Fréttablaðið - 19.09.2015, Blaðsíða 114

Laugavegi 15 og Kringlunni - sími 511 1900 - www.michelsen.is
Allir sem versla við okkur í september fara
í lukkupott. Dregið verður 3. október og
tveir heppnir viðskiptavinir eignast glæsilegt
Michelsen Tradition úr að eigin vali.
Opnunarleikur
FJÖL
DI
GLÆ
SILE
GRA
OPN
UNA
R-
TILB
OÐA
Nú erum við
líka í Kringlunni
Höfum opnað glæsilega verslun í Kringlunni.
Af því tilefni eru fjölmörg glæsileg opnunar-
tilboð í verslunum okkar við Laugaveg,
í Kringlunni og á michelsen.is.
Hlökkum til að sjá ykkur.
„Þetta er eitthvað sem mig hefur
langað að gera lengi,“ segir Högni
Egilsson tónlistarmaður, sem heldur
í fyrsta sinn tónleika þar sem hann
kemur einn fram. Jafnframt því er
Högni að leggja lokahönd á sóló-
plötu sína, sem hann hefur unnið að
í á þriðja ár.
Högni heldur röð tónleika og byrjar
nú um helgina, þegar hann leikur í
Bæjarbíói í Hafnarfirði. Hann segist
vilja fara nýjar leiðir í hvernig hann
kemur tónlistinni til fólksins; að leika
ný lög á tónleikum áður en þau verða
gefin út.
Nánara samband
„Ég hugsa að á þessum tónleikum
muni ég ná nánara sambandi við
áhorfendur,“ segir Högni sem mun
leika á píanó og gítar á tónleikunum,
sem verða persónulegir. „Þetta gefur
mér mikið frelsi til að leika mér með
lögin. Opna lögin og opna túlkunina
og í rauninni skapa eitthvert augna-
blik sem verður sterkt og sérstakt í
sínum eigin heimi,“ bætir Högni við
hugsi.
Högni, sem er einn af þekktari tón-
listarmönnum þjóðarinnar, hefur
verið duglegur að koma fram en alltaf
verið með hljómsveitum sínum. „Já,
strangt til tekið er þetta í fyrsta sinn
sem ég kem fram einn. Ég hef alltaf
notið liðsinnis og verið hluti af hljóm-
sveitum. Þá helst Hjaltalín og Gus
Gus. Þeir tónleikar hafa verið með
stærri brag og umgjörðin verið meiri
músíklega. En mig hefur alltaf langað
að sjá hvað myndi gerast ef ég myndi
leita í smærra form og setja mína eigin
sköpun í smærri einingu.“
Unnið lengi í sólóefni
Högni hefur lengi unnið að sóló-
plötu. „Þetta er músík sem ég hef
unnið síðustu misseri. Ég hef aldrei
verið tilbúinn að klára hana. En núna
er ég tilbúinn að koma henni yfir
lokaþröskuldinn. Þetta hefur verið
svolítið eins og að vera í langhlaupi
en vera ekki tilbúinn að komast í
mark. En núna finnst mér rétti tím-
inn vera runninn upp.“
Stephan Stephensen, betur þekkt-
ur sem President Bongo og með-
limur Gus Gus, hefur unnið með
Högna að plötunni og Atli Bollason
séð um textasmíði. „Vinnan hefur
gengið vel. Við unnum samfleytt að
plötunni yfir tveggja ára tímabil. En
síðan þá hefur hún legið í ofninum, ef
svo má segja, í hægri eldun. Við erum
núna tilbúnir að taka hana alla leið
og fylgja þessu eftir. Það þýðir að ég
er að leggja lokahönd á plötuna og
undirbúa útgáfu núna í haust.“
Öðlist sitt eigið líf
Þegar Högni er beðinn að lýsa tón-
listinni er hann með svör á reiðum
höndum. „Þetta er músík sem liggur
svolítið á elektrónískum grunni, í
teknó eða „acid“ heimi. Þetta eru
hægir elektrónískir taktar en við þá
blandast annars konar tónlist. Við
erum með strengi, kóra og alls kyns
hljóðheima sem tengjast saman.“
Fyrstu tónleikar Högna fara
fram í Gamla bíói í Hafnarfirði á
morgun. Þeir hefjast klukkan  22
og er miðaverð 2.000 krónur.
kjartanatli@frettabladid.is
Einsamall Högni
og flóttinn um landið
Tónlistarmaðurinn Högni Egilsson vinnur nú að sólóplötu og heldur í
fyrsta sinn tónleika einn síns liðs með gítarinn og píanóið að vopni.
„Þú þarft alveg að vera dálítið klikk-
aður,“ segir Rúnar Freyr Gíslason, einn
dómaranna í Open Mic, eða Orðið er
frjálst, keppni sem haldin er í tengslum
við Reykjavík Comedy Festival og fer
fram 23. október næstkomandi.
„Hugmyndin er sú að fólk sendi inn
myndbönd af sér á visir.is, þar sem þau
safnast saman og dómnefndin fer yfir.
Þar verða sigtaðir úr tuttugu grínistar
og lesendur visir.is fá svo það verkefni
að velja átta bestu úr. Í framhaldinu
munu þeir stíga sín fyrstu skref í uppi-
standsbransanum, í sjálfu Silfurbergi
í Hörpu,“ útskýrir Rúnar, þó nokkuð
spenntur. Auk hans munu þeir Jóhann-
es Haukur Jóhannesson og Ísleifur
B. Þórhallsson skipa dómnefnd, en
Jóhannes Haukur mun að auki sinna
hlutverki kynnis í Silfurbergi.
Aðspurður um hvaða kostum
grínistar þurfi að búa yfir, ætli þeir sér
að taka þátt í fjörinu, segir Rúnar allra
mikilvægast að vera óttalaus. „Að fara
með sitt eigið efni fyrir framan fullan
sal af fólki þar sem krafa er gerð um að
þú sért ógeðslega fyndinn, er ekkert
grín. Ég fæ í magann bara við tilhugs-
unina. Ég meina, kannski hlær enginn,“
bendir hann á og segir svo alvarlegur í
bragði: „En svo verður fólk að átta sig
á að menn geti hæglega orðið háðir
þessu, það er að segja ef vel gengur.“ Þá
segir Rúnar frumlegheit skipta sköp-
um, að geta gripið eitthvað í daglega
lífinu og bent áhorfendum á húmorinn
í því sé gulls ígildi. Gerir hann ráð fyrir
að úr nógu verði að moða. „Það er eitt-
hvert uppistandsæði í gangi á landinu
núna.  Hingað hafa verið fluttir inn
uppistandarar hægri vinstri, og það
er alltaf uppselt strax.“  – ga
Uppistandsæði skekur
íslensku þjóðina
Óreynir grínistar hafa kost á því að stíga á
svið á Reykjavík Comedy Festival.
Högni Egilsson titlar tónleikaröð sína Flóttinn um landið. Mynd/Ari Maggi
Rúnar Freyr Gíslason segir mikilvægt að vera óttalaus þegar uppistand er flutt.
Vinnan HEfUr gEng-
ið VEl. Við UnnUm
samflEytt að plötUnni yfir
tVEggja ára tímabil. En
síðan þá HEfUr Hún lEgið í
ofninUm, Ef sVo má sEgja, í
Hægri EldUn.
1 9 . s e p t e m b e r 2 0 1 5 L A U G A r D A G U r70 L í f i ð ∙ f r É t t A b L A ð i ð