Skessuhorn - 10.05.2017, Blaðsíða 4

MIÐVIKUDAGUR 10. MAÍ 20174
Kirkjubraut 54-56 - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skráningarfrestur smá-
auglýsinga er til 12.00 á þriðjudögum.
Blaðið er gefið út í 3.700 eintökum og selt til áskrifenda og í lausasölu.
Áskriftarverð er 2.835 krónur með vsk. á mánuði. Elli- og örorkulífeyrisþegar greiða
kr. 2.457. Rafræn áskrift kostar 2.226 kr. Rafræn áskrift til elli- og örorkulífeyrisþega er 2.058 kr.
Áskrifendur blaðs fá 50% afslátt af verði rafrænnar áskriftar. Verð í lausasölu er 750 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Guðný Ruth Þorfinnsdóttir gudny@skessuhorn.is
Kristján Gauti Karlsson kgauti@skessuhorn.is
Heiðar Lind Hansson hlh@skessuhorn.is
Auglýsingar og dreifing:
Emilía Ottesen emilia@skessuhorn.is
Lísbet Sigurðardóttir lisbet@skessuhorn.is
Umbrot og hönnun:
Tinna Ósk Grímarsdóttir tinna@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Fjarlægðarvernd
Hugtakið fjarlægðarvernd er þekkt úr gömlum fræðum þar sem segir að
ákveðin vegalengd í tíma eða lengd geti leitt til fjarlægðarverndar, sem
menn hafa stundum nýtt sér full ítarlega. Slíkt getur nefnilega auðveld-
lega dregið úr samkeppnisaðhaldi. Þannig má til sanns vegar færa að þeg-
ar Hvalfjarðargöng voru opnuð fyrir tæpum tveimur áratugum hafi kaup-
menn á Akranesi séð á eftir ákveðinni „vernd“ sem þeir töldu sig hafa
vegna fjarlægðar frá stóra markaðinum. Finnst ég hafa heyrt að verslun-
um á Akranesi hafi fækkað um fjóra tugi á árunum eftir göng. Hins vegar
var hópur kaupmanna sem leit á þetta afnám fjarlægðarverndar sem tæki-
færi. Fyrst það tæki innan við klukkustund að aka til Reykjavíkur, tæki
það Reykvíkinga jafn langan tíma að komast á Skagann. Þessi hópur kaus
að líta á bættar samgöngur sem tækifæri, blés til sóknar og uppskar eft-
ir því. Þeir sögðu eitthvað í þeim dúr; ef við ætlum að lifa af þurfum við
einfaldlega að standa okkur að minnsta kosti jafn vel og samkeppnisað-
ilar okkar í Reykjavík. Þetta dugmikla fólk uppskar og nokkrar verslanir
hafa lifað góðu lífi síðan. En nú bregður svo við að kaupmenn í Reykjavík,
og hvar sem er á landinu, standa frammi fyrir nákvæmlega sama „vanda-
málinu“ og kollegar þeirra á Akranesi 11. júlí 1998. Nú er verslun orðin
alþjóðleg með tilstuðlan netviðskipta, daglegra millilandaflutninga, auk-
innar tungumálahæfni fólks og ferðalögum. Sport nútímans er að panta
eitthvað á netinu og láta sem kaupmaðurinn á horninu sé ekki til. Það er
ekki gæfuspor, í það minnsta ekki til lengri tíma litið.
Eina svarið sem íslenskir kaupmenn hafa þegar aðstæður breytast með
þessum hætti, er að beita sömu rökum og kaupmennirnir á Skaganum.
Þeir þurfa að standa sig jafn vel eða betur en þeir kaupmenn úti í hinum
stóra heimi sem falbjóða varning á netinu. En reyndar eru ýmsar hindr-
anir sem geta orðið á þeim vegi. Laun í verslun hér á landi þurfa t.d. að
vera samkeppnishæf, húsnæðiskostnaður hóflegur, skattaumhverfi rétt-
látt, flutningakosnaður sanngjarn og svo framvegis. Til dæmis er launa-
kostnaður hér á landi augljós hindrun þegar kemur að alþjóðlegri sam-
keppni. Laun í verslun, þótt þau séu ekki há á íslenskan mælikvarða, eru
miklu hærri en víða þar sem varan er afgreidd í pakka eða poka og send út
á flugvöll. Við Íslendingar búum einfaldlega við þá staðreynd að til þess
að launafólk hér geti lifað þarf það að greiða okurvexti af húsnæðislánum,
hátt matarverð og sitthvað fleira. Alveg á sama hátt er íslensk fiskvinnsla
ekki lengur í góðri stöðu gagnvart launum ytra, þangað sem hráefnið héð-
an er flutt út lítið unnið. Jafnvel fer fiskurinn aldrei á land, heldur er unn-
inn úti á sjó og á hafnarbakkanum fluttur beint í gám til útflutnings. Ég
heyrði nýlega að um þrjú þúsund manns ynnu úti í Bretlandi við að full-
vinna íslenskan fisk. Þá búa t.d. íslenskir garðyrkjumenn ekki við nokkra
fjarlægðarvernd vegna hinna tíðu millilandaflutninga. Þeir brugðust við
með vöruþróun, eftirliti og áherslunni á ferskleika til að skáka innfluttri
vöru að gæðum.
Segja má að fjarlægðarvernd líkt og fákeppni á markaði séu falsvonir
sem vissara er að bregðast við í tíma ef ekki á illa að fara. Aldrei mega
menn sofna á verðinum og ímynda sér að markaðurinn leiti ekki uppi
sóknarfærin. Í mörgum tilfellum eru það hins vegar neytendur sjálfir sem
hafa val um hvort þetta eða hitt lifir af tímabundna samkeppni. Ef ég
til dæmis kýs að kaupa innlent grænmeti jafnvel þótt það kosti 10-20%
meira en það innflutta, þá er það mitt val. Ég kýs að kaupa málningu,
gallabuxur eða blóm af verslunum í heimabyggð til að halda þeim frekar
gangandi. Allavega styð ég þær verslanir sem veita mér góða þjónustu
og kaupmenn sem ekki hafa sofnað á verðinum í skjóli fákeppni eða fjar-
lægðarverndar.
Magnús Magnússon.
Leiðari
Aðalfundur GrundaPol var hald-
inn í Sögumiðstöðinni í Grund-
arfirði 2. maí síðastliðinn. Félagið
var stofnað árið 2012 og er til-
gangur þess að styðja við vinabæj-
artengsl á milli Paimpol í Frakk-
landi og Grundarfjarðar. Fundur-
inn var með nokkuð hefðbundnu
sniði en farið var yfir skýrslu
stjórnar og reikninga eins og lög
gera ráð fyrir. Samhljómur var um
að efla starfsemi félagsins en sams-
konar félag er starfrækt í vinabæn-
um Paimpol í Frakklandi. Stefnt er
á að heimsækja Paimpol í sumar og
var mikill áhugi á því. Ný aðal- og
varastjórn var skipuð á fundinum
og því bjart framundan í eflingu
tengsla á milli Grundarfjarðar og
Paimpol.
tfk
Aðalfundur
GrundaPol
Ný aðal- og varastjórn GrundaPol, frá vinstri: Hinrik Konráðsson, Herdís Björns-
dóttir, Helena María Jónsdóttir Stolzenwald, Eygló Bára Jónsdóttir, Elín Ottós-
dóttir og Björg Ágústsdóttir.
Björg Ágústsdóttir fer yfir sögu félagsins.
Jeratún ehf. er einkahlutafélag í
eigu Grundarfjarðarbæjar, Helga-
fellssveitar, Snæfellsbæjar og Stykk-
ishólmsbæjar, en félagið á og rek-
ur húsnæði Fjölbrautaskóla Snæ-
fellinga. Þriðjudaginn 9. maí komu
fulltrúar félagsins í heimsókn í skól-
ann. Þegar Fjölbrautaskóli Snæfell-
inga var tíu ára árið 2014 færði fé-
lagið skólanum eina milljón króna
að gjöf. Nú hefur sá peningur verið
notaður til að kaupa nýtt hljóðkerfi
og nýja stóla á hjólum fyrir nem-
endur. Þessar gjafir voru afhentar
formlega af fulltrúum félagsins. Þær
munu efalaust nýtast skólanum og
nemendum vel. Á myndinni eru þau
Hinrik Konráðsson, Kristinn Jónas-
son, Sólrún Guðjónsdóttir aðstoð-
arskólameistari, Hrafnhildur Hall-
varðsdóttir skólameistari og Sturla
Böðvarsson. tfk
Jeratún gefur gjafir
Dagana 15., 16. og 17. maí verða
þrennir jazztónleikar haldnir á
Akranesi. Það er listafélagið Kal-
man sem hefur umsjón með dag-
skránni. Mánudagskvöldið 15. maí
heldur Sönghópurinn við Tjörn-
ina tónleika í Vinaminni ásamt jazz-
sveit Fríkirkjunnar. Sálmahugtak-
ið verður skoðað í víðu samhengi
og flutt verða lög í djassútsetning-
um eftir Gunnar Gunnarsson, Sig-
urð Flosason, Tómas R. Einars-
son, John Höybye og Lars Jans-
son. Flytjendur auk Sönghópsins
eru Gunnar Gunnarsson píanóleik-
ari, Örn Ýmir Arason, kontrabassi,
Aron Steinn Ásbjarnarson, saxó-
fónn og Gísli Páll Karlsson, slag-
verk.
Þriðjudaginn 16. maí er síðan
komið að heimamanninum Þorleifi
Gauki munnhörpuleikara. Hann
er mættur á land eftir nám í Berk-
lee College of Music. Í þetta skiptið
tekur hann með sér Ethan Jodzie-
wicz, einn fremsta Roots-bassaleik-
ara heims. Þeir félagar hafa verið
að kanna tengsl old-time/bluegrass
tónlistar og jazz og munu leiða tón-
leikagesti í allan sannleikann um þá
útkomu á Gamla Kaupfélaginu.
Síðustu tónleikarnir verða síðan
miðvikudaginn 17. maí en þá mun
píanótríó Agnars Más Magnússon-
ar koma fram. Á tónleikunum mun
tríóið leika efni af nýútkomnum
geisladiski og þjóðlög í bland. Á
síðasta ári gaf Agnar frá sér geisla-
diskinn Svif og er tónlistin öll frum-
samin. Meðleikarar Agnars verða
Scott McLemore trommuleikari og
Valdimar Kolbeinn Sigurjónsson
bassaleikari sem einnig voru Agnari
innan handar við gerð plötunnar.
Það er mikil gróska í íslenskum
jazzheimi og gaman að geta feng-
ið þessa frábæru listamenn hingað
á Akranes. Allir tónleikarnir hefj-
ast kl. 20.30 og eru um klukku-
stundar langir. Miðaverð á tón-
leikana er kr. 2.500 en styrktaraðilar
Kalmans, Kalmansvinir, greiða kr.
1.500. Hægt er að kaupa miða í for-
sölu og tryggja sér þá einnig 20%
afslátt af mat á Gamla Kaupfélag-
inu fyrir hverja tónleika gegn fram-
vísun miða. Hægt er að panta miða
í forsölu með því að hringja í síma
865-8974 eða senda póst á netfang-
ið kalmanlistafelag@gmail.com.
-fréttatilkynning
Jazzdagar framundan á Akranesi
Sönghópurinn við Tjörnina.
Þorleifur Gaukur og Ethan Jodziewich.
Agnar Már Magnússon.