Litli Bergþór - jul. 2018, Page 52

52 Litli-Bergþór
Verslunarinnar, við vorum þar þrjár saman, auk
þess sem við tókum nema.
Við Örn eignuðumst þrjá stráka, Erlend Geir
1961, en hann er vélfræðingur í Hafnarfirði. Kona
hans er Día Björk Birgisdóttir og þau eiga tvö
börn. Annar í röðinni er Gunnar, fæddur 1963.
Hann er kiropraktor og býr í Svíþjóð, kvæntur
sænskri konu, Marie Eliason og þau eiga eina
dóttur. Áður átti hann einn son með Önnu M.Þ.
Ólafsdóttur. Yngstur er Freyr, fæddur 1968. Hann
er í sambúð með Sigurlínu Kristinsdóttur frá
Fellskoti, en hún á fyrir þrjú börn. Sjálfur á Freyr
fyrir einn son með Patrycju Wodkowsku.
L-B: og hvernig líkar ykkur svo lífið hér í
Lindatungu?
Örn: Mig langar til þess að það komi fram að
við erum mjög þakklát
fyrir það hvað okkur
var tekið opnum örmum
af samfélaginu hérna
þegar við fluttum heim
í Tungurnar 2009. Tvær
kynslóðir höfðu vaxið
upp frá því ég fór fyrir
hálfri öld, en það var eins
og ég hefði aldrei farið
að heiman. Það má líka
eflaust þakka það því
að við fórum strax inn í
félagsstarf eldri borgara
hér í Tungunum, þar
sem voru margir gamlir
kunningjar. Þeir tóku okk-
ur einstaklega vel og það
hefur verið skemmtilegt
og gefandi að kynnast
þeim aftur, sem og nýjum
félögum í Lionsklúbbnum
Geysi, sem er gríðarlega öflugur félagsskapur.
Áfram höldum við tryggð við gamla vini og
félaga í Reykjavík, bæði saumaklúbbinn hennar
Gígju og Oddfellowstúkuna mína, stúku nr 11,
Þorgeir, sem kennd er við hinn mikla vitring og
mannasætti, Þorgeir Ljósvetningagoða. Öll þessi
félagsmálaþátttaka gefur lífinu gildi, er bæði
krefjandi og gefandi.
Að svo mæltu þakkar blaðamaður Litla-Berg-
þórs þeim hjónum kærlega fyrir hlýjar móttökur
og skemmtilegt spjall. Á leiðinni út sýnir Örn mér
málverkin sem prýða húsið í Lindatungu og segir
mér sögur af þeim. Málverk eftir Eyvind bróður
hans, Gísla Sigurðsson frænda hans frá Úthlíð, og
ýmis málverk sem hafa ratað til þeirra hjóna hér
heima eða erlendis.
Synirnir. F.v.: Freyr, Erlendur og Gunnar.
Barnabörnin: fv. Lilja Sif Erlendsdóttir, Eiríkur Hreinn Freysson, Örn
Erlendsson, Sara Edda Margareta Gunnarsdóttir, Ragnar Hrafn
Gunnarsson.
Fjölskyldan: Aftan til fv. Día Björk Birgisdóttir, Lilja Sif, Marie Eliasson, Ragnar Hrafn, Katla Lovísa
Gunnarsdóttir, Örn. Framan til fv. Erlendur Geir, Eiríkur Hreinn, Freyr, Gígja , Örn, Sara, Gunnar.