Skessuhorn - 08.03.2017, Blaðsíða 17

MIÐVIKUDAGUR 8. MARS 2017 17
samdrátt áður og framtíðin sé björt.
„Þegar ég tók við sem formaður var
félagið enn að minnka en sem bet-
ur fer er það farið að stækka á nýj-
an leik. Hér áður fyrr var iðkenda-
fjöldinn nokkuð stöðugur. Spilarar
voru í kringum 100 til 120 í lang-
an tíma en síðan tók að halla undan
fæti. Þegar fæst var voru ekki nema
milli 50 og 60 í félaginu en núna
eru þeir komnir yfir 80 aftur,“ seg-
ir Birgitta. „Þannig að þetta lítur
ágætlega út núna. Flestir iðkend-
urnir eru í yngri árgöngunum og
um það snýst uppbyggingin. Eldri
krakkarnir haldast hjá okkur út
framhaldsskólaaldurinn og það er
mjög gott. Ákveðinn kjarni spilara
er reglulega í landsliðsúrtakshópn-
um, tekur þátt í landsliðsverkefnum
og keppir á öllum stærstu mótum
landsins, bæði í unglinga- og full-
orðinsflokkunum,“ segir hún.
Einum árgangi hefur á hverju
ári verið boðið að æfa endurgjalds-
laust. Þetta árið er það 2007 ár-
gangurinn en á síðasta ári krakk-
ar fæddir 2006, en það var í fyrsta
sinn sem bryddað var upp á þessari
nýjung. Segir Birgitta að þetta hafi
gefið góða raun. „Þetta hefur geng-
ið vel en síðan höfum við reynt að
stilla félagsgjöldum í hóf. Á síðasta
ári gáfum við líka öllum nýjum iðk-
endum spaða og boli og reynum að
hvetja þá til að halda áfram,“ bætir
hún við.
Þegar Birgitta er beðin um að
líta til framtíðar þá vonast hún til
að uppbyggingarstarfið muni halda
áfram og að það skili sér í fleiri
félagsmönnum til frabúðar. „Ég
vona líka að það verði auðveldara að
fá þjálfara til að koma og þjálfa bad-
minton utan höfuðborgarsvæðisins
í framtíðinni. Ég vona að við getum
haldið áfram að byggja upp góðan
kjarna af góðum spilurum. Þá æfa
iðkendurnir lengur og krakkarn-
ir halda sig frekar í félaginu þegar
komið er fram yfir tvítugt. Ég sé
fyrir mér að þannig geti Badmin-
tonfélag Akraness komist aftur í
hóp með toppfélögum landsins og
geti státað af enn fleiri toppspilur-
um í bæði unglinga- og fullorðins-
flokkum,“ segir Birgitta.
Hannar vegi í vinnunni
Hér segjum við skilið við badmin-
tonumræðu og vindum okkar kvæði
í kross. Sem fyrr segir er Birgitta
tæknifræðingur hjá Vegagerðinni
í Borgarnesi og blaðamanni leikur
forvitni á að vita hvert viðfangsefni
hennar er í starfi. „Mitt starf felst
fyrst og fremst í því að hanna vegi.
Síðustu vegirnir sem ég hef komið
að hönnun eru til dæmis neðsti kafli
nýs Uxahryggjavegar, en útboði á
þeim kafla hefur verið frestað í bili,
Laxárdalsvegur og Súðavíkurhlíð,“
segir Birgitta. Aðspurð viðurkenn-
ir hún að það hafi vissulega ver-
ið svekkjandi þegar vegagerð um
Uxahryggi var frestað. „Vinnan er
svo sem ekkert til einskis. Hönnun
vegarins er lokið og teikningarnar
eru til uppi í skáp, þannig að vinn-
an mun nýtast þegar þar að kemur.
En jú, auðvitað er það pínu súrt að
sjá vinnu síðustu vikna og mánaða
enda bara uppi í skáp,“ segir Birg-
itta.
Snjóflóðaskápar,
skilti og eyjur
Þá fræðir hún blaðamann um að
hún hafi yfirumsjón með umferð-
aröryggismálum Vegagerðarinnar
á Vestursvæði. Helstu verkefni þar
segir hún vera að koma fyrir vegr-
iðum og laga fláa á vegum, til dæm-
is þar sem ræsi liggja undir veginn.
Birgitta segir að áður fyrr hafi ræs-
in aldrei verið mikið breiðari en
vegurinn og á síðustu árum hafi
víða verið unnið að því að ráða bót
í því máli. Best sé ef hægt er að
laga fláann en því er ekki að skipta
alls staðar og þá þarf að koma fyr-
ir vegriði. „Á síðasta ári tókum við
fyrir þjóðvegi sem liggja í gegnum
þéttbýli, eins og til dæmis í Búðar-
dal, með það fyrir augum að auka
umferðaröryggi. Það er fyrst og
fremst gert með því að koma fyr-
ir umferðareyjum og hraðaskiltum
sem eiga að halda umferðarhraða
niðri. Í Búðardal var einmitt kom-
ið fyrir slíkum umferðareyjum síð-
asta haust,“ segir Birgitta. „Þetta
eru svona helstu framkvæmdirnar
sem snúa að umferðaröryggi í þétt-
býli, en verkefnin geta verið allt frá
því að setja niður skilti sýna há-
markshraða og beygjuörvar til þess
að gera framhjáhlaup,“ bætir hún
við. „Það er að mörgu að huga þeg-
ar kemur að umferðaröryggi, ekki
síst þegar vegurinn liggur í gegn-
um þéttbýli. Hér áður var ekki
mikið spáð í umferðaröryggi. Nú
myndum við líklega aldrei leggja
þjóðveginn í gegnum bæi og þorp.
En það var öðruvísi áður fyrr. Þá
var bara lagður vegur beint í gegn.
Hvað varðar vegriðin þá eru þau
sagan endalausa. Það vantar vegr-
ið á margastaði á Vestursvæði til að
umferðaröryggi sé fullnægt. Þetta
er verkefni sem við erum stöðugt
að vinna að og þarf að forgangas-
raða í samræmi við umferðarmagn
og fleira,“ segir hún.
Af þeim verkefnum sem Birg-
itta vinnur að um þessar mundir
segir það stærsta vera Súðavíkur-
hlíð. „Núna erum við að vinna að
Vestfjarðavegi um Súðavíkurhlíð.
Þar á að koma fyrir svokölluðum
snjóflóðaskápum. Þá er grafið úr
hlíðinni, stálþil sett milli hlíðar og
vegarins og þessir „skápar“ taka
síðan við snjónum,“ segir Birgitta,
en snjóflóð eru tíð í Súðavíkurhlíð-
inni. „Það falla svo mörg snjóflóð
þarna að við erum að skoða það
núna hægt sé að færa veginn þann-
ig að rásin við hlið hans taki við
snjónum.“
Draumur að rætast
Að öðrum kosti segir hún að á
árinu 2017 verði meðal annars
breikkaður hringvegurin við gatna-
mótin við Dalsmynni í Borgarfirði.
„Það stendur til að breyta vegin-
um þannig að umferð í norður upp
á Holtavörðuheiði komist óhindr-
að framhjá bílum sem beygja upp á
Bröttubrekku. Það verður einfald-
lega gerð önnur akrein hægra meg-
in í stað útskotsins sem er nú. Veg-
urinn mun því skiptast í tvær ak-
reinar þegar nálgast gatnamótin.
Nýja akreinin heldur áfram upp á
heiðina en núverandi akrein verð-
ur beygjuakrein við gatnamótin ,“
segir Birgitta.
Spurð um ástæður þess að hún
hóf störf hjá Vegagerðinni kveðst
hún hafa sett stefnuna á þetta strax
á meðan tæknifræðináminu stóð.
„Ég fann það þegar var að læra að
ég hefði áhuga á þessu. Ég setti því
stefnuna á að fá vinnu hjá Vegagerð-
inni strax að námi loknum og fékk.
Ég hef ekki unnið neins staðar ann-
ars staðar síðan ég lauk náminu fyr-
ir þremur árum síðan,“ segir hún.
„Að fá þessa vinnu var eiginlega
bara draumur að verða að veruleika
og mér líkar mjög vel hérna. Ég hef
áhuga á því sem ég er að vinna við
og það er frábær starfsandi innan
Vegagerðarinnar í Borgarnesi, sem
skemmir ekki fyrir,“ segir Birgitta
Rán Ásgeirsdóttir að lokum.
kgk
Birgitta komin í vinnugallann í blíðskaparveðri.
WEST ICELAND
Travel
Ferðast um Vesturland 2017-2018
Fr
ee

Co
pyPublished by Skessuhorn - www.skessuhorn.is
Kynning á ferðablaðinu
Travel West Iceland 2017-2018
Útgáfuþjónusta Skessuhorns mun vorið 2017 gefa út
árlegt Ferðablað um Vesturland. Blaðið verður á ensku og
íslensku og ber nafnið Travel West Iceland 2017-2018.
Ljósmyndir og kort af einstökum svæðum og þéttbýlis-
stöðum á Vesturlandi prýða blaðið og auglýsendur
verða númeraðir inn á kortin. Lögð verður áhersla á að
auglýsendur noti alþjóðleg ferðaþjónustumerki í auglýs-
ingum.
Dreifing og form
Blaðið verður gefið út í 50.000 eintökum. Helstu dreif-
ingarstaðir nú verða á höfuðborgarsvæðinu, upplýsinga-
miðstöðvum um land allt, aðkomuleiðum ferðamanna í
landshlutann og síðast en ekki síst helstu áningar- og ferða-
mannastaðir á Vesturlandi sjálfu. Dreifing blaðsins verður
efld enn frekar frá síðustu árum með áherslu á allt árið
enda er ferðaþjónusta orðin heilsárs atvinnugrein. Lager af
blaðinu verður ætíð til dreifingar hjá Markaðsstofu Vestur-
lands í Borgarnesi. Loks verður blaðið í aðgengilegu formi á
www.skessuhorn.is þaðan sem ferðaþjónustuaðilar geta
hvenær sem er sótt það og sent viðskiptavinum sínum.
Blaðið verður litprentað í A5 broti og 120-160 blaðsíður.
Efnistök
Vesturland er „Land tækifæranna“ árið 2017-2018. Einstök
fyrirtæki og landshlutinn í heild hafa hlotið viðurkenningar
að undanförnu og nefna má að Vesturland var af ferða-
bókaútgefandanum Lonely Planet útnefnt annað áhuga-
verðasta svæði í heimi 2016 og í upphafi þessa árs eitt af
sautján áhugaverðustu svæðum í heimi af CNN-Travel.
Í blaðinu má m.a. lesa almennan kafla um Vesturland,
áhugaverðar héraðslýsingar fyrir Akranes, Hvalfjörð og
Kjós, Borgarfjörð, Snæfellsnes, Dali og Reykhóla á ensku
og íslensku auk ábendinga um markverða viðkomustaði,
náttúruundur og Vesturland að vetri. Loks verður við-
burðaskrá og sérstök þjónustuskrá fyrirtækja í ferðatengdri
starfsemi sem kynna sig og auglýsa í blaðinu.
Auglýsingasala og þjónustuskráning
Panta þarf auglýsingapláss og þjónustuskráningar tíman-
lega eða í síðasta lagi fyrir 10. mars 2017. Auglýsinga-
verð eru óbreytt frá árinu 2016. Um sölu auglýsinga og
skráningu þjónustuskrár sér Emilía Ottesen á netfanginu
auglysingar@skessuhorn.is og í síma 433-5500.
Auglýsendum standa til boða fjölbreyttir kostir:
Heilsíðuauglýsing: Stærð: 128x190 mm.
Verð kr. 231.000 en með vsk. kr. 286.440.
Hálfsíðuauglýsing: Stærð: 128x93 mm eða 61.8x190 mm.
Verð kr. 123.200 en með vsk. kr. 152.768.
1/4 síða: Stærð: 61.8x93 mm.
Verð kr. 66.000, en með vsk. kr. 81.840.
1/8 síða: Stærð: 61.8x45 mm.
Verð kr. 35.200, en með vsk. kr. 43.648.
Skráning í þjónustuskrá blaðsins kostar 18.000 kr. en
með vsk. kr. 22.320. Athugið að líkt og undanfarin ár verða
einungis skráðar upplýsingar í þjónustuskrá blaðsins um
þau fyrirtæki sem þess óska og greiða fyrir. Í skráningunni
kemur fram nafn fyrirtækis, heimili, sími, netfang og vef-
fang auk helstu þjónustuþátta. Þeir sem kaupa 1/4 auglýs-
ingu í blaðinu eða stærri, fá fría skráningu í þjónustuskrá
sem kaupauka. Hægt er að kaupa umfjallanir að hluta eða
öllu leyti í stað auglýsinga. Panta þarf slíkt tímanlega.
Við hlökkum til góðs samstarfs sem fyrr við ferðaþjónustu-
fyrirtæki og aðra samstarfsaðila á Vesturlandi.
Starfsfólk Skessuhorns
1/1
1/2 1/4
1/8