Hlynur - 15.12.1957, Síða 3

ÚRSLIT í RITGERÐASAMKEPPNI
KAUPFÉLAGS ÞINGEYINGA:
— í dag stígur þú Glókollur
fyrstu sporin -
Á héiðinni voru vörður.
Undanfarin dægur hafði geysað krapa-
hríð. Heiðin var hulin í fannbreða, svo
að hvergi sá dckkan díl. Og vörðurnar
voru klæddar í klakahjúp, samlitan um-
hverfinu.
Göngubúinn maður lagði til heiðar-
innar. Veðrið var bjart, heiður himinn,
útsýn fögur til allra átta — kaldur
tíguleiki yfir vetrarauðninni. Færðin
þung og lýjandi, skelin brotnaði í hverju
spori. Ferðamaðurinn varð göngumóður.
-----------------------------------^
Eins og yfirskrift þessarar síðu
ber með sér, þá birtist nú loksins
úrslit ritgerðarsamkeppni þeirrar, er
Kaupfélag Þingeyinga efndi til hér
í blaðinu vegna 75 ára afmælis síns.
Blaðinu bárust þó nokkrar ritgerðir
og var dómnefndin sammála um að
veita ritgerð Sigurjóns Jónssonar,
fulltrúa hjá Kaupfélagi Austur-
Skaftfellinga, Höfn í Hornafirði,
fyrstu verðlaun. Verðlaunin eru
vikudvöl í Þingeyjarsýslu fyrir tvo
í boði kaupfélagsins.
Sigurjón Jónsson er fæddur að
Borg í Hornafirði 3.9. 1911. Hann
ólst upp að Víðinesi í Berufirði.
Stundaði nám á Laugum 1931—’32.
Hóf störf hjá Kf. A.-Skaftfellinga
1935 og hefir unnið þar síðan, en
mun flytjast til Reykjavíkur eftir
nýár. Hann hefir fengist mikið við
smásagnagerð og munu um 40—50
hafa birzt eftir hann í blöðum og
tímaritum undir nafninu Sigurjón
frá Þorgeirsstöðum.
Hlynur þakkar honum fyrir þessa
snjöllu ritgerð og óskar honum til
hamingju með unnin sigur.
Sigurjón frá Þorgeirsstöðum
HLYNUR 3