Skessuhorn - 09.11.2016, Blaðsíða 12

MIÐVIKUDAGUR 9. NÓVEMBER 201612
LITIR:
www.smaprent.is | smaprent@smaprent.is
2.900
ISK
LITIR:
1.480
ISK
2.900
ISK
Á Oddsstöðum I í Lundarreykja-
dal í Borgarfirði hafa hjónin Sig-
urður Oddur Ragnarsson og Guð-
björg Ólafsdóttir um árabil rek-
ið hestatengda ferðaþjónustu. Þar
hefur ferðamönnum og hesta-
áhugafólki verið boðið upp á allt
frá reiðtúrum og -námskeiðum til
lengri hestaferða. Nú hafa hjónin á
Oddsstöðum reist þrjú smáhýsi og
geta allt að 18 manns gist í þeim.
„Með aukinni gistingu horfum við
til þess að víkka út möguleika okk-
ar í ferðaþjónustunni, rétt eins og
við gerðum með reiðskemmunni
sem við byggðum árið 2011. Smá-
hýsin eru hugsuð sem viðbót við
aðstöðuna hér og við horfum til
þess að fá fólk til að stoppa lengur
hér í Lundarreykjadal,“ segir Sig-
urður Oddur í samtali við blaða-
mann.
„Með því að geta boðið fólki
að dvelja lengur getum við fjölg-
að okkar verkefnum og breytt eftir
því sem fólk sækist eftir, til dæmis
boðið upp á fleiri stutta reiðtúra og
gert þá út héðan frá Oddsstöðum.
Þannig eru líkur á að ferðamanna-
tímabilið í þessari hestatengdu
ferðamennsku lengist,“ segir Guð-
björg. Þeirri undirgrein ferðaþjón-
ustunnar eru nefnilega ákveðn-
ar skorður settar frá náttúrunnar
hendi. Ekki er hægt að fara í lang-
ar ferðir um fjallvegi, holt og heið-
ar um hávetur. „Mest er að gera í
hestaferðamennskunni frá miðjum
júní og út ágúst. Eftir þann tíma
er vertíðin nú oftast búin. Í lengri
ferðum höfum við oft verið að
gista með hópa í fjallaskálum, sam-
komuhúsum og víðar. En með til-
komu gistingar hér horfum við til
þess að hægt verði að ríða heiman
frá og þá ef til vill fleiri dagsferðir,
styttri túrar og jafnvel fleiri nám-
skeið,“ segir Sigurður Oddur.
Gistirými fyrir
12-18 manns
Smáhýsin eru þrjú, sem fyrr seg-
ir. Það stærsta er 40 fermetrar að
grunnfleti með bíslagi, en hin tvö
eru 32 fermetrar og án bíslags.
Svefnloft er í öllum smáhýsunum
og pláss fyrir fjóra til sex í hverju
húsi. „Það færi mjög vel um fjóra
í hverju húsi og hæglega hægt að
vera sex saman í hverjum bústað,
þannig að það er pláss fyrir 12
til 18 manns í senn,“ segja hjón-
in. Baðherbergi með sturtu er að
sjálfsögðu í öllum smáhýsunum,
sem og lítill eldhúskrókur. Þá er úr
setustofunni gegnt út á rúmgóð-
an sólpall. Aðspurð upplýsa þau að
húsin hafi kostað komin til lands-
ins rúmar 15 milljónir króna, með
ísettum gluggum og hurðum en án
gólfefna og innréttinga. „Við vild-
um kaupa falleg hús sem að passa
inn í bæjarmyndina hér á Odds-
stöðum. Við hefðum eflaust getað
keypt öðruvísi bústaði, ódýrari og
minni en þetta er ekki mikill pen-
ingur fyrir þessi hús,“ segir Sig-
urður Oddur.
Aðspurð kveðast þau ætla að
taka húsin í notkun næsta sumar,
að fengnu rekstrarleyfi. Miðað við
gang framkvæmda ætti ekkert að
koma í veg fyrir að þær áætlanir
standist. „Á næstu dögum verður
tengt heitt og kalt vatn inn í húsin.
Núna er leitt í þau affallið af heita
vatninu hjá okkur, til að hafa smá
hita á þeim. Síðan er eftir að setja
upp innréttingarnar, ganga frá að
innan og fylla upp að húsunum,“
segja þau. Ferðamenn og aðr-
ir hestaáhugamenn geta því nýtt
sér gistinguna frá næsta sumri,
en utan háannatíma ferðaþjónust-
unnar á Oddsstöðum verða húsin
leigð út eins og hefðbundnir sum-
arbústaðir. „Svo er nú útlit fyrir að
samgöngur hér um Lundarreykja-
dalinn batni verulega upp úr árinu
2020 með þeim vegabótum sem
fyrirhugaðar eru. Þá verður hægt
að keyra hér hringinn frá Þing-
völlum um Uxahryggi á malbik-
uðum vegi allan ársins hring. Ef
til vill kemur markhópurinn okkar
til með að breytast við það,“ segir
Sigurður Oddur.
Uppbygging til
framtíðar
Bærinn Oddsstaðir er innsti bær
norðan Grímsár í Lundarreykja-
dal og þaðan er hægt að fara ríð-
andi til allra átta um marga fallega
staði. Meðal vinsælustu ferðanna
sem hjónin hafa boðið hestaáhuga-
fólki upp á eru ferðir á Snæfellsnes,
þar sem riðið er um Löngufjörur.
„En stundum förum við eitthvað
allt annað, til dæmis vestur í Dali,
norður Arnarvatnsheiði og um
Kjöl. Einnig um Suðurland, með-
al annars alla leið í Arnarfell hið
mikla. Við erum mjög miðsvæð-
is hér í Lundarreykjadal og hægt
að fara héðan marga skemmtilega
hringi,“ segja hjónin.
Aðspurð upplýsa þau að nú þeg-
ar sé útlit fyrir að hestaferðir næsta
sumars verði vel sóttar. „Það eru all-
ar ferðir næsta sumars að fyllast og
búið að panta í nokkrar ferðir sum-
arið 2018,“ segir Sigurður Odd-
ur. „Og við sem höfðum talað um
að fara kannski að hægja á í löngu
hestaferðunum,“ segir Guðbjörg
og brosir. „En tilkoma smáhýsanna
er liður í að breyta og þróa þá starf-
semi sem við erum í hér, gera meira
út heiman frá,“ segir hún. „Og
byggja upp þannig að fólk geti búið
hér upp til dala í framtíðinni,“ segja
Sigurður Oddur og Guðbjörg að
lokum. kgk
Risin eru þrjú smáhýsi á
Oddsstöðum í Lundarreykjadal
Hjónin Guðbjörg Ólafsdóttir og Sigurður Oddur Ragnarsson á Oddsstöðum I í Lundarreykjadal.
Smáhýsin þrjú sem risin eru á Oddsstöðum geta hýst allt að 18 manns í gistingu. Ætla hjónin að taka þau í notkun næsta
sumar.