Skessuhorn - 10.05.2017, Blaðsíða 30

MIÐVIKUDAGUR 10. MAÍ 201730
Fimmtudaginn 4. maí héldu sex
sundmenn frá Sundfélagi Akra-
ness til Noregs þar sem þeir tóku
þátt í sterku sundmóti í Bergen. Á
mótinu syntu 624 keppendur frá
ellefu löndum. Margir heimsklassa
sundmenn tóku þátt og má þar
nefna heimsmethafana Sarah Sjöst-
rom og Katinku Hosszu, Íslending-
arnir okkar þau Hrafnhildur Lúth-
ersdóttir, Aron Örn Stefánsson og
Eygló Ósk Gústafsdóttir, hollenska
landsliðið ásamt fullt af öðrum
sterkum liðum.
Ágúst Júlíusson átti mjög gott úr-
slitasund í 100 m flugsundi þar sem
hann bætti Akranesmetið um 0,47
sek., en það met setti hann á IM nú
í apríl. Hann synti nú á tímanum
55:49. Ágúst er á leið á Smáþjóða-
leikana í júní og er hann greinilega
vel undirbúinn og í góðu formi fyr-
ir það verkefni.
Krakkarnir sem fóru til Noregs
frá SA voru þau Ágúst Júlíusson,
Una Lára Lárusdóttir, Brynhildur
Traustadóttir, Ásgerður Jing Lauf-
eyjardóttir, Erlend Magnússon og
Sindri Andreas Bjarnason. Þjálfari
er Kjell Wormdal og farastjóri var
Jill Syrstad.
Þetta er fyrsta stóra mótið á er-
lendum vettvangi hjá flestum af
þessum krökkum og stóðu þau sig
mjög vel. Bættu þau sig alls 20 sinn-
um af 32 stungum sem er athyglis-
verður árangur.
mm/hhf
Nýtt Akranesmet hjá Ágústi
á sterku móti í Bergen
Hópurinn frá Akranesi. Ljósm. SA.
Íþróttnefnd Félags eldri borgara
á Akranesi stóð í síðustu viku fyr-
ir sveitakeppni í boccia. Að sögn
Þorvaldar Valgarðssonar, for-
manns íþróttanefndar, er líflegt
starf í kringum boccia íþróttina
í félaginu, þótt vissulega megi
alltaf bæta við í hópinn fleiri
„yngri“ eldri borgurum. Verð-
launaafhending og uppskeruhá-
tíð púttmóta vetrarins fer síðan
fram þriðjudaginn 16. maí þegar
boccia tímabilið verður gert upp
áður en næstu verkefni taka við.
Þorvaldur segir að iðkendafjöldi í
boccia vetur hafi verið um fjörtíu
og æft þrisvar í viku. Oft séu þetta
um 30 sem mæta á hverja æfingu,
flestir koma á þriðjudögum þegar
einnig er kaffi og meðlæti í boði.
Sumarpúttið tekur við
Sumarpúttið á vegum íþrótta-
nefndar FEBAN hefst síðan á
Garðavelli fimmtudaginn 18. maí
næstkomandi. „Æfingar í púttinu
verða á mánudögum og fimmtu-
dögum í sumar og standa yfir frá
klukkan 13 til 15. Þetta er holl
og góð hreyfing og góður félags-
skapur og ég hvet fólk til að mæta.
Við gerum samning við rekstrar-
aðila kaffihússins á Garðavelli og
þar getur púttfólk keypt kaffi og
meðlæti gegn vægu gjaldi,“ segir
Þorvaldur.
mm
Sigruðu á innanfélagsmóti
FEBAN í boccia
Eiríkur Hervarsson, Silvía Georgsdóttir og Edda Elíasdóttir skipuðu sigursveitina í
boccia. Ljósm. ki.
Boltanum kastað. Ljósm. Baldur.
Valdís Þóra Jónsdóttir, atvinnu-
kylfingur úr GL, lauk á laugardag-
inn leik í 5. sæti á VP Bank La-
dies mótinu sem fór fram á LET
Access mótaröðinni í Sviss. Mótið
er hluti af næst sterkustu mótaröð
Evrópu en þetta er annað mót Val-
dísar á þeirri mótaröð á tímabilinu.
Þetta er hennar besti árangur hing-
að til en hún hefur leikið vel á þessu
tímabili, bæði á Evrópumótaröð-
inni og LET Access.
Valdís Þóra lék lokahringinn á
þremur höggum yfir pari og end-
aði samtals á pari í mótinu. Á loka-
hringnum fékk hún þrjá fugla, fjóra
skolla og einn tvöfaldan skolla.
mm/ Ljósm. kylfingur.vf.is
Glæsilegur árangur Valdísar Þóru í Sviss
Lið Snæfellsness í 4. flokki karla
tryggði sér á dögunum sigur í Faxa-
flóamótinu í knattspyrnu. Snæfells-
nes keppti í C deild B liða og með
öruggum sigri á ÍA-2 í lokaleiknum.
Snæfellsnes sigraði átta af níu leikj-
um sínum með markatöluna 48-8.
Fyrir vikið hlaut liðið 25 stig, einu
stigi meira en Breiðablik-2 sem
hafnaði í öðru sæti og tryggði sér
þar með sigurinn í riðlinum, þrátt
fyrir að hafa leikið einum leik færra
en Blikar. Lið ÍA-2 hafnaði í 6. sæti
sama riðils með sex stig.
Skallagrímur sendi lið til keppni
í B deild B liða og hafnaði í 5. sæti
með sjö stig en lið ÍA sem keppti í
A deild B liða lauk leik í 5. sæti með
16 stig. Loks sendi ÍA lið til keppni
í A deild A liða og varð í 2. sæti með
24 stig. kgk
Snæfellsnes sigraði í Faxaflóamótinu
Lið Snæfellsness sem sigraði sinn riðil í Faxaflóamótinu. Ljósm. Þórey Úlfarsdóttir.
Árlegt héraðsmót HSH í frjáls-
um íþróttum innanhúss fór fram
í íþróttahúsinu í Stykkishólmi,
sunnudaginn 7. maí sl. Það var
frjálsíþróttaráð HSH sem stóð
að undirbúningi og framkvæmd
mótsins. Um 54 keppendur voru
mættir til leiks af Snæfellsnes-
inu öllu. Átta ára og yngri kepptu
í langstökki með og án atrennu
og 35 m hlaupi, 9-10 ára þátttak-
endur kepptu í sömu greinum að
viðbættu hástökki. Ellefu ára og
eldri kepptu í hástökki, langstökki
með og án atrennu, 35 m hlaupi
og kúluvarpi, skipt í aldursflokka.
Krakkarnir stóðu sig með prýði á
mótinu og mótshaldið gekk vel.
Allir fengu í lokin þátttökuverð-
laun frá HSH, vatnsbrúsa með
merki HSH, sem hún Hrafnhildur
Jóna í Krums - handverk og hönn-
un - Grundarfirði útbjó.
HSH vill þakka þeim sem skipu-
lögðu og sáu um mótshald og
ekki síst öllum þátttakendum fyrir
komuna og aðstandendum þeirra
fyrir aðstoð á mótinu.
bá
Héldu héraðsmót HSH í frjálsum íþróttum