Litli Bergþór - Jul 2018, Page 40

40 Litli-Bergþór
sem án efa verður gaman að fara með í heita
pottinn á Laugarvatni og ræða landsins gagn og
nauðsynjar.
Vorferðin þetta árið er til Reykjavíkur, þar sem
tekið verður hús á nokkrum Tungnamönnum í
fyrirtækjarekstri á höfuðborgarsvæðinu. Í maí
tökum við svo vegahreinsunina, „plokkið“meðfram
öllum aðalvegum sveitarfélagsins með styrk frá
Vegagerðinni. Við skiptum liði eitt síðdegi, gerum
áhlaup á verkefnið og hittumst svo um kvöldið og
gleðjumst yfir góðu dagsverki.
Lokakvöldið verður að þessu sinni á Skjóli hjá
góðum félaga, Jóni Örvari, sem hefur á ótrúlega
stuttum tíma byggt upp skemmtilegan og vinsælan
áningarstað í landi Kjóastaða.
Útplöntun í Rótarmannatorfum er yfirleitt síð-
asta verkefni hvers starfsárs og göngum við þar
glaðir til verka, tilbúnir að njóta sumarsins eftir
skemmtilegan vetur.
Lionsklúbburinn okkar nýtur þeirra forréttinda
að innan hans eru margir mjög virkir og áhuga-
samir félagar, sem ávallt eru tilbúnir að leggja
fram vinnu við hin ýmsu verkefni og sjá til þess
að hjól félagsins snúist áreynslulaust.
Við þökkum öllum sem hafa lagt okkur lið í
vetur með einum eða öðrum hætti og gert okkur
þar með kleyft að leggja samfélaginu lið.
F.h. Lkl. Geysis
Sveinn A. Sæland, formaður.
Ungmennafélag Biskupstungna
þakkar öllum þeim sem styrkja
útgáfu blaðsins með styrktarlínu
eða auglýsingu og óskar þeim
sem og lesendum öllum
GLEÐILEGS SUMARS!
Létt yfir mönnum að vanda. Jóhannes og Kristófer „ræða“ málin.