Skessuhorn - 20.01.2016, Blaðsíða 30

MIÐVIKUDAGUR 20. JANÚAR 201630
„Hver er þinn eftirlætis
tónlistarmaður?“
Spurning
vikunnar
(spurt í Borgarnesi)
Þórhallur Teitsson:
„Graceland-kóngurinn, Elvis
Presley.“
Guðrún Jónsdóttir:
„Elvis Presley.“
Kristín Snorradóttir:
„Ellie Goulding.“
Erla Karlsdóttir:
„Mér hefur alltaf þótt Ragnheið-
ur Gísladóttir afbragðsgóð.“
Sigurbjörn Jóhann Garðars-
son:
„Bubbi Morthens.“
Síðastliðinn laugardag var greint
frá því við hátíðlega athöfn í félags-
heimilinu Brún í Bæjarsveit að knatt-
spyrnumaðurinn Helgi Guðjóns-
son úr Reykholti hefði verið valinn
Íþróttamaður Borgarfjarðar 2015,
annað árið í röð. Helgi er aðeins 16
ára gamall og hefur lagt stund á ýmsar
íþróttir á undanförnum árum og tek-
ið stöðugum framförum. Hann hef-
ur sett 59 Borgarfjarðarmet í sundi
og frjálsum íþróttum fyrir UMSB og
hefur auk þess leikið körfuknattleik
og knattspyrnu með Umf. Reykdæla.
Nú hefur Helgi hins vegar ákveð-
ið að einbeita sér að knattspyrnu og
hefur gengið til liðs við Fram.
Mikill markaskorari
Helgi var markahæsti leikmaður Ís-
landsmóts þriðja flokks með 30 mörk
í 14 leikjum og lið hans var aðeins
hársbreidd frá því að tryggja sér sæti
í úrslitakeppninni. Þá lék Helgi þrjá
leiki með meistaraflokki Fram í 1.
deild karla á liðnu sumri og skoraði
þrjú mörk. Varð hann Reykjavíkur-
meistari með liðinu í þriðja flokki
og markahæsti leikmaður mótsins,
en hann skoraði 19 mörk í sjö leikj-
um. Einnig varð hann bikarmeistari
þriðja flokks og markahæstur í bikar-
keppninni með níu mörk í fimm leikj-
um. Fram sigraði á Barcelona Cup í
sumar þar sem Helgi var markahæst-
ur með 15 mörk í sjö leikjum. Þeg-
ar allt er talið skoraði Helgi alls 90
mörk fyrir Fram í æfingaleikjum og
opinberum keppnisleikjum á liðnu
ári. Þá fór hann utan á reynslu til 1.
deildar liðs Brighton í Englandi þar
sem hann æfði og keppti í um viku
tíma. Lék hann einn leik með lið-
inu á meðan dvöl hans stóð og skor-
aði eitt mark. Helgi lék með U17 ára
landsliði Íslands sem hafnaði í þriðja
sæti á opna Norðurlandamótinu og
í undankeppni Evrópumótsins þar
sem liðið tryggði sér keppnisrétt í
milliriðli. Sá riðill verður leikinn í
Frakklandi í mars.
Í umsögn um Helga við valið á
Íþróttamanni ársins segir meðal ann-
ars: „Á knattspyrnuvellinum er Helgi
kappsamur, útsjónarsamur, gríðar-
lega fljótur og með frábærar stað-
setningar, en hvort sem hann er inn-
an- eða utan vallar er Helgi ávallt til
fyrirmyndar enda mikið gæðablóð
og með sín markmið á hreinu.“
Annað og þriðja sætið
Akstursíþróttamaðurinn Aðalsteinn
Símonarson hafnaði í öðru sæti í
kjörinu. Hann er aðstoðarökumað-
ur Baldurs Haraldssonar í rallýliðinu
TímOn. Vörðu þeir félagar á árinu
Íslandsmeistaratitil sinn í rallý. Bald-
ur var tilnefndur sem rallökumaður
ársins hjá AKÍS.
Einar Örn Guðnason kraftlyft-
ingamaður hafnaði í þriðja sæti í
kjörinu á Íþróttamanni Borgarfjarð-
ar. Einar varð Íslandsmeistari í bekk-
pressu í janúar og í kraftlyftingum í
105 kg flokki í maí. Hann setti Ís-
landsmet í hnébeygju og samanlögðu
á árinu og fór í fyrsta skipti yfir 550
Wilk-stig.
Fjöldi viðurkenninga
Venju samkvæmt var úthlutað úr
minningarsjóði Auðuns Hlíðkvist
Kristmarssonar og var það að þessu
sinni Brynjar Snær Pálsson sem fékk
viðurkenningu frá sjóðnum. Viður-
kenningin er árlega veitt ungum og
efnilegum íþróttamanni sem þykir
hafa sýnt góða ástundun á liðnu ári.
Þá var kom maraþonbikarinn í
hlut Elínar Davíðsdóttur, maraþon-
hlaupara úr Flandra. Hún átti besta
tímann í maraþoni á árinu, hljóp á
4:46:16 klst. í Reykjavíkurmaraþon-
inu í ágúst síðastliðnum, sínu fyrsta
maraþoni. Glæsilegur árangur hjá
Elínu sem mætti fyrst á nýliðanám-
skeið Flandra 22. apríl 2013.
UMSB veitir á hverju ári viður-
kenningar þeim íþróttamönnum
sem valdir hafa verið í landslið í sinni
íþrótt. Viðurkenningar fengu að
þessu sinni Bjarki Pétursson kylfing-
ur, Daði Freyr Guðjónsson dansari,
Harpa Hilmisdóttir badmintonkona,
Helgi Guðjónsson knattspyrnumað-
ur, Konráð Axel Gylfason hestamað-
ur og Þorgeir Þorsteinsson körfu-
knattleiksmaður.
Alls voru 16 íþróttamenn til-
nefndir til valsins á Íþróttamanni
Borgarfjarðar 2015, þar af tvö
danspör. Þeir eru:
Aðalsteinn Símonarson
akstursíþróttamaður
Anton Elí Einarsson og Anna Jara
Jökulsdóttir dansarar
Arnar Smári Bjarnason
frjálsíþróttamaður
Birgitta Dröfn Björnsdóttir
dansari
Daði Freyr Guðjónsson og Marta
Carrasco dansarar
Einar Örn Guðnason
kraftlyftingamaður
Guðmunda Ólöf Jónsdóttir
sundkona
Helgi Guðjónsson
knattspyrnumaður
Ingibjörg Rósa Jónsdóttir
badmintonkona
Konráð Axel Gylfason
hestamaður
Sigtryggur Arnar Björnsson
körfuknattleiksmaður
Sigursteinn Ásgeirsson
frjálsíþróttamaður
Viktor Már Jónasson
knattspyrnumaður
Þorgeir Ólafsson hestamaður
kgk/ Ljósm. bhs.
Helgi Guðjónsson er
Íþróttamaður Borgarfjarðar 2015
Þeir sem tóku við verðlaunum fyrir fimm efstu sætin í kjörinu. Helgi Guðjónsson, Íþróttamaður Borgarfjarðar, situr fyrir miðju.
Fyrir aftan hann f.v. Einar Örn Guðnason 3. sæti, Símon Valgeir Aðalsteinsson sem veitti viðtöku viðurkenningum Aðalsteins
Símonarsonar fyrir 2. sætið, Hrafnhildur Guðmundsdóttir tók við viðurkenningu Konráðs Axels Gylfasonar fyrir 4. sætið og Arnar
Smári Bjarnason sem varð í 5. sæti.
Brynjar Snær Pálsson (fyrir miðju) hlaut viðurkenningu úr minningarsjóði Auðuns
Hlíðkvist Kristmarssonar. F.v. Kristmar J Ólafsson og Íris Bjarnadóttir, foreldrar
Auðuns og Brynjar Snær ásamt foreldrum sínum Ingu Dóru Halldórsdóttur og Páli S
Brynjarssyni.
Þeir íþróttamenn og fulltrúar þeirra sem tilnefndir voru sem Íþróttamaður Borgarfjarðar.
Elín Davíðsdóttir hlaut maraþonbikarinn
fyrir besta tíma í maraþoni á árinu.
Ljósm. Kristín Gísladóttir.