Skessuhorn - 09.11.2016, Blaðsíða 17

MIÐVIKUDAGUR 9. NÓVEMBER 2016 17
Deiliskipulagstillaga, Ólafsdalur í Dalabyggð
Sveitarstjórn Dalabyggðar samþykkti á fundi sínum þann
20. september 2016 að auglýsa deiliskipulagstillögu fyrir Ólafsdal í
Dalabyggð skv. 41. gr. skipulags- og byggingarlaga nr. 123/2010.
Ólafsdalur í Gilsfirði er meðal merkustu sögu-, menningar- og minjastaða
á Vesturlandi og við Breiðafjörð. Torfi Bjarnason stofnaði fyrsta bændaskóla
landsins í Ólafsdal árið 1880 og rak hann til 1907. Menningarlandslag í
Ólafsdal er mjög merkilegt á landsvísu. Minjar á svæðinu eru afar merkur
hluti íslenskrar búnaðarsögu, sem hlífa þarf og sýna verðskuldaða athygli.
Markmið deiliskipulagsins er fyrst og fremst verndun og viðhald
menningarlandslags í Ólafsdal og uppbygging menningartengdrar
ferðaþjónustu. Minjavernd undirgengst með samningi við ríkið að annast
viðhald bygginga í Ólafsdal og að endurreisa hús og valin mannvirki sem
hafa fallið eða verið rifin. Miðað er við að öll húsin verði í framtíðinni nýtt til
þjónustu ferðamanna. Með endurbyggingu og endurgerð húsanna í Ólafsdal
yrði menningar- og sögutengd ferðaþjónusta við Breiðarfjörð styrkt til muna.
Skipu lags uppdrættir og greinagerðir eru til sýnis á skrifstofu Dalabyggðar
frá 10. nóvember til 23. desember 2016. Enn fremur verða gögnin
aðgengileg á heimasíðu sveitarfélagsins www.dalir.is.
Athugasemdum skal skila skriflega á skrifstofu Dalabyggðar Miðbraut 11,
370 Búðardal eða á netfangið byggingarfulltrui@dalir.is merkt
,,Deiliskipulag Ólafsdal” fyrir 23. desember 2016.

Deiliskipulag, Laugar í Sælingsdal
Byggðarráð Dalabyggðar samþykkti þann 30. ágúst 2016
deiliskipulag fyrir Laugar í Sælingsdal. Auglýsing um gildistöku
birtist í B-deild stjórnartíðinda 27. október 2016.
Markmið deiliskipulagsins er að efla svæðið sem heild og auka
möguleika á nýtingu þess árið um kring. Deiliskipulagið felur í sér
afmörkun lóða fyrir hótel, tjaldsvæði, íþróttamannvirki, ungmennabúðir,
íbúðir o.fl. og afmörkun byggingarreita fyrir stækkun á hóteli.
Gert er ráð fyrir frístundabyggð með 16 lóðum.
Deiliskipulagið hefur hlotið meðferð skv. 41. og
42. gr. skipulagslaga nr. 123/2010 og öðlast þegar gildi.

Kristján Ingi Arnarsson
Skipulags- og byggingarfulltrúi
SK
ES
SU
H
O
R
N
2
01
6
Eins og fram hefur komið í Skessu-
horni mun Leikdeild Umf. Skalla-
gríms frumsýna á fimmtudags-
kvöldið sýningu sem færð er upp
í tilefni 100 ára afmælis félagsins.
Litið verður yfir farinn veg á lið-
inni öld í leik og söng. Jónas Þor-
kelsson skrifaði handrit og leikstýr-
ir í þessari uppfærslu. Frumsýning
verður í Lyngbrekku fimmtudag-
inn 10. nóvember og lokasýning er
áætluð 3. desember, sem jafnframt
er formlegur afmælisdagur Ung-
mennafélagsins Skallagríms.
Í afmælissýningunni verður
meðal annars sýnt brot úr Gráa
frakkanum, sem sett var upp á
fyrsta starfsárinu og allt til atriða
úr gamanleiknum Blessuðu barna-
láni sem er síðasta verkið sem fé-
lagið færði á fjalirnar. Söngurinn
verður í stóru hlutverki við und-
irleik hljómsveitar og er sýning-
in tvinnuð saman með léttleik-
andi atriðum þar sem fjölmargar
persónur úr hinum ýmsu verkum
munu birtast ljóslifandi á leiksvið-
inu. Á lista yfir þau leikverk sem
Umf. Skallagrímur hefur fært á
fjalirnar má sjá að langflest árin frá
stofnun leikdeildarinnar árið 1916
hafa verið færð upp leikrit af ein-
hverju tagi. Alls hafa verið sýnd 85
verk á þessum 100 árum. Lengsta
samfellda eyðan í sýningum var
meðan seinna stríð stóð yfir.
Hundrað ára félag
Það mun hafa verið á almenn-
um fundi í Borgarnesi 3. desemb-
er 1916 sem Ungmennafélagið
Skallagrímur var formlega stofn-
að. Þá höfðu árin á undan nokkur
félög orðið til í sveitum héraðsins.
Fundarboðendur í Borgarnesi voru
fjórir; Þórður Ólafsson, Þórður
Eyjólfsson, Júlíus Jónsson og Jónas
Kristjánsson. Gengið var frá stofn-
un félagsins og voru stofnendur
skráðir tuttugu og sex og félaginu
gefið nafnið Ungmennafélagið
Skallagrímur. Í gegnum árin hef-
ur ungmennafélagið staðið í ýmsu,
eða allt frá fyrstu jarðabótunum í
Skallagrímsgarði, byggingu félags-
og íþróttamannvirkja, leiklist og til
víðtæks íþrótta- og menningarlífs
í Borgarnesi. Félagið hefur ver-
ið deildaskipt síðan 1973 og hefur
Frumsýna afmælisverk á
fimmtudaginn
aðalstjórn starfað sem eftirlits- og
aðhaldsstjórn fyrir deildir innan
félagsins, en deildirnar eru nú sex;
badminton-, frjálsíþrótta-, körfu-
knattleiks-, knattspyrnu, leiklistar-
og sunddeild Skallagríms.
mm/ohr

Fjölbrautaskóli Vesturlands

Opið hús miðvikudaginn 24. febrúar 2016 kl. 17 ̶ 19

Fjölbrautaskóli Vesturlands
Vogabraut 5, 300 Akranesi
Sími 433-2500 skrifstofa@fva.is www.fva.is
Stúdentsbrautir – 3 ára brautir
Náttúrufræðabraut
Félagsfræðabraut
Opin stúdentsbraut
Listnámssvið
Tungumálasvið
Viðskipta- og hagfræðisvið
Afreksíþróttasvið
Iðnnám
Húsasmíði
Húsgagnasmíði
Vélvirkjun
Grunndeild bíliðngreina
Rafvirkjun
Brautabrú
Viðbótarnám eftir iðn- og starfsnám
Starfsbraut

Kynning á námsframboði,
inntökuskilyrðum, heimavist,
mötuneyti, félagslífi,
afreksíþróttum o.fl.

Allir velkomnir
sérstaklega 10. bekkingar og
foreldrar/forráðamenn þeirra
Tilboð í sumarleigu heimavistar
FVA óskar eftir tilboðum í leigu á hluta af húsnæði
heimavistar FVA á tímabilinu 1. júní til 10. ágúst 2017.
Um er að ræða 30 tveggja manna herbergi með baði. Herbergin eru
ca. 25 m2 hvert og skiptast niður á fjóra ganga. Sameiginlegt, ca. 60 m2, rými
er einnig til staðar með eldhúsi, borðstofu og sjónvarpsholi.
Tilboðum skal skila á skrifstofu skólans fyrir 1. desember 2016.
FVA áskilur sér rétt til að taka einu tilboði eða hafna öllum.
Nánari upplýsingar má nálgast á skrifstofu skólans í síma 433-2500.
SK
ES
SU
H
O
R
N
2
01
6
Meðfylgjandi myndir voru teknar á æfingum í Lyngbrekku.