Dagblaðið Vísir - DV - 13.12.2019, Side 4

4 13. desember 2019FRÉTTIR
Eggjastormur í vatnsglasi
S
varthöfði elskar nútíma-
tæki. Samfélags- og frétta-
miðlar tryggja að upp-
lýsingarnar eru alltaf í
rassvasa okkar sem eigum snjall-
síma og því þarf enginn að missa
af neinu. Ágæti tækninnar sann-
aði sig ágætlega í vikunni sem
leið þar sem skapaðist múgæs-
ingur út af slæmri veðurspá.
Svarthöfði elskar múgæsing en
hatar múgsefjun. Vikan sem leið
olli sko ekki vonbrigðum.
Mikið illviðri gekk yfir landið á
þriðjudag og aðeins fram á mið-
vikudaginn. Ekki var fréttaflutn-
ingur af yfirvofandi stormi til
þess fallinn að róa taugaþaninn
landann. Fyrirtæki lokuðu dyr-
um sínum langt fyrir auglýstan
lokunartíma. Skólar þrábáðu for-
eldra að sækja börn í skólann
laust eftir hádegi og koma þeim
í öruggt skjól áður en ósköp-
in dyndu yfir. Landsbyggðin fór
verst út úr illviðrinu og er talið
að stormurinn hafi valdið millj-
arða tjóni. Hins vegar kættist
Svarthöfði mikið þegar hann sá
sveitta höfuðborgarbúa flykkjast
í matvöruverslanir upp úr hádegi
þar sem þeir birgðu sig upp af
matvöru líkt og heimsendir væri
í nánd. Götur borgarinnar voru
mannlausar um þrjú leytið og
margur maður stóð, vafinn inn
í öryggisteppi, við glugga heim-
ilis síns og beið þess sem verða
yrði. Svo kom þessi líka væga
gjóla. Svarthöfði stóð úti á svöl-
um hjá sér og virti fyrir sér tómar
göturnar og ekki laust við að það
hlakkaði í honum. Ef þetta var
ekki bókstaflega stormur í vatns-
glasi þá er Svarthöfði líklega ekki
að skilja það orðatiltæki rétt. Og
já já já, það var svaka vont veður
úti á landi og á hálendinu og það
fuku þök og kindur hlutu kalda
og vota greftrun í snjó. En enginn
getur sagt Svarthöfða að hann
hefði ekki verið öruggur hefði
hann hætt sér í Krónuferð um
sjö leytið á þriðjudaginn. Hann
hefði varla þurft að skafa bílinn.
Annað dæmi í vikunni um
gleðigjafann nútímatæknina var
þegar einhver áhrifavaldafrekja
snöggreiddist eftir að hafa lesið
helgarblað DV. Líklega fyrsti Ís-
lendingurinn sem hefur haft ein-
verra harma að hefna á DV. Hann
ákvað að beita tækninni til að
hefna sín. Á örskömmum tíma
höfðu gamlir og nýir nágrannar
ritstjóra DV fengið að finna fyr-
ir reiði samfélagsmiðla eftir að
æstur múgur fylgjenda áhrifa-
valdsins marseraði í hefndarhug
þangað sem þeir töldu ritstjóra
DV búa. Lifi byltingin, með eggj-
um skal manninn aga. Ekki fór
þó betur en svo að múgurinn fór
í tvígang húsavillt, enda hvarflaði
svo sem ekki að neinum þeirra
að fleiri gætu átt sama heimilis-
fang og ritstjórinn.
Svarthöfði ætlar sér að fylgja
þessari taktík eftir. Hann er
ósáttur við nýjustu stjörnustríðs-
myndirnar og ætlar því að kasta
Kindereggjum í Smárabíó. Síð-
an ætlar hann að gera einhvern
usla og reita áhrifavalda til reiði.
Svarthöfði hefur nefnilega lengi
eldað grátt silfur við nágranna
sína og veitir þeim ekki af smá
eggjakasti, svona til að kenna
þeim lexíu. n
Svarthöfði
Það er
staðreynd að…
Í grískri goðafræði heitir ástarguðinn
Eros. Í rómverskri goðafræði heitir hann
Amor.
Að meðaltali gleypir manneskjan þrjár
köngulær á ári.
Konur depla augunum næstum því
tvisvar sinnum oftar en karlar.
Árið 1938 var Adolf Hitler valinn
maður ársins af tímaritinu Time.
Elgdýr eru með fjóra maga.
Hver er
hún
n Hún er fædd 2.
júlí árið 1969.
n Hún hóf feril sinn í
atvinnuleikhúsi 16 ára
gömul hjá Leikfélagi
Reykjavíkur.
n Hún var með spjallþátt á
laugardagskvöldum á undan
Spaugstofunni á sínum tíma.
n Hún hefur leikið í ýmsum þátt-
um og kvikmyndum.
n Hún á fjögur börn og gegnir
einnig störfum sem fjölmiðlakona.
SVAR: STEINUNN ÓLÍNA ÞORSTEINSDÓTTIR
ÓVINNUFÆR EFTIR
LÍKAMSÁRÁS Í 10-11
n Ráðist á Pétur á jólunum n Skall í gangstéttina og
missti meðvitund n Lepur dauðann úr skel
P
étur Orri Gíslason varð fyr-
ir tilefnislausri líkamsárás
í miðborginni milli jóla og
nýárs í fyrra. Hann hefur
verið óvinnufær með öllu síðan.
Ákæra á hendur árásarmannin-
um verður tekin fyrir í Héraðs-
dómi Reykjavíkur í dag, föstu-
daginn 13.desember.
Átti sér einskis ills von
„Þetta var aðfaranótt 29. desem-
ber í fyrra. Ég var niðri í Austur-
stræti, og stóð í anddyrinu í versl-
un 10-11. Skyndilega gekk þessi
maður bara upp að mér og sló
mig,“ segir Pétur Orri.
„Hann kom framan að mér
og sló mig á hliðina, á milli kjálk-
ans og hálsins. Það voru enginn
orðaskipti eða neitt. Ég átti mér
einskis ills von, ég hrundi niður
í jörðina og skall með höfuðið í
gangstéttina,“ segir Pétur en hann
þekkir árásarmanninn ekki neitt
og lýsir honum sem „ungum ís-
lenskum sterapúka.“ Nokkur vitni
voru að árásinni. „Hann hefur
sjálfsagt verið á einhverju og það
hefur eitthvað ruglast í höfðinu á
honum,“ segir Pétur jafnframt.
Pétur missti meðvitund. Hann
segist ekkert vita hvað gerðist eft-
ir þetta. Hann var fluttur með
sjúkrabíl á bráðamóttöku. „Það
næsta sem ég man eftir var að ég
vaknaði á Borgarspítalanum 4.
janúar og vissi ekkert hvað var í
gangi. Mér var sagt að ég hefði
gengist undir rannsóknir og að
komið hefði í ljós að ég hafði feng-
ið heilablæðingu.“
Ekkert líf Pétur er óvinnufær og
hangir bara heima.
Fastur heima við
Pétur hefur verið óvinnufær síð-
an. Hann ræður ekki við líkam-
legt eða andlegt álag. Fyrir árásina
var hann í fullri vinnu sem ör-
yggisvörður hjá fyrirtæki á höfuð-
borgarsvæðinu. Hann var iðinn
og hafði nóg fyrir stafni. Núna eru
dagarnir hins vegar fábreytilegir
hjá honum. Honum þykir sárt að
geta ekki unnið, enda hafi hann
fullan vilja til þess. „Ég hef ekk-
ert fengið að vita hvenær ég má
fara að vinna aftur. Þetta fylgir því
að fá heilaskaða. Ég er bara fastur
heima og get lítið gert, annað en
að horfa á Netflix. Þetta er ekkert
líf.“
Næsta skref Péturs er að sækja
um örorkubætur, en það ferli tekur
margar vikur. „Ég hef sjúkradag-
peninga frá verkalýðsfélaginu
og einhverjar bætur frá Sjúkra-
tryggingum.“
Skiljanlega hefur Pétur Orri
ekki bara hlotið líkamlegan skaða
af árásinni. Fjárhagslegur skaði
er ekki síðri. Strípaðar bætur frá
Sjúkratryggingum duga engan
veginn fyrir framfærslu. Hann
þarf að standa skil á húsaleigu og
kaupa sér mat. Hann á líka litla
dóttur sem býr hjá móður sinni og
þarf því að standa skil á meðlags-
greiðslum.
„Ég er bara mjög blankur núna.
Ég hef ekki getað staðið skil á leigu
í tvo mánuði, og ég skulda meðlag
fyrir allt þetta ár. Ég er að vísu hepp-
inn að því leyti að ég er með mjög
skilningsríkan leigusala. Ég er mjög
þakklátur fyrir það,“ segir Pétur en
í örvæntingu sinni sendi hann út
neyðarkall á Facebook nú á dögun-
um. Biðlaði hann þar til fólks um
hjálp við að draga fram lífið.
„Það kostar sitt að vera veik-
ur og nú er staðan sú að ég á ekki
krónu með gati og þarf að standa
skil á leigu og reikningum auk
þess að versla í matinn. Það er mér
erfitt að gera þetta en ef þið getið
styrkt mig um einhverja upphæð
þá yrði ég óendanlega þakklát-
ur. Þetta er ofboðslega erfitt fyrir
mig að gera en ég get ekki annað.
Margt smátt gerir eitt stórt,“ ritaði
Pétur en í samtali við blaðamann
segir hann það hafa verið gríðar-
lega erfitt að leita á náðir fólks á
samfélagsmiðlum. „Þetta er voða-
lega erfitt: að þurfa að opinbera
sig svona berskjaldaðan og leita til
annarra eftir aðstoð.“
Finnur ekki fyrir reiði
Sem fyrr segir þá hefur Pétur Orri
lagt fram kæru á hendur mann-
inum sem réðst á hann og verð-
ur málið tekið fyrir í Héraðsdómi
Reykjavíkur í dag. Árásarmað-
urinn hefur játað verknaðinn og
vonast Pétur til þess að það muni
ýta undir að hann fái greiddar
miskabætur. Skaðinn er augljós.
Hann segist þrátt fyrir allt ekki
vera reiður.
„Maður hefur þurft að sýna
mikið æðruleysi, svo sannar-
lega. Þetta er verkefni sem mað-
ur þarf að ganga í gegnum. Það
er bara þannig.“ n
Þeir sem vilja styðja við bak-
ið á Pétri Orra er bent á meðfylgj-
andi söfnunarreikning.
Rnr: 0323-26-090184.
Kt. 090184-2969
„Þetta er
ekkert líf
Auður Ösp Guðmundsdóttir
audur@dv.is