Skessuhorn - 22.06.2016, Qupperneq 19

MIÐVIKUDAGUR 22. JÚNÍ 2016 19
Framkvæmdum við breytingar á
félagsheimilinu Brúarási í Hálsa-
sveit er nú að mestu lokið. Þar
verður opnaður nýr þjónustustað-
ur um helgina með veitinga- og
kaffisölu, upplýsingaþjónustu og
sölu handverks. Sérstök foropn-
un var á þjóðhátíðardaginn og var
boðið í kaffi íbúum úr sveitinni og
nágrannasveitum, öðrum eigend-
um hússins, sveitarstjórn og þeim
sem komið hafa að undirbúningi
og framkvæmdunum sjálfum. Vel á
annað hundrað gestir mættu og áttu
góða stund saman. Fyrirtækið Brúa-
rás ehf. tók húsið á langtímaleigu á
síðasta ári og hefur síðan staðið fyr-
ir framkvæmdum. Við þær var ekk-
ert til sparað að gera húsið og um-
hverfi þess myndarlega úr garði. Að
verkefninu standa bræðurnir Andr-
és og Kolbeinn Magnússynir frá
Stóra-Ási og eiginkonur þeirra, þær
Martha Eiríksdóttir og Lára Krist-
ín Gíslasóttir, auk hjónanna Helga
Eiríkssonar og Katrínar Gunnars-
dóttur á Kolsstöðum.
Eins og nýverið kom fram í frétt
Skessuhorns voru miklar endur-
bætur gerðar á félagsheimilinu til
að það gæti sem best þjónað nýju
hlutverki. Áfram mun það jafnframt
þjóna sem félagsheimili líkt og það
hefur gert frá byggingu hússins um
1970. Að sögn aðstandenda Brúa-
ráss verður lögð áhersla á að heima-
fólk eigi þar vettvang til að hittast
við ýmis tækifæri, formlega eða
óformlega, og finni sig ávalt vel-
komið í húsið. Nú hefur allt verið
málað utan sem innan dyra, eldhús
var endurnýjað frá grunni, park-
et slípað upp, salernisaðstaða bætt
og utandyra var m.a. lagður pall-
ur, göngstígar og Unnsteinn Elías-
son hleðslumeistari hlóð steinveggi
sem gefa aðkomu að húsinu mjög
skemmtilegan svip. Torf var lagt á
þak.
Kolbeinn Magnússon í Stóra-
Ási er ánægður með hvernig til hef-
ur tekist við lagfæringar á húsinu
og framkvæmdir utan dyra. Hann
kveðst hlakka til að sjá viðtökur
ferðafólks og nágranna í Borgarfirði
þegar hægt verður að hefja starf-
semina formlega um næstu helgi.
„Það verður kjörstaður í húsinu á
kosningadaginn og þá verða enn
fleiri sem eiga erindi og geta skoð-
að þetta hjá okkur. Við erum með
einvalalið starfsfólks sem þá byrj-
ar vaktir við þjónustu og veitinga-
sölu. Meðal þeirra verða Sigríður
Snorradóttir, Lára Kristín Gísla-
dóttir og Soffía Reynisdóttir. „Við
munum bjóða upp á rétti dagsins
og grillmat. Þá verðum við í sam-
skiptum við Geirabakarí í Borgar-
nesi og verðum auk þess með bak-
arofn á staðnum. Hér verður því
bæði hægt að fá nýbakað á hverjum
degi; kökur, smurt braut og ýmsan
mat,“ segir Kolbeinn. Húsið tekur
allt að 150 manns í sæti og þar er
einnig verslun þar sem í boði verða
vörur frá Álafossi, Janus, Lagði og
ýmsum fleirum.
mm/ Ljósm. ki.
Brúarás formlega opnaður
á kosningadaginn
Eigendurnir. F.v. Kolbeinn og Lára, Katrín og Helgi, Andrés og Martha.
Íbúar úr nágrannasveitum fjölmenntu. Hér eru Eyjólfur í Síðumúla og hjónin Helga
og Eyjólfur frá Kópareykjum.
Heimafólk á spjalli. F.v. Ásgeir Ásgeirsson, Kolfinna Jóhannesdóttir, Magnús
Skúlason og Reynir Árnason.
Félagsheimilið Brúarás og umhverfið hefur tekið stakkaskiptum.
Horft inn í verslunarrýmið. Gísli og Kristfríður frá Hofsstöðum voru mætt á þjóðhátíðardaginn. Hátt á annað hundrað manns þáðu boð um kaffi á þjóðhátíðardag-
inn.