Árbók Nemendasambands Samvinnuskólans - 01.06.1982, Page 196

jónsson. Flutti hann allskörulega ræðu. Sýndi hann fram
á það, með nokkrum skýrum dæmum, hvernig margir ungir
menn nú á tímum hefðu unnið sér frægð og frama. Einnig
hefði þeir gegnt ábyrgðarmestu stöðum þjóðfélagsins og
rutt nýjar leiðir til velfamaðar þjóðinni. Komst hann að
þeirri niðurstöðu að þrátt fyrir helst til mikla nekt kven-
fólksins stæði þó unga fólkið mikið framar fortíðinni.
Þá talaði Hj. Hjartar og hélt því fram, að hér áður hefðu
fundist menn sem ekki síður en nú hefðu borið hátt frægð-
armerki þjóðarinnar og margt sem miður færi væri ef til
vill meira nú en þá.
Ýmsir tóku til máls með eða móti.
Koma Gests Pálssonar inn í íslenskar bókmenntir, fram-
sögumaður: Tómas Magnússon. Flutti hann langt og snjallt
erindi. Talaði hann á víð og dreif um Gest og rit hans, enn-
fremur las hann upp nokkra kafla úr verkum hans, máli
sínu til skýringar og fundarmönnum til skemmtimar. Taldi
hann Gest með fremstu skáldum okkar Íslendinga bæði
vegna ritsnilldar og glöggskyggni á samtíðinni og þeim
skýru dæmum sem hann tæki úr henni.
Litlar umræður um þetta mál. Aðeins sagði formaður
félagsins nokkur orð og þakkaði frummælanda sitt góða
erindi.
Síðasta mál á dagskrá var Skemmtanir: Kristján Halls-
son. Talaði hann um skemmtanir yfirleitt. Taldi þær oft
ekki ná tilgangi sínum. Það væru t. d. oft famar skíðaferðir
af einhverri tísku, en ekki af þvi að menn þráðu að öðlast
þá hreysti og þá leikni sem slíkar ferðir veittu þeim er
legðu alúð við þær.
Var þetta mál dáltíið rætt. Þessir tóku til máls: Hjörtur
Hjartar, Bjöm Guðmundsson úr Eyjum og Friðgeir Ingi-
mundarson.
Fxrndi slitið kl. 7.15.
Björn Guðmundsson, frá Eyjum, ritari.
192