Árbók Nemendasambands Samvinnuskólans - 01.06.1982, Qupperneq 207

Jenni spurði hverjir hefðu komið Rannveigu á þing, sem
hafi verið mesta glappaskot í íslenskri stjómmálasögu. Það
voru konur og þær hafa ekkert með kosningarétt að gera.
Sagðist hann ekki geta stofnað ríki kvenmannslaus, heldur
vildi hann fá að ráða yfir þeim.
Halldór sagði að fyrst Jenni segði að konan væri ómiss-
andi, því þá að undiroka hana? Sagði hann að Florence
Nightingale hafi gert þau afrek sem engum karlmanni hefði
verið fært. Sagði hann að menn væm of bókstafstrúar, þó
sérstaklega Jenni.
Friðrik sagði, að hann og Jenni vildu ekki vera einir
heldur bara láta konur ekki komast til valda. Studdi hann
spádóma af alhug. (Spádómar munu í munni Samvinnu-
skólamanna hafa þýtt kvennafar. Ritstj.).
Ragnar Ágústsson vitnaði í Mannsandann, að hjartað
hafi sínar ástæður sem heilinn skilji ekki.
Ragnar Gunnarsson sagði að eftir skoðunum Jenna hljóti
allir sem aldir em upp af móður sinni að verða illmenni.
Tók hann málstað Rannveigar.
Kristinn Guðnason sagði að þjóðfélögin væm betur upp-
byggð þar sem konur hefðu hlotið jafnan rétt og karlar.
Einar Einarsson lagði út af setningunni að varast beri
lélegar eftirlíkingar, spurði hvað yrði um konuna ef karl-
maðurinn væri ekki til. Það gætu ekki allar konur alið ein-
getin börn. Hann hélt því fram að karlmaðurinn ætti að
ráða, en bæði kyn að vera til, og sagði að konan væri góð
til síns brúks og sinnar handavinnu.
Jónas sagði að öll slæm áhrif sem börnin verða fyrir
komi frá föðumum.
Fundarstjóri gaf nú formanni skólafélagsins orðið sem
skipaði Dagbjörtu Torfadóttur og Grétar Ingimundarson
sem frummælendur næsta fundar, síðan sleit hann fundi
og var klukkan þá 22.20.
HaUdór Kr. Halldórsson.
203