Fréttablaðið - 05.01.2019, Page 81

Jordi kallar eftir stuðningi alþjóðasamfélagsins. Hann segir þögn þess beinlínis ærandi. MYND/ÒMNIUM CULTURAL
Að þessu leyti eru fangelsuðu
aðskilnaðarsinnarnir heppnir, segir
Cuixart. Samheldnin sýnir fram á
að sjálfstæðishreyfingin krefst póli­
tískrar lausnar á deilunni. „Með því
að fangelsa okkur leysa stjórnvöld á
Spáni ekki þau félagslegu, pólitísku
og efnahagslegu vandamál sem hrjá
katalónskt samfélag. Þau versna
bara,“ segir hann og bætir því við að
til dæmis eigi 21 prósent Katalóna
á hættu félagslega einangrun, hlut­
fallið sé það hæsta á Spáni.
Komandi réttarhöld
Enginn nímenninganna hefur farið
fyrir dóm enn vegna málanna. „Ég
býst við því að það gerist í lok janú­
ar,“ segir Cuixart. Hann segir þó að
nokkur hreyfing hafi verið á málinu.
„Ég vil sérstaklega minnast á
yfirlýsingu Amnesty International
nýverið en samtökin kröfðust þess
að við yrðum leyst úr haldi og ákær­
urnar dregnar til baka. Þá hafa sam­
tök á borð við World Organization
Against Torture og hin virtu óháðu
félagasamtök Front Lane Defend­
ers kallað eftir lausn okkar. Fyrir
nokkrum vikum sögðu 120 spænsk­
ir prófessorar í stjórnlögum að það
væri enga uppreisn né uppreisnar­
áróður að finna í málum okkar, eins
og dómstólar í Belgíu og Þýskalandi
hafa nú þegar komist að.“
Cuixart býst þó ekki við því að
ríkisstjórnin dragi ákæruna til baka.
„Ríkissaksóknari hefur nú þegar birt
ákæru sína og fer nú fram á átta ára
fangelsisdóm fyrir einhvern upp­
skáldaðan uppreisnaráróður. Við
samþykkjum ekkert nema sýknu.“
(Ó)sanngjörn réttarhöld
En Katalóninn spyr sig hvort hann
geti átt von á sanngjörnum réttar­
höldum. „Sérstaklega ef við lítum til
þess að málsmeðferðin hefur verið
afar óvenjuleg og dómstóllinn er
afar pólitískur. Fyrir skemmstu var
skilaboðum leiðtoga Lýðflokksins
í öldungadeildinni lekið þar sem
hann grobbaði sig af því að með
kjöri nýs forseta hæstaréttar og
dómskerfisins alls gæti flokkurinn
stýrt málum okkar. En á Spáni segir
enginn af sér eftir svona leka.“
Fréttablaðið fjallaði um lekann
á sínum tíma. Þótt ekki hafi verið
minnst sérstaklega á Katalónana í
lekanum sagði Lýðflokksmaðurinn
að flokkurinn gæti stýrt sakamála­
deild hæstaréttar úr bakherbergj­
um. Mál Katalónanna falla einmitt
undir þessa sakamáladeild. Svo fór
að lokum að Manuel Marchena,
sem átti að taka við embætti for­
seta hæstaréttar og forseta spænska
dómskerfisins, hafnaði sætinu.
Ærandi þögn
Alþjóðasamfélagið kvaddi sér
hljóðs þegar myndbönd birtust af
spænskum lögreglumönnum berja
á katalónskum kjósendum í október
2017. Cuixart segir að það hafi leitt
til þess að dregið hafi úr ofbeldi af
hálfu lögreglunnar á Spáni. Hins
vegar hafi alþjóðasamfélagið ekki
látið í sér heyra vegna meðferðar
hinna ákærðu sjálfstæðissinna.
„Því miður hugsa ríki heimsins
í dag fyrst og fremst um að vernda
sjálf sig en ekki að hlutast til um eitt­
hvað sem þau lýsa sem innanríkis­
máli. En þögn ríkisstjórna heimsins
myndar skýra andstæðu við háværa
rödd fjölmargra aðskilnaðarsinna,
Nóbelsverðlaunahafa og mann­
réttindabaráttusamtaka sem for­
dæma þessi mannréttindabrot og
vara við alræðishneigð spænsku
ríkisstjórnarinnar,“ segir Cuixart
og heldur áfram:
„Við verðum að hafa í huga að það
eru ekki bara katalónskir sjálfstæð­
issinnar sem sæta ofsóknum. Það
gera blaðamenn einnig, listamenn
og aðrir borgarar sem hafa nýtt
grundvallarréttindi sín, til dæmis
tjáningar­ eða mótmælafrelsi. Á
Spáni er ekki leyfilegt að sýna andóf.
Þetta er einkar alvarleg staða.“
Biðlar til Íslendinga
Stjórnvöld á Íslandi hafa í gegnum
tíðina staðið með mannréttindum
og hafa áður stutt sjálfstæðishreyf­
ingar. Til dæmis vakti það heims­
athygli þegar Ísland varð fyrsta
ríkið til að viðurkenna sjálfstæði
Eistlands, Lettlands og Litháens eftir
fall Sovétríkjanna. Cuixart biðlar því
til Íslendinga.
„Í gegnum tíðina hefur Íslending­
um alltaf verið umhugað um þann
veruleika sem katalónsk menning
og tunga býr við og hafa vakið máls
á málum okkar á sviði UNESCO.
Fyrir það erum við afar þakklát. Til
viðbótar eigum við Katalónar góðan
íslenskan vin, Björk, sem ég dái
mikið. Hún tileinkaði Katalónum
lag sitt Declare Independence dag­
inn eftir atkvæðagreiðsluna,“ segir
Cuixart.
„Mín skilaboð til íslensku ríkis­
stjórnarinnar eru þau að ef þau leyfa
öðru Evrópuríki, Spáni í þessu til­
felli, að brjóta með alvarlegum hætti
á mannréttindum eru þau að stefna
þessum sömu réttindum í hættu
um alla Evrópu. Hvernig getum
við krafist þess að Pólland og Ung­
verjaland, eða Tyrkland, virði þau
réttindi ef Spánn gerir það ekki?“
heldur Cuixart áfram.
Það að verja mannréttindi í
Barcelona eða Madríd þýðir að
maður ver mannréttindi í París,
Berlín eða Reykjavík á sama tíma,
segir Cuixart.
„Sjálfsákvörðunarréttur Katalóna
er löngu hættur að vera innanríkis­
mál og snertir nú Evrópu alla. Rétt
eins og við þurfum að takast á við
upprisu lýðskrumara, útlendinga­
andúðar og alræðishyggju þurfum
við að berjast gegn takmörkunum
við frelsi og grundvallarréttindi frá
byrjun. Áður en það verður of seint.
Ég vil líka biðja ríkisstjórn Íslands
um að fylgjast náið með dómum yfir
okkur og senda eftirlitsmenn til þess
að fylgjast með.“
Kosningar besta lausnin
Til þess að leysa krísuna sem hefur
haldið Katalóníu í heljargreipum
undanfarið rúmt ár segir Cuixart
þörf á samúð, samræðum og að
alþjóðasamfélagið taki sér stærra
hlutverk. Hann segir að brotið hafi
verið á réttindum Katalóna og að
þeir séu borgarar Evrópusambands­
ins. Það hafi bein áhrif á sambandið
sjálft.
„Svo verður að líta til þess að
spænskir stjórnmálaflokkar hafa
hagnast á því að kynda undir átök­
unum við Katalóna. Héraðskosning­
arnar í Andalúsíu eru skýrt dæmi.
Þar vann öfgaíhaldsflokkurinn VOX
mikinn sigur vegna árása sinna á
Katalóníu.“
Að mati Cuixart þurfa stjórnvöld
á Spáni og í Katalóníu að setjast að
viðræðuborðinu og ræða um hvern­
ig sé hægt að svara ákalli þeirra 80
prósenta Katalóna sem krefjast þess
að fá að greiða atkvæði um sjálf­
stæði.
„Það þarf ekki að leita langt til að
finna dæmi um slíkt. Eins og gerðist
með Bretland og Skotland eða Kan­
ada og Quebec. Það að leyfa fólki að
kjósa, í Evrópu á 21. öldinni, á aldrei
að vera vandamál. Í lýðræðisríki eru
kosningar alltaf besta leiðin til að
leysa deilur. Katalónar eru friðsamir
og búa yfir mikilli þrautseigju,“ segir
Cuixart að lokum.
Hver tími er 90 mínútur og kennt er tvisvar í viku á
þriðjudögum og fimmtudögum kl. 17:30 í leikfimissal
Hvassaleitisskóla. Námskeiðið er tólf vikur.
Kennari er Birgitta Sveinbjörnsdóttir danskennari.
Skráning er hafin á námskeiðið sem hefst þriðjudaginn
15. janúar kl. 17.30.
Upplýsingar og skráning í síma: 899-8669.
SUÐRÆN SVEIFLASUÐR N SVEIFLA
Suðræn sveifla er skemmtileg
líkamsrækt fyrir konur á öllum aldri.
Námskeiðið byggist upp á mjúkri
upphitun, latin dönsum eins og
Cha Cha, Jive, Salsa og fl.,
kviðæfingum og góðri slökun.
Hver tími er 60 mínútur og kennt er tvisvar í viku á þriðjudögum og fim-
mtudögum kl. 17:30 í leikfimissal Hvassaleitisskóla. Einnig verður kennt
á miðvikudögum kl. 18:00 og laugardögum kl. 11:00 í Stúdíói Sóleyjar
Jóhannsdóttur, Mekka Spa. Kennarar eru Birgitta Sveinbjörnsdóttir
danskennari.og Ólöf Björk Björnsdóttir Skráning er hafin á bæði nám-
skeiðin sem hefjast þriðjudaginn 11.janúar og miðvikudaginn 12.janúar
Upplýsingar og s ing í síma: 899-8669.
Suðræn sveifla tileg
líkamsrækt fyrir konur á öllum
aldri. Námskeiðið byggist upp á
mjúkri upphitun, latin dönsum
eins og Cha Cha, Jive, Salsa og fl.,
kviðæfingum og nidra slökun.
ÉG Á SON SEM ER EINS ÁRS
OG SJÖ MÁNAÐA GAMALL.
ÉG VAR SENDUR Í FANGELSI
ÞEGAR HANN VAR HÁLFS
ÁRS. SÍÐUSTU 410 DAGA
HEF ÉG FENGIÐ AÐ VERA
MEÐ HONUM Í SAMTALS
ÞRJÁ OG HÁLFAN DAG.
5 . J A N Ú A R 2 0 1 9 L A U G A R D A G U R32 H E L G I N ∙ F R É T T A B L A Ð I Ð