Skessuhorn - 27.07.2016, Blaðsíða 14

MIÐVIKUDAGUR 27. JÚLÍ 201614
Það var fyrir 21 ári, 2. maí árið
1995, sem Björn Kjartansson
vatt sínu kvæði í kross og hætti
að starfa sem húsasmíðameist-
ari og tók til starfa sem ráðherra-
bílstjóri. „Þetta hófst allt saman
með því að Ingibjörg Pálmadóttir
tók við heilbrigðis- og trygginga-
málaráðuneytinu árið 1995. Hún
sóttist eftir því að fá mig til starfa
sem ráðherrabílstjóra. Við þekkt-
umst vel og ég hafði unnið svolít-
ið með henni í pólitíkinni. Þegar
ég tók við starfinu tók ég jafnframt
á mig launalækkun en það jafn-
aðist allt saman út því yfirvinnan
er mjög mikil í þessu starfi. Áður
hafði ég unnið átta til fjögur vinnu
en bílstjórastarfið er allt öðruvísi.
Það er mjög óreglulegur vinnu-
tími í þessu starfi, flestir dagarn-
ir eiga það samt sameiginlegt að
þeir eru langir en einnig skemmti-
legir. Oftast er ég að vinna frá átta
á morgnanna og kominn heim um
níu eða tíu á kvöldin. Það er samt
allur gangur á því. Það sem maður
þarf til þess að endast í þessu starfi
er þolinmæði og lipurð. Þetta er
oft mikil bið og svo þarf maður
alltaf að vera tilbúinn, það koma
oft upp óvænt mál svo maður þarf
að bregðast við. Þrátt fyrir óreglu-
legan vinnutíma liggur oftast dag-
skrá fyrir daginn svo ég veit nokk-
urn veginn hvernig dagurinn verð-
ur áður en ég held af stað að heim-
an,“ segir Björn Kjartansson.
Björn segir það ekki hafa ver-
ið nein sérstök viðbrigði að skipta
yfir á þennan starfsvettvang. „Ég
myndi ekki segja að það hefðu ver-
ið nein viðbrigði. Þetta er er nátt-
urlega allt öðruvísi starf en smíða-
vinnan og báðar eru þær skemmti-
legar. Helsti munurinn var kannski
sá að ég hafði alltaf unnið útivinnu
en bílstjórastarfið er innivinna.
Maður var vanur að vinna við kald-
ar aðstæður en allt í einu var mað-
ur sestur upp í heitan bíl með mið-
stöð. Fyrstu vikunnar var ég alveg
að kafna úr hita og var kófsveittur,“
rifjar Björn upp og hlær. „Þetta er
eiginlega orðið öfugt í dag og hita-
stigið í bílnum er orðið mitt kjör-
hitastig,“ bætir Björn við.
Sjö ráðherrar
Á þessum árum Björns sem ráð-
herrabílstjóri hefur hann unnið
með sjö ráðherrum. Lengst starfaði
hann með Ingibjörgu Pálmadóttur
eða í sex ár. Björn keyrði heilbrigð-
isráðherrum til ársins 2010 eða í 15
ár; fyrst Ingibjörgu, svo Jóni Krist-
jánssyni, Siv Friðleifsdóttur, Guð-
laugi Þór Þórðarsyni, Ögmundi
Jónassyni og loks Álfheiði Ingadótt-
ur. Þegar Ögmundur Jónasson varð
innanríkisráðherra árið 2010 fylgdi
Björn með. Eftir kosningarnar
2013 hefur Björn keyrt fyrir utan-
ríkisráðherra; fyrst Gunnar Braga
Sveinsson og nú Lilju Alfreðsdótt-
ur. „Ég hef kynnst þessu fólki vel
og þetta eru vinir mínir. Ég held að
það sé nokkuð öruggt að það vinn-
ur enginn jafn náið með ráðherrum
en bílstjóri þeirra. Maður kynnist
ráðherranum vel en einnig mökum
þeirra og börnum,“ segir Björn.
Björn er sjálfur pólitískur og hef-
ur sínar skoðanir á hlutunum. „Ég
hef unnið í Framsóknarflokknum
frá árinu 1979. Ég hef mínar skoð-
anir á hlutunum og ég hef rökrætt,
farið yfir málefni og rætt almennt
um pólitík við alla ráðherrana.
Þetta eru ekki allt skoðanabræður
mínir en það hefur alltaf farið vel
á með mér og ráðherrunum. Það
er nú svo að þegar maður rökræð-
ir við ráðherra þá er það alltaf hann
sem ræður að lokum,“ segir Björn
og brosir. „Þeir vilja samt oft meina
að það sé bílstjórinn sem ráði ferð-
inni,“ bætir hann við.
Skemmtileg ferðalög
Það sem fylgir starfi Björns eru
ferðalög en ráðherrar þurfa oft að
fara út á land til þess að hitta fólk.
„Ég hef farið í margar skemmti-
legar ferðir út á land í starfi mín-
um. Það er mismunandi eftir ráð-
herrum hversu oft maður fer út á
land. Ég ferðaðist meira með Jóni
Kristjánssyni út á land en öðrum
ráðherrum. Hann kom úr norð-
austurkjördæmi og þangað fórum
við oft. Það var afskaplega gam-
an að ferðast um svæðið með Jóni
því hann þekkti það út og inn.
Hann sagði manni fjölmargar sög-
ur af þeim stöðum sem við fór-
um framhjá og heimsóttum einnig
sagði hann oft sögur af merkilegu
fólki sem hafði búið þar. Þessar
ferðir út á land geta oft orðið mjög
skemmtilegar. Mér er minnisstætt
þegar ég og Ingibjörg fórum eitt
sinn í áttræðisafmæli. Tengdadótt-
ir mannsins sem átti afmæli vildi
endilega fá mynd af okkur hjónun-
um, mér og Ingibjörgu þ.e.a.s., en
ég hló bara og útskýrði fyrir henni
að ég væri bara bílstjóri, ekki eigin-
maður Ingibjargar. Tengdadóttirin
ætlaði þó ekki að gefa sig og þeg-
ar við vorum að fara gekk hún til
Ingibjargar og spurði hana hvort
hún gæti ekki fengið mynd af okkur
hjónunum. Ingibjörg svaraði því til
að það væri minnsta mál en sagði:
„Hann er nú samt bara varamaður.“
Okkur Ingibjörgu þótti þetta fynd-
ið og þetta rifjast oft upp þegar við
hittumst.“
Stefnir á að klára
starfsferilinn sem
ráðherrabílstjóri
Björn er sá ráðherrabílsstjóri sem
hefur starfað lengst af þeim sem
nú eru starfandi. „Við vorum þrír á
besta aldri sem byrjuðum að vinna
um svipað leyti sem ráðherrabíl-
stjórar árið 1995. Þeir eru nú hætt-
ir og þeir sem voru fyrir voru eldri
menn sem eru hættir að vinna,
ég er því einn eftir. Maður teng-
ist hinum bílstjórunum vel og við
hittumst reglulega. Félagsskapur-
inn er góður og við höldum árshá-
tíð einu sinni á ári. Ég hef alltaf
kunnað vel við mig í þessu starfi
og félagsskapurinn við ráðherrana
og bílstjórana hjálpar þar til. Ég er
nú orðinn 62 ára gamall svo það
er ekki mikið eftir af starfsferlin-
um. Ég stefni að klára ferilinn sem
ráðherrabílstjóri ef mér býðst það,
það verður bara að koma í ljós. Ég
kann allavega óskaplega vel við
mig í starfinu,“ segir Björn að end-
ingu.
bþb
Ráðherrabílstjóri í rúma tvo áratugi
Björn bauð Lilju Alfreðsdóttur, núverandi ráðherra, og Ingibjörgu Pálmadóttur, fyrrverandi ráðherra, í bíltúr á dögunum í tilefni þess að hann væri búinn að starfa sem
ráðherrabílstjóri í 21 ár. Bíltúrinn endaði að sjálfsögðu á því að sýna Lilju Akranesvita.
Björn ræðir allt á milli himins og jarðar við ráðherrana. Siv Friðleifsdóttir birti þessa mynd af Birni á gamlársdag árið 2006
þar sem þau voru að ræða málin eftir ríkisráðsfundi á Bessastöðum. Ljósm. siv.is.
Ráðherrabílstjórarnir eru fínir félagar og eru í miklum samskiptum. Þessi mynd
er tekin í Alþingishúsinu árið 2008 . Á myndinni eru Sigurður Egilsson, Jón E. Guð-
mundsson, Magnús Helgi Magnússon og Björn Kjartansson. Ljósm. siv.is.