Skessuhorn - 06.04.2016, Side 18
MIÐVIKUDAGUR 6. APRÍL 201618
TÆKNIMESSA 2016
Mikill vöxtur hefur verið á stór-
iðju- og hafnarsvæðinu á Grundar-
tanga á undanförnum árum. Fjöl-
mörg fyrirtæki eru með starfsemi
sína á svæðinu, þar á meðal Norð-
urál og Elkem sem eru langstærst
fyrirtækja á Grundartanga. Gísli
Gíslason hafnarstjóri Faxaflóa-
hafna segir svæðið hafa á síðustu
árum verið að vaxa sem atvinnu-
svæði og þar séu núna liðlega eitt
þúsund föst störf. Hann segir að-
stæður til að auka starfsemina enn
frekar vera góðar. „Ekki síst þeg-
ar við horfum til framtíðarstarf-
semi með grænum áherslum og á
störf sem kalla eftir tæknimennt-
uðu fólki. Það skiptir Vesturland
miklu máli að til staðar sé ungt
og frískt fólk með góða menntun
sem getur tekið þátt í uppbygg-
ingu á svæðinu,“ segir Gísli. Um-
hverfismál hafa á undanförnum
misserum verið vaxandi þáttur í
tengslum við ýmis konar starfsemi
og er Grundartangi engin und-
antekning þar á. „Nú er til dæm-
is talað um græna flutninga og
má nefna að í tengslum við hugs-
anlega uppbyggingu Silicor þá er
lögð áhersla á að starfsemin sé í
sátt við sitt nánasta umhverfi og
að framleiðslan sé á grænum nót-
um. Í þessu felst að ungt fólk þarf
að mennta sig í tæknigeiranum og
greinum sem fjalla um hvernig við
getum nýtt tæknina til að draga úr
umhverfisáhrifum af atvinnustarf-
semi.“
Aukin áhersla á
umhverfisvænt
Í dag eru alls tólf til fjórtán fyrir-
tæki með fasta starfsstöð á Grund-
artanga. Fjölbreytnin er mikil og
er sífelld þörf á iðn- og tækni-
menntuðu fólki á svæðinu. „Fjöl-
breytnin er vissulega til staðar,
sérstaklega í þessum tæknigrein-
um sem eru m.a. þjónustustörfin
við stóriðjuna. Og ef Silicor verk-
efnið verður að veruleika þá má
reikna með enn stærra hlutfalli
starfsmanna með tæknimenntun
en þekkist á öðrum stórum vinnu-
stöðum,“ segir Gísli. Hann segir
engin ný áform um uppbyggingu
vera á borðinu að svo stöddu en
það skipti máli að Faxaflóahafn-
ir hafi gefið það merki mjög skýrt
að í samvinnu við Hvalfjarðarsveit
verði fyrirtæki valin inn á svæðið
á grundvelli sameiginlegrar stefnu.
„Það eru þessar grænu áherslur
sem við viljum leggja áherslu á í
auknum mæli varðandi uppbygg-
inguna á Grundartanga.“
Menntun
mikilvægur hlekkur
Gísli bendir á að það sé ekki ein-
ungis mikilvægt fyrir fyrirtækin að
unga fólkið fari í iðn- og tækni-
nám, það sé einnig mikilvægt fyr-
ir sveitarfélögin á svæðinu. Til
að þéttbýlissvæðin geti búið að
fjölskyldum og veitt góða þjón-
ustu þurfi tekjur og hagvöxt til að
standa undir þeim búsetuskilyrð-
um sem við viljum að börnin okkar
búi við til framtíðar. „Þess vegna er
gríðarlega mikilvægt að við byggj-
um upp sterka innviði í þekkingu
og fagmennsku og þar er mennt-
un mikilvægasti hlekkurinn í þró-
uninni. Og ef við horfum á þá þró-
un sem mun eiga sér stað í grennd
við Ísland og umhverfis það, þá
sjáum við til að mynda auknar sigl-
ingar, rannsóknir, farþegasiglingar
og flutninga en þessu munu fylgja
ný tækifæri. Þessir þættir munu
kalla á tæknimenntað fólk, svo
sem á sviði flutningatækni, fram-
leiðslu og þjónustu svo og ýmis-
konar þróunar sem skiptir máli
að unga fólkið leiði á grundvelli
góðrar menntunar. Iðnmenntun er
sífellt að verða tæknivæddari og er
því í mínum huga þannig að hún
jafngildi traustri tæknimenntun.
Án nokkurs vafa þurfum við á að
halda vel menntuðu iðn- og tækni-
fólki á komandi árum sem skapi og
vinni í störfum sem treysti undir-
stöðu samfélagsins.“
Samtök sveitarfélaga á Vesturlandi
eru í hópi þeirra sem standa að
Tæknimessunni sem haldin verð-
ur í Fjölbrautaskóla Vesturlands 14.
apríl næstkomandi. Þar verður hald-
in kynning á iðn- og tæknistörfum
á Vesturlandi og iðnnámi í FVA.
Páll Brynjarsson er framkvæmda-
stjóri SSV. Hann segir Tæknimess-
una vera hluta af svokallaðri Sókn-
aráætlun Vesturlands og sé þar hluti
af stóru verkefni sem snýr að fjölg-
un iðnnema í landshlutanum. „Þetta
verkefni kemur þannig til að Sam-
tökum sveitarfélaga var falið með
samningi við stjórnvöld að útbúa
Sóknaráætlun Vesturlands. Hald-
inn var stór íbúafundur fyrir tæpu
ári þar sem stefna og framtíðarsýn
Vestlendinga var rædd. Þar kom
sterklega fram að fundarmenn vildu
leggja áherslu á að fjölga iðnnemum
á Vesturlandi,“ segir Páll. Hann seg-
ir fyrirtæki á svæðinu standa frammi
fyrir skorti á iðnmenntuðu fólki þar
sem iðnnemum hafi fækkað á und-
anförnum árum og endurnýjun í
iðn- og tæknistörfum hafi ekki ver-
ið nægjanleg til að halda uppi nægi-
legum mannafla. „Það fólst þrennt í
þessum samningi sem gerður var við
stjórnvöld; stofnun Uppbygging-
arsjóðs Vesturlands, gerð stefnu og
framtíðarsýnar fyrir Vesturland og í
þriðja lagi höfðum við fjármagn til
að fara í ákveðin áhersluverkefni á
árunum 2015-16. Þetta verkefni um
fjölgun iðnnema er eitt af fimm slík-
um verkefnum og Tæknimessan er
hluti af því,“ útskýrir Páll.
Tæknimessan
fyrsta verkefnið
Páll segir Tæknimessuna vera
stærsta þáttinn í verkefninu en
fleiri verkefni eru í pípunum sem
tengjast verkefninu. Meðal ann-
ars standi til að efla kynningu á
iðn- og tæknigreinum enn frek-
ar á grunnskólastigi. „Það er verið
að tala um að koma verkefnum inn
í grunnskólana sem hafa það að
markmiði að efla áhuga nemenda
á iðn- og tæknigreinum. Margir
segja að það sé gott að kynna slíkt
nám fyrir nemendum snemma,
jafnvel fyrir 8. bekk, og hug-
myndin núna er að koma af stað
slíku verkefni sem gæti verið inni
í grunnskólum á næsta ári,“ segir
hann. Samtök sveitarfélaga á Vest-
urlandi vilja einnig styðja við bakið
á fleiri verkefnum með það í huga
að fjölga iðnnemum. „Við vilj-
um meðal annars styðja við stofn-
un nýrrar námsbrautar hjá FVA.
Sú námsbraut kallast Megatronic
og yrði á höndum skólans en við
viljum styðja við bakið á því verk-
efni. Þá viljum við einnig skoða
hvort hægt væri að efla iðnnám
með samstarfi framhaldsskólanna
á Vesturlandi og veita slíku sam-
starfi stuðning. Að lokum viljum
við styðja við tæknistoðir og raun-
færnimat sem Símenntunarmið-
stöðin á Vesturlandi býður upp á,“
útskýrir Páll. „Svona ætlum við að
fjölga iðnnemum og Tæknimess-
an er fyrsta og stærsta verkefnið í
þessari vinnu,“ bætir hann við að
endingu.
Leggja áherslu á fjölgun
iðn- og tækninema
Páll S Brynjarsson er framkvæmdastjóri Samtaka sveitarfélaga á Vesturlandi.
IÐAN fræðslusetur hefur opnað
upplýsingavef um nám og störf í
fjölmörgum iðngreinum á slóð-
inni www.namogstorf.is. Á vefnum
má einnig finna margskonar ítar-
efni sem tengist samspili skóla og
atvinnulífs.
Vefnum er hvoru tveggja ætl-
að að höfða til nemenda á grunn-
og framhaldsskólaaldri sem og
þeirra sem eru eldri en óákveðnir
um hvaða leið skuli fara í námi og
starfi. Einnig eru á vefnum upplýs-
ingar um hvar hægt er að leita ráð-
gjafar og efni ætlað kennurum og
ráðgjöfum í skólum sem efla vilja
fræðslu um nám og störf.
Á vefnum er starfsgreinum skipt
í átta flokka og reynt að haga fram-
setningu efnisins þannig að einfalt
sé að kafa dýpra eftir nánari upp-
lýsingum, svo sem á upplýsinga- og
ráðgjafavefnum „NæstaSkref.is“
eða heimasíðum einstakra náms-
brauta framhaldsskólanna.
Vefurinn er uppfærður mjög
reglulega og markmiðið að þar sé
alltaf að finna á einum stað rétt-
ar, hagnýtar og áhugaverðar upp-
lýsingar um nám og störf í iðn- og
verkgreinum.
Vefsíðan namogstorf.is
upplýsir margt
Ungt og tæknimenntað fólk mikilvægt
Gísli Gíslason hafnarstjóri Faxaflóa-
hafna.
„Án nokkurs vafa þurfum við á að halda vel menntuðu iðn- og tæknifólki á komandi árum sem skapi og vinni í störfum sem
treysti undirstöðu samfélagsins,“ segir Gísli Gíslason hafnarstjóri.