Litli Bergþór - jul. 2018, Side 5

Litli-Bergþór 5
Reiðhöllin á Flúðum hefur sannað sig á
undanförnum árum sem mikilvægur hlekkur í
starfi félaga í hestamannafélögunum og er vel
nýtt yfir vetrarmánuðina.
Föstudaginn 30. júní var svo kvennareiðtúrinn
með Traustakonum. Að þessu sinni héldu
Traustakonur reiðtúrinn og hittust konurnar við
hestagirðinguna á Laugarvatnsvöllum og endaði
reiðtúrinn á Snorrastöðum. Það er gaman að sjá
að konunum fjölgar stöðugt sem mæta í þennan
reiðtúr.

Um verslunarmannahelgina var haldinn út-
reiðartúr þar sem félagsmenn ásamt fleirum
fjölmenntu. Þetta var þriggja tíma reiðtúr sem
byrjaði í Hrísholti. Riðið var upp með Tungufljóti
að austanverðu, að Kjarnholtum og svo var endað
í Einiholti þar sem borðað var og sungið.
Æskulýðsnefnd hélt uppskeruhátíð 19. október
í Bláskógaskóla. Veittar voru viðurkenningar
spilað bingó, borðað og haft gaman.
Haustfundur Loga var haldinn 16. nóvember
á kaffi Mika. Þar var vetrarstarfið kynnt og
Magnús Einarsson í Kjarnholtum tók á móti verð-
launum fyrir hæst dæmda kynbótahross í eigu
félagsmanns.
Freydís Örlygsdóttir.
Ketilbjörn ehf.
Vinnuvélaverktaki
Syðri – Reykjum
Grímur Þór - Sími 892 3444
Magnús Einarsson í Kjarnholtum með verðlaunin.
Hildur María Jóhannesdóttir á Brekku vann til veðlauna í barnaflokki
24. feb 2018