Fréttablaðið - 28.05.2016, Qupperneq 2

Veður
Hæg sunnanátt og léttskýjað á Norður-
og Austurlandi, en annars skýjað og
dálítil rigning vestast. Fremur hlýtt í
veðri. SJÁ SÍÐU 46
Æfing fyrir ótrúlegt sjónarspil
FerÐaþJónUSta Mikil uppsveifla
hefur verið í norðurljósaferðum og
eru þær orðnar mikilvægur hlekkur
í vetrarferðaþjónustu. Á góðu vetrar-
kvöldi fara rúmlega þrjú þúsund
erlendir ferðamenn í slíka ferð.
Á síðustu tíu árum hefur hlutfall
ferðamanna sem greitt hafa fyrir
norðurljósaferðir aukist úr 14 pró-
sentum í 42 prósent. „Við höfum farið
með yfir tuttugu bíla á einu kvöldi svo
það kemur mér ekki á óvart ef þetta
eru meira en þrjú þúsund manns,“
segir Kristján Daníelsson, fram-
kvæmdastjóri Kynnisferða.
Fjöldi ferðamanna ferðast til lands-
ins í þeim tilgangi einum að berja
norðurljósin augum. „Það er mikið
verk að uppfylla væntingar fólks og
þetta er svipað og með fótboltaleik,
mörkin eru ekki innifalin,“ segir Krist-
ján og bætir við að ef norðurljósin
sjást ekki í ferðunum geti farþeg-
arnir farið aftur í ferð sér að kostn-
aðarlausu. „Það er mikill spenningur
í ferðamönnum, það er klappað og
faðmast þegar norðurljósin sjást
dansandi.“
Erfitt getur reynst að segja til um
hvar hægt er að sjá norðurljósin á
tilteknu kvöldi en að sögn Kristjáns
stóla aðilar innan ferðaþjónustunnar
á norðurljósaspár. „Við erum sífellt að
verða vísindalegri og tökum spár frá
nokkrum aðilum og setjum saman.
Í dag erum við með sérfræðing sem
gerir spá fyrir okkur svo við séum að
fara á réttu staðina.“
Árstíðasveifla í ferðaþjónustu
hérlendis er mikil áskorun en ferða-
mönnum yfir vetrartímann hefur
fjölgað hlutfallslega meira síðastliðin
ár en á öðrum árstíma samkvæmt
tölum Hagstofunnar og Ferðamála-
stofu. thordis@frettabladid.is
Þrjú þúsund á hverju
kvöldi í norðurljósaferð
Mikil fjölgun hefur verið á ferðamönnum í norðurljósaferðir yfir vetrartímann.
Sérfræðingar gera norðurljósaspá fyrir ferðaþjónustufyrirtækin. Ferðamönnum
yfir vetrartímann hefur fjölgað hlutfallslega meira en á öðrum tíma ársins.
Vetrarferðamennska
l Hlutfall ferðamanna í norður-
ljósaferðum hefur aukist úr
14% í 42% frá 2004/2005 til
2014/2015.
l 30% aukning var á ferða-
mönnum á 1. og 4. ársfjórð-
ungi á árunum 2011-2015.
Norðurljósin eru áhrifarík leið til að lengja ferðamannatímann og auka þannig
stöðugleika í ferðaþjónustu. Fréttablaðið/GVa
Það er mikill
spenningur í
ferðamönnum, það er
klappað og faðmast þegar
norðurljósin sjást
dansandi.
Kristján Daníelsson,
framkvæmdastjóri
Kynnisferða
SamFélag Húsaleiga nemur að
meðaltali um 42 prósentum af ráð-
stöfunartekjum heimilis.
Þetta sýna niðurstöður skoðana-
könnunar sem Gallup gerði fyrir
félags- og húsnæðismálaráðherra.
Um eitt prósent leigjenda greiðir
leigu sem er innan við 25 prósent af
ráðstöfunartekjum heimilisins en
það er það markmið sem sett er fram
í frumvarpi félags- og húsnæðismála-
ráðherra um almennar félagsíbúðir.
Niðurstöðurnar sýna líka að um
90 prósent leigjenda og svipað hlut-
fall íbúðareigenda telja óhagstætt að
leigja íbúðarhúsnæði hér á landi um
þessar mundir og rúmlega 80 pró-
sent aðspurðra í báðum hópum telja
of lítið framboð af hentugu íbúðar-
húsnæði til leigu.
Könnunin var gerð að beiðni ráð-
herra á tímabilinu 19. nóvember til
9. desember. Úrtakið var leigjendur/
eigendur húsnæðis, átján ára og eldri
af öllu landinu.
Í erindi sem Eygló Harðardóttir
hélt á opnum fundi á Grand Hóteli
sagði hún niðurstöðuna vera ótví-
rætt þá að mikil þörf væri á upp-
byggingu leigumarkaðarins hér á
landi auk þess sem húsaleigan væri
almennt há og mörgum einstak-
lingum ofviða.
„Þau húsnæðisfrumvörp sem nú
eru á lokastigi í þinginu munu mæta
brýnni þörf á leigumarkaðnum,
einkum tekjulágra fjölskyldna og
ungs fólks,“ sagði Eygló. – jhh
Leiga tæpur
helmingur
af tekjunum
FerÐaþJónUSta Að jafnaði vinna 22
þúsund manns á þessu ári í ferða-
þjónustu á Íslandi en það eru ríflega
10 prósent starfsmanna á íslenskum
vinnumarkaði.
Líklegt er að um 40 prósent nýrra
starfsmanna í ferðaþjónustu árin
2016 og 2017 komi frá útlöndum
en þeir eru nú sex þúsund.
Þetta er á meðal helstu niður-
staðna sem koma fram í könnun
Stjórnstöðvar ferðamála um
mannaflaþörf og þörf fyrir fræðslu/
hæfni í ferðaþjónustu á Íslandi.
Fyrirtækin vilja helst auka hæfni
í tengslum við þjónustulund og
gestrisni, jákvætt viðmót, sjálfstæð
vinnubrögð og samskiptahæfni.
Mest vantar af fólki í ræstingar/þrif,
starfsmenn í gestamóttöku, eldhús
og veitingasal, leiðsögumenn, sölu-
og afgreiðslufólk og faglærða mat-
reiðslumenn. Erfiðast er að manna í
ræstingar/þrif og í stöður faglærðra
matreiðslumanna. – shá
Mikill fjöldi
kemur að utan
San Fransisco ballettinn sýnir í Hörpu í dag og næstu daga og var á æfingu þegar ljósmyndara Fréttablaðsins bar að garði. Flokkurinn hefur um ára-
tugaskeið verið leiddur af Helga Tómassyni dansara og er elsti starfandi ballettflokkur Bandaríkjanna. Sýningin er hluti af Listahátíð í Reykjavík en
það er Sinfóníuhljómsveit Íslands sem spilar undir. Fréttablaðið/SteFáN
Þau húsnæðisfrum-
vörp sem nú eru á
lokastigi í þinginu
munu mæta brýnni þörf á
leigumarkaðnum.
Eygló
Harðardóttir,
félags- og hús-
næðismálaráðherra
2 8 . m a Í 2 0 1 6 l a U g a r D a g U r2 F r é t t i r ∙ F r é t t a B l a Ð i Ð