Hlynur - 15.12.1962, Síða 25

Allt veltur á
kaupfélaginu
— Hvað er stykkið af þessu hérna?
■— Við skulum sjá þetta er á 72
krónur allur kassinn, með 12 stykkj-
um í.
— Já, það er bezt að fá þrjá kassa
sinn með hvorum litnum, rautt, gult
og grænt.
-— Hérna er líka blátt viltu ekki fá
það líka?
— Jú, láttu það fljóta með.
Þetta er hluti af samtali sem þeir
áttu Pétur Esrason sölumaður í Bús-
áhaldadeild og Jónas Jónsson deild-
arstjóri hjá Kaupfélagi Steingríms-
fjarðar á Hólmavík. Jónas ræddi litla
stund við HLYN er hann hafði lokið
jólainnkaupunum, og fer viðtalið hér
á eftir.
— Svo við byrjum á byrjuninni
Jónas, hvar ertu fæddur og hvenær?
■— Ég er fæddur að Stóra-Fjarðar-
horni í Strandasýslu 11. apríl 1937.
— Ert þú búinn að vera lengi hjá
Kaupfélaginu á Hólmavík?
— Nei, ekki get ég nú sagt það.
Um þessar mundir er rúmt ár síð-
an ég hóf störf þar. Vann áður m
a. hjá Kjöt og Grænmeti.
— Þú er deildarstjóri, á Hólma-
vík er það ekkip
— Jú, ég er deildarstjóri í verzlun-
inni og sé einnig um öll innkaup.
— Ferðu þá hingað suður í inn-
kaupaferðir eða hvað?
— Ég hef nú lítið gert af því, nema
núna, því mestöll innkaup fara fram
í gegnum síma, og svo eru líka sölu-
Jónas Jónsson að gera jólainnkaup-
!n hjá Pétri Ezrasyni sölumanni í
Búsáhaldadeild SIS.
menn á ferðinni allt sumarið og þá
er hægt að kaupa inn fram í tímann.
— Hvernig er þá með samgöngur
til að koma vörunum norður?
— í sumar var kaupfélagið sjálft
með bíl sem flutti vörurnar til okk-
ar einu sinni í viku að sunnan. En
aftur á móti á vetrum eru ferðir
Skjaldbreiðar það eina sem hægt er
að treysta á fullkomlega.
— Hvernig er búðaraðstaða hjá
ykkur?
— Það er nýbúið að stækka búð-
ina, sem er diskbúð með gamla lag-
inu, en það dugar ekki til. Við erum
þrjú sem vinnum þarna að stað-
aldri, tveir karlmenn og ein stúlka.
— Svo er að koma vörunum út í
sveitirnar, hvernig gengur það?
— Við höfum enga mjólkurbíla,
ennþá að minnsta kosti, og verðum
því að nota hverja ferð sem til fellur
til að koma vörunum. Það hefur
verið talað um að setja á stofn
mjólkurbú á Hólmavík og ef af því
verður þá batnar öll okkar aðstaða
með vörusendingar stórlega.
— Hvernig hafa nú jólainnkaup-
in gengið?
— Mér finnst þau hafa gengið vel.
Framhald á bls. 28
HLYNUR 25