Litli Bergþór - jul. 2018, Síða 33

Litli-Bergþór 33
gátum skólastarfs, eða töfralausn á menntun
barnanna. Þvert á móti erum við sammála um
að við þurfum að ala þau upp í ábyrgri notkun
tækjanna og tökum þann pól að betra sé að spila
með þróuninni á sviðinu, en að þverskallast við
og reisa burst við breytingum. En fjölbreyttar
kennsluaðferðir og vítt svið viðfangsefna eru
líka á markmiðalistanum, sem og heilsuefling og
aukning í skapandi greinum og listum. Við ætlum
aldeilis ekki að festast með augun á skjánum, en
menntunin skal hverfast um framtíð barnanna, en
ekki fortíð fullorðna fólksins.
Upplýsingatækniteymi fimm kennara af öllum
stigum settum við á laggirnar strax í haust.
Hlutverk þess er að fara með málaflokkinn;
taka stefnu og gera áætlanir og koma þeim í
framkvæmd í samstarfi við stjórnendur. En
Bláskógaskóli í Reykholti á hvorki, né mun snúast
einvörðungu um snjalltækni. Við stefnum á aukið
náttúrunám, útinám, umhverfisvernd og flokkun
á sorpi, jafnframt heilsueflingu, vellíðan og
heilbrigði. Ætlunin er að reisa í vor útinámsstofu
við skólann og við viljum endilega fá samfélagið
í lið með okkur í þeirri vinnu, foreldra, afa og
ömmur, frændur og frænkur og fleiri þær hendur
sem vinna létt verk og myndu vilja ljá verkefninu
lið. Við stefnum að því að flagga Grænfánanum
í vor, en það verður kynnt nánar er nær dregur.
Við höfum hugmyndir um að fá Gamla skólann
til afnota t.d. fyrir handverks-, vísinda- og/eða
listastofur standist hann þær kröfur sem gerðar
eru til skólahúsnæðis.
Það er greinilegt af framansögðu að
hugmyndirnar skortir ekki og jafnljóst að tíminn
einn sker úr um árangurinn, sem af starfinu hlýst.
Þar berum við öll samfélagslega ábyrgð. Gangi
okkur vel.
Hreinn Þorkelsson,
skólastjóri Bláskógaskóla Reykholti.
Myndmenntatími hjá
Arite Fricke.
Magnús Hafsteinsson og Matthías
Ármann, þátttakendur í Stóru
upplestrarkeppninni 2018.
Kötturinn sleginn úr tunnunni á öskudag.
Öskudagsfjör. F.v.: Kjartan Helgason,
Baltasar Breki Matthíasson, Fjölnir Þór
Morthens og Bjarni Haraldsson.
8. bekkur í matsalnum. F.v.: Sólrún Tinna
Sæland, Skírnir Eiríksson, Iðunn Helgadóttir,
Sigríður Mjöll Sigurðardóttir, Lísa Katrín,
Þórhildur Júlía E. Sæmundsen og Snæfríður
Rós Sigurðardóttir.
Frá þorrablótinu. Næst stendur Mariana
Geirsdóttir, þá Fróði Larsen Bentsson,
Amelía Dröfn Hákonsdóttir, Benjamín Óli
Andrésson, Tristan Máni Morthens o.fl.