Skessuhorn - 20.01.2016, Blaðsíða 17

MIÐVIKUDAGUR 20. JANÚAR 2016 17
fær líka að kynnast íslenskri menn-
ingu, ekki síst því sem snýr að mat-
aræðinu. „Það er ýmist gist í fjalla-
kofum, félagsheimilum, gististöð-
um, eða hérna heima á Oddsstöð-
um. Það er hluti af upplifuninni að
bjóða fólki upp á að búa á alvöru
íslenskum sveitabæ. Guðbjörg er
meira að segja farin að bera fyrir
fólkið íslenskan mat,“ segir Oddur
og lítur til konu sinnar. „Við köllum
það íslenskt kvöld. Ég átti alltaf svið
og slátur og þess háttar í frystikist-
unni, mat sem maður notaði ekkert á
sumrin. Ég var stundum að velta því
fyrir mér hvernig ég gæti nýtt þetta.
Eitt sinn var hér hópur með Íslend-
ingum sem voru búsettir erlendis og
þeim langaði svo í svið og slátur með-
an þau væru á landinu. Ég ákvað að
prófa að bera þetta á borð; svið, slát-
ur, hrossabjúgu, tvíreykt hangikjöt,
harðfisk, hákarl, jafnvel súran hval,
síld, lax, hveitikökur og flatkökur,
brennivín og þar fram eftir götun-
um. Búa til eina svona kvöldveislu í
hverri hestaferð, hálfgert þorrablót.
Þetta hefur gert stormandi lukku þó
um hásumar sé. Útlendingarnir eru
stórhrifnir,“ segir Guðbjörg. „Mesta
karlmennskubragðið þykir þeim að
borða augað úr sviðunum. Þau þykja
minnst árennileg,“ segir Oddur og
hlær dátt.
Margir möguleikar í
framtíðinni
Þau Oddur og Guðbjörg á Odds-
stöðum hyggjast nú fara að hægja
aðeins á í öllu þessu ati. „Við eig-
um fjögur börn, en Oddur á son fyr-
ir, Jörgen sem búsettur er á Akur-
eyri ásamt fjölskyldu. Hann starf-
ar hann hjá Saga Travel. Elsti son-
urinn Ólafur Ágúst býr í Reykjavík
og stundar nám við Háskóla Reykja-
víkur og Ragnar Finnur ásamt fjöl-
skyldu, er kúabóndi á Suðurlandi.
Sigurður Hannes sá næst yngsti er
í vélvirkjanámi norður í Skagafirði,
Denise unnusta hans er í hestafræði-
námi á Hólum. Yngsta barnið okk-
ar, Sigurborg Hanna er að klára Bú-
vísindadeildina á Hvanneyri í vor.
Kannski vilja einhver barna okk-
ar taka við, annars vitum við ekk-
ert hvort þau vilji taka þessar löngu
hestaferðir. Þær eru eins og ég sagði
erfiðar á sinn hátt þó þeim fylgi líka
mikil ánægja.“
Oddsstaðahjón hafa fulla trú á
framtíðinni. Margt jákvætt eigi sér
stað sem gefi færi á nýjum mögu-
leikum. „Framtíðin í Lundarreykja-
dal er björt, hingað vill unga fólkið
koma, setjast að og taka þátt í sam-
félaginu. Við höfum trú á því að um-
ferðin fari að aukast hér um Lund-
arreykjadalinn. Vegabætur eru hafn-
ar sunnavert í dalnum. Þar er verið
að lengja kaflann með bundnu slit-
lagi. Svo horfum við til þess að fé
hefur verið sett í endurbætur á veg-
inum um Uxahryggi meðal annars
með bundnu slitlagi. Þetta mun án
efa leiða til þess að umferðin eykst
og fleiri ferðamenn koma þessa leið
milli Suðurlands og Vesturlands. Það
eru margir möguleikar í myndinni
núna. Við sjáum fyrir okkur áfram-
haldandi hestatengda starfsemi hér á
búinu. Hér á Oddsstöðum er komin
góð aðstaða fyrir tamningar og reið-
kennslu og aðra fræðslu sem teng-
ist hestamennskunni, meðal annars
900 fermetra reiðskemma. En það
er í þessu eins og öðru að það skipt-
ir öllu máli að vanda sig.“
mþh
Íbúðarhúsið á Oddsstöðum þar sem Oddur og Guðbjörg búa en ferðamenn
dveljast í á sumrin.
Farið yfir Hvítárbrúna.
Logi frá Oddsstöðum var hæst dæmdi fimm vetra stóðhestur á Vesturlandi 2015,
með aðaleinkunn 8,55. Sýnandi er Jakob Svavar Sigurðsson.
Bjarki Þór Gunnarsson úr Borg-
arnesi er með BS-gráðu í reið-
mennsku og reiðkennslu frá Há-
skólanum á Hólum í Hjaltadal.
Þaðan lauk hann námi vorið 2014.
Nú starfar hann við tamningar og
annað sem tengist hestum á búinu
á Oddsstöðum í Lundarreykja-
dal. „Námið á Hólum var frábært.
Þarna var þéttur kjarni af fólki með
sama áhugamál, fólk alls staðar að,
bæði víðs vegar af landinu og utan
úr heimi. Þarna kynntist ég mínum
bestu vinum í dag og lærði heil-
mikið,“ segir Bjarki. Námið á Hól-
um stóð í þrjú ár. „Í beinu fram-
haldi var mér boðin vinna á Sindra-
stöðum á Lækjamóti við Hvamms-
tanga þar sem Ísólfur Líndal Þór-
isson og fjölskylda hafa byggt upp
mjög flotta hestamiðstöð. Þar var
ég þangað til í október – nóvember
2014 að ég fór á hrossaræktarbúið
Fet við Hellu. Þar var ég í tæpt ár
og kom svo aftur hingað að Odds-
stöðum í Lundarreykjadal. Hér er
mjög gott að vera.“
Úr trésmíðinni
í hestana
Bjarki segir að hestaáhuginn hafi
kviknað strax þegar hann var strák-
ur. „Ég er fæddur og uppalinn í
Borgarnesi. Móðir mín er fædd
og uppalin í Borgarnesi og pabbi
er frá Akureyri en á ættir sínar að
rekja að Vatnsenda í Skorradal. Þau
voru samt aldrei neitt í hestunum,
ég hef hestaáhugann ekki beint frá
þeim. Þetta hófst á því að ég fór á
hestanámskeið heima í Borgarnesi
þegar ég var átta eða níu ára gam-
all. Í framhaldinu fór Bjarni Guð-
jónsson, sem var með námskeiðið,
að bjóða mér að koma með að sinna
hestunum. Ég hjálpaði honum og
fékk að ríða út í staðinn. Ég keypti
svo minn fyrsta hest af Bjarna þeg-
ar ég var fjórtán ára gamall. Það er
mér hugfangið að koma á framfæri
þökkum til alls þess fólks sem hefur
aðstoðað mig á einn eða annan hátt á
vegferð minni í hestamennskunni.“
Eftir uppvöxtinn í Borgarnesi lágu
leiðir Bjarka í framhaldsskóla út á
Akranes. „Ég fór í Fjölbrautaskóla
Vesturlands, þar sem ég lærði tré-
smíði og lauk því námi. „Afi minn
og frændi áttu trésmíðafyrirtækið
Nýverk ehf. í Borgarnesi. Ég fór á
samning þar og taldi mig heppinn
því þetta var í kringum efnahags-
hrunið. Ég kláraði svo samninginn
og sveinsprófið hjá þeim. Ég taldi
það mér í hag að hafa aðra mennt-
un á bakinu og bætti einnig við
mig meiraprófinu. Samt sem áður
strax að loknu sveinsprófi lagði ég
hamarinn svo til á hilluna. Reynd-
ar fyrir utan smíðavinnu í Græn-
landi á sumrin milli anna í skólan-
um. Þegar ég var í iðnnáminu fór
ég svo á helgarnámskeið hjá Reyni
Aðalsteinssyni á Hvanneyri. Finnst
mér mikil forréttindi að hafa feng-
ið að leggja stund á nám hjá honum.
Það voru mjög vinsæl en lítið þekkt
námskeið sem kölluð voru „Reið-
maðurinn.“ Svo kom ég svo hing-
að að Oddsstöðum og var hér vetr-
armaður við búið í einn vetur. Eftir
allt þetta varð ekki aftur snúið og ég
fór í námið á Hólum.“
Hefur hug á
námskeiðahaldi
Hestarnir eiga hug Bjarka allan
í dag. „Þetta verður minn starfs-
vettvangur hér eftir. Það er gam-
an að geta unnið við áhugamál-
ið sitt. Draumurinn er að vera
með sjálfstæðan atvinnurekstur
í hestamennskunni og stefnum
við á það ég og kærasta mín Per-
nille Lyager Möller. Það á alveg
að vera hægt að lifa af þessu og
tækifærin eru vissulega til staðar.
Ég bý auðvitað að minni mennt-
un. Það eru til dæmis möguleikar
í reiðkennslunni og mig langar að
fara meira út í hana. Við ætlum
að byrja hér á Oddsstöðum nú í
vetur að bjóða upp á reiðnám-
skeið, bæði einkatíma og svo fyr-
ir hópa. Hér er mjög góð aðstaða
til þess. Við héldum reyndar tvö
námskeið hér sem gengu mjög
vel. Þau voru bæði vel sótt og
ánægjuleg. Þetta geta þá til dæm-
is verið helgarnámskeið og fólk
haft hrossin hér. Það er mjög góð
aðstaða fyrir slíkt.“
Í liðinni viku var Bjarki Þór
svo valinn í keppnislið í nýstofn-
aðri Vesturlandsdeild. „Þetta
er Vesturlandsdeildin sem tel-
ur 18 knapa, í sex liðum þar sem
þrír eru í liði. Einnig verður gef-
inn kostur á að sækja sér utanað-
komandi knapa til að auka hesta-
kost og samkeppnina. Það verður
keppt fjögur kvöld í fimm keppn-
isgreinum. Fyrsta keppnin verð-
ur 5. febrúar. Þá verður keppt í
fjórgangi í Faxaborg í Borgar-
nesi. Spennandi vetur í vænd-
um hjá okkur hér á Oddsstöðum.
Svo er landsmót hestamanna 27.
júní til 3. júlí á Hólum í Hjalta-
dal nú í sumar. Það er alltaf gam-
an á landsmótsári og mikið um að
vera,“ segir Bjarki hress í bragði.
mþh
Reiðkennari úr Borgarnesi býður nú upp á námskeið á Oddsstöðum
Bjarki og Bráinn í reiðskemmunni á Oddsstöðum.
Bjarki Þór situr hér stóðhestinn Bráinn frá Oddsstöðum sem hann er nú að þjálfa.