Morgunblaðið - 03.09.2019, Blaðsíða 12

12 FRÉTTIRInnlent
MORGUNBLAÐIÐ ÞRIÐJUDAGUR 3. SEPTEMBER 2019
Ágúst Ingi Jónsson
aij@mbl.is
Heildaraflaverðmæti á strandveið-
um sumarsins var um þrír millj-
arðar og hefur heildarafli aldrei ver-
ið meiri á strandveiðum, en þær
hófust sumarið 2009. Ágætt verð
fékkst fyrir aflann og nokkru hærra
en í fyrra. Áætla má að aflaverð-
mæti meðalbátsins hafi verið tæpar
fimm milljónir í sumar en þeir afla-
hæstu hafi fiskað fyrir 13-14 millj-
ónir. Bátum fjölgaði frá síðasta ári
en meðalafli minnkaði hins vegar.
Heildarafli sumarsins var 10.261
tonn og aukning um 5% frá því í
fyrra. Alls komu strandveiðibát-
arnir með 9.162 tonn af þorski í
land, en viðmiðunin var upp á 11.100
tonn í þorski að hámarki. Óveidd
eru því rúm 1.900 tonn af þorski á
strandveiðunum og segist Örn Páls-
son, framkvæmdastjóri Lands-
sambands smábátaeigenda, telja
einsýnt að þau tonn komi til við-
bótar úthlutun næsta árs.
Setjast þurfi niður á næstunni til
að ræða þessa stöðu. Hugsanlega
megi lengja tímabilið í báða enda og
byrja í apríl og hætta í september.
Einnig megi fjölga dögum til veiða í
hverjum mánuði, en nú er heimilt að
veiða fjóra virka daga í hverri viku
frá mánudegi til fimmtudags.
Birta, Kolga, Svala og Ásbjörn
Jón Ingvar Hilmarsson á Birtu
SU frá Djúpavogi var aflahæstur á
strandveiðum sumarsins með 52,4
tonn í 46 róðrum. Veiðisvæði við
landið eru fjögur og á svæði A, frá
Arnarstapa til Súðavíkur, var Kolga
BA aflahæst með tæp 47 tonn í 48
róðrum, á svæði B frá Norðurfirði
til Grenivíkur var Svala EA afla-
hæst með tæp 38 tonn í 45 róðrum,
Birta á C-svæði sem nær frá Húsa-
vík til Djúpavogs og á D-svæði frá
Höfn í Borgarnes var Ásbjörn SF
aflahæstur með rúm 47 tonn í 45
róðrum.
Í spjalli við Jón Ingvar á heima-
síðu Landssambansds smábátaeig-
enda sagði hann strandveiðarnar í
ár hafa verið þær leiðinlegustu frá
upphafi. Bræla nánast upp á hvern
einasta dag sem færði sjaldnast
mikla ánægju. Jón sagðist ánægður
með breytingar sem gerðar hafa
verið á kerfinu. Nauðsynlegt væri
þó að þróa það áfram, til dæmis að
allir dagar mánaðarins væru strand-
veiðidagar til að auðvelda mönnum
að ná 12 dögum í hverjum mánuði.
Aðrar breytingar þyrfti í raun ekki
að gera.
Flestir á A-svæði
Alls lönduðu 623 strandveiðibátar
afla á vertíðinni sem hófst í byrjun
maí og er það fjölgun um 75 báta frá
síðasta ári. Meðalafli á bát í sumar
var 16,5 tonn og er það samdráttur
frá síðasta ári, þegar meðalbáturinn
kom að landi með 17,8 tonn. Erfið
tíð í ágústmánuði gerði mörgum erf-
itt fyrir.
Flestir voru á strandveiðum á A-
svæði eins og áður og þar var mest-
ur meðalalafli. Þar voru líka flestir
róðrar á bát að meðaltali, 28,4, en
meðaltalið yfir landið var 25,6
róðrar.
Ufsi er utan aflaviðmiðunar á
strandveiðum og var landað 829
tonnum af ufsa í sumar.
Fiskuðu fyrir um þrjá milljarða
 Aldrei meiri afli á strandveiðum  Vilja að ónýttar heimildir nýtist næsta sumar  Aflaverðmæti
meðalbátsins tæpar fimm milljónir króna  Birta frá Djúpavogi var aflahæst á vertíðinni í sumar
Aflahæstur Jón Ingvar Hilmarsson á Birtu SU frá Djúpavogi veiddi 52,4 tonn í 46 róðrum.
Morgunblaðið/Líney Sigurðardóttir
Þórshöfn Alfreð Ólafsson, Ísfélaginu, tekur á móti afla frá Agnari Jónssyni á Hrönn.
Á palli:
VIÐAR Smágrár
Opið : 8-18 v i r ka daga, 10-14 laugardaga • S ími 588 8000 • s l ippfe lag id. i s
Á grindverki:
VIÐAR Húmgrár
Viðarvörn
Þórshöfn | Strandveiðitímabilinu
er lokið og reyndist þessi vertíð
með þeim betri hvað varðar veiði
og verð en veðurfar var afleitt.
Yfirleitt náðu menn hámarks-
skammti dagsins, sem er tæp 800
kíló óaðgert, og var það almennt
stór og fallegur þorskur, meirihlut-
inn í stærðarflokknum 8 plús.
„Fiskverðið er miklu betra en í
fyrra en tíðarfarið er hreinasta
hörmung bæði til lands og sjávar,
búið að liggja í norðan- og norð-
austanátt nánast allt heila sumar-
ið,“ sagði Guðmundur Jóhanns-
son, útgerðarmaður á Gunnari KG
á Þórshöfn, en hjá honum tekur
næst við veiði úr byggðakvótanum.
Það var falleg sjón í sumar að
sjá flota strandveiðibátanna sigla
úr höfninni um miðnæturbil því
stefnan var að landa og tilkynna
afla tímanlega fyrir hádegi á Fisk-
markaðinn. Allmargir bátar gerðu
út á strandveiði frá Þórshöfn í
sumar, allt upp í 23 báta í stuttan
tíma, sagði Þorri Friðriksson,
hafnarvörður á Þórshöfn. Bátarnir
færðu sig einnig á milli hafna eftir
því hvernig veiddist og margir voru
á Bakkafirði, sem er næsta höfn
austan Þórshafnar.
Strandveiðisjómenn og aðrir
sem leggja upp á Þórshöfn áttu
svo ánægjulegt laugardagskvöld í
boði Langanesbyggðar í lok
strandveiðanna, þá var grillað og
glatt á hjalla. Ekki var fiskur á grill-
inu heldur íslenskt lambakjöt og
var veislan í umsjón hafnarstarfs-
manna, þar sem listakokkar og
matgæðingar stóðu sig vel.
Gott verð, afleitt veður
STRANDVEIÐISJÓMENN Á ÞÓRSHÖFN GERÐU SÉR GLAÐAN DAG
Tálknafjarðarhöfn var þétt setin í
síðustu viku og mannlífið blómstr-
aði. Hvergi var pláss að hafa þegar
mest lét og segir Karl Ágúst Gunn-
arsson hafnarvörður að sjaldan eða
aldrei hafi verið jafn mikill erill við
höfnina á sama tíma.
Loftmynd sem fréttaritari
Morgunblaðsins tók sýnir vel hve
höfnin var þétt setin. Við höfnina
voru tveir legubátar, þrjú þjón-
ustuskip og tvö fóðurskip, sem öll
vinna fyrir laxeldisfyrirtækin á
suðursvæði Vestfjarðar. Einnig lá
seglskipið Lord Nelson við bryggju,
en skipið er á hringferð um landið,
kom til Tálknafjarðar frá Flatey á
Breiðafirði og síðan lá leiðin norður
á Siglufjörð. Einnig voru nokkrir
smábátar við bryggju en nú er
strandveiðunum lokið í bili.
„Höfnin var nánast full í þrjá eða
fjóra daga og þegar kvöldaði var
ljósadýrðin mikil og falleg að sjá,
einkum frá seglskipinu,“ sagði Karl
Ágúst við Morgunblaðið í gær.
Hann segir umferð um höfnina
hafa stóraukist á árinu og þar
skipti mestu umsvif laxeldisfyrir-
tækjanna.
Hvergi laust pláss við
höfnina á Tálknafirði
Morgunblaðið/Guðlaugur Albertsson
Tálknafjörður Höfnin var þétt setin og hvergi pláss við bryggjukantana.