Skessuhorn - 08.11.2017, Blaðsíða 14

MIÐVIKUDAGUR 8. NÓVEMBER 201714
Síðastliðinn fimmtudag var efnt
til pokahlaups í verslunarmið-
stöðinni Hyrnutorgi í Borgarnesi.
Um táknrænan viðburð var að
ræða sem markaði um leið form-
legt upphaf umhverfisátaks á veg-
um sveitarstjórnar Borgarbyggðar.
Yfirskrift átaksins er „Egla tekur
til hendinni.“ Fyrsti liðurinn í um-
hverfisátakinu, og þar með fyrsta
verk Eglu, er að minnka notkun
á burðarplastpokum í sveitarfé-
laginu. Til að undirbúa þetta hafa
forsvarsmenn átaksins, þær Björk
Jóhannsdóttir kennari og vara-
fulltrúi í sveitarstjórn, og Hrafn-
hildur Tryggvadóttir, náttúru-
fræðingur og verkefnastjóri á Um-
hverfis- og skipulagssviði Borgar-
byggðar, heimsótt flest fyrirtæki
í sveitarfélaginu síðustu mánuði.
Þær segja að tilgangur heimsókn-
anna hafi verið að kanna hug for-
svarsmanna fyrirtækjanna til um-
hverfisátaksins og leita eftir hug-
myndum og samstarfi. Þær stöllur
hafa varið tveimur tímum á hverj-
um miðvikudagsmorgni í þetta
verkefni frá því í byrjun ágústmán-
aðar.
Öldupokarnir
Í pokahlaupinu á fimmtudaginn
voru svonefndir Öldupokar form-
lega teknir í notkun, en það eru
margnota innkaupapokar sem
starfsfólk Öldunnar í Brákarey
hefur saumað úr textílafgöngum.
Pokarnir eru sérstaklega merktir
sem „poki að láni“ og hugmynd-
in sú að þeir sem gleyma margnota
pokunum sínum heima fái lánað-
an Öldupoka í búðinni, sem þeir
svo skila í næstu verslunarferð.
Þetta fyrirkomulag er þekkt víða
um heim sem „Boomerang-pok-
ar“. Nafngift Öldupokanna teng-
ist annars vegar nafni vinnustað-
arins þar sem þeir eru saumaðir
og er hins vegar tilvísun í haföld-
una sem skilar í land því sem flýt-
ur á sjónum. Ef allt gengur að ósk-
um ætti Öldupokarnir að skila sér í
búðirnar nokkurn veginn jafnhratt
og þeir hverfa þaðan.
Öldupokarnir verða fyrst um
sinn staðsettir við verslanir Bón-
us og Nettó í Borgarnesi. Aldan
mun halda utan um verkefnið og
bæta við pokum eftir þörfum, þar
til jafnvægi hefur náðst. Að sögn
Bjarkar hófst samstarfið við Öld-
una snemma á undirbúningstíma
umhverfisátaksins, en Aldan er
vinnustaður í Brákarey í Borgar-
nesi fyrir fólk með skerta starfs-
getu. Verkefnið hefur þannig bæði
stuðlað að félagslegum og um-
hverfislegum framförum í sveitar-
félaginu.
Fjölbreytt dagskrá
Fjölmennt var á pokahlaupinu
á fimmtudaginn. Viðburðurinn
hófst með kynningarávarpi Bjarkar
Jóhannsdóttur, þar sem hún sagði
m.a. frá einkennismerki átaksins,
sem Heiður Hörn Hjartardótt-
ir hannaði. Síðan fluttu ávörp þau
Björn Bjarki Þorsteinsson, forseti
sveitarstjórnar, og Kristín Linda
Árnadóttir, forstjóri Umhverfis-
stofnunar. Stefán Gíslason, um-
hverfisstjórnunarfræðingur, fór
síðan í stuttu máli yfir mikilvægi
þess að umgangast plast með var-
úð. Einnig var flutt atriði úr söng-
leiknum Móglí sem nú er verið
að æfa, Gunna Dan hjálpaði fólki
að teigja á sér og boðið var upp á
kynningu á starfsemi og vörum Ís-
lenska Gámafélagsins, Umhverf-
isráðgjafar Íslands og Öldunnar.
Dagskránni lauk svo með því að
starfsfólk Öldunnar fyllti þar til
gerðan kassa við innganginn að
Nettó af Öldupokum til láns.
Loks er bent á facebook síð-
una „Egla tekur til hendinni“. Þar
verða fréttir af gangi mála í héraði
auk fræðslu um eitt og annað um-
hverfistengt, en þó mest um plast-
ið.
mm/bj
Egla tekur til hendinni í Borgarbyggð
Átaksverkefninu plastpokalausri Borgarbyggð
hrundið af stað með pokahlaupi
Merkið „Egla tekur til hendinni,“ er
hannað af Heiði Hörn Hjartardóttur.
Hrafnhildur Tryggvadóttir og Björk Jóhannsdóttir hafa undirbúið verkefnið á liðnum mánuðum. Hér eru þær ásamt Signýju
Óskarsdóttir sem gerði umhverfisverk af þessu tilefni. Þarna er á táknrænan hátt pakkað í plast ýmsum gróðri úr náttúrunni.
Dagskránni í Hyrnutorgi síðastliðinn fimmtudag lauk með pokahlaupi, sem var
táknrænt til vitnis um að átakið plastpokalaus Borgarbyggð er hafið. Starfsmenn
Öldunnar settu þá í stóran dall fjölnota burðarpoka sem íbúar mega fá að láni og
skila svo að nýju í næstu verslunarferð.
Í þessum plastkassa eru 13 kíló af
plastumbúðum, sem talið er að meðal
heimili noti á einum mánuði.
Starfsfólk í Öldunni kynnti og seldi varning sem framleiddur er í Brákarey. Öldu-
pokarnir voru jafnframt kynntir til leiks.
Ungmenni sýndu brot úr söngleiknum Móglí.
Umhverfisgjörningur Signýjar Óskarsdóttur í anddyri Hyrnutorgs. Mjög fallegt
verk miðað við alvarleika málsins.
Á veggjum í Hyrnutorgi má sjá listaverk eftir 3-5 ára börn í leikskólanum Klet-
taborg, en verkin eru unnin úr plastafgöngum.