfolaldanna.