Morgunblaðið - 03.09.2019, Page 35

Í LAUGARDAL
Kristján Jónsson
kris@mbl.is
„Ég er mjög ánægð með að fá sex
stig út úr þessu verkefni vegna þess
að leikir sem þessir eru oft drullu-
erfiðir. Við sáum í þessum í þessum
leik að þær slóvakísku voru grimm-
ar og léku þéttan varnarleik. Því er
erfitt að brjóta svona lið á bak aftur
en sem betur fer náðum við að koma
einu inn,“ sagði vinstri bakvörðurinn
Hallbera Guðný Gísladóttir þegar
Morgunblaðið tók hana tali á
Laugardalsvellinum eftir sigurinn á
Slóvakíu. Ísland vann Ungverjaland
4:1 í fyrsta leik sínum í riðlinum á
fimmtudag. Leikirnir voru fremur
ólíkir, því þær ungversku reyndu að
sækja meira en lið Slóvakíu.
„Mér fannst Ungverjarnir pressa
aðeins meira á okkur og reyna að
sækja en Slóvakía reyndi ekki mikið
að sækja og lét okkur eftir að
stjórna leiknum. En það má hrósa
þeim fyrir hversu vel þær vörðust
og það verður erfitt að mæta þeim í
Slóvakíu,“ benti Hallbera á.
Íslensku landsliðskonurnar
þurftu að vera þolinmóðar að þessu
sinni enda kom markið ekki fyrr en
eftir 65 mínútur. „Við töluðum um
það í hálfleik að í síðasta leik var
einnig jafnt eftir fyrri hálfleik. Þá
tókst okkur að vinna nokkuð sann-
færandi og við vorum því nokkuð ró-
legar. En ég viðurkenni að það var
léttir að sjá boltann fara inn. Við
vorum aðeins kærulausar undir lok-
in en ég held að sigurinn hafi verið
mjög sanngjarn.“
„Viljum fá fleiri á völlinn“
Íslenska liðið er nýfarið af stað í
nýja undankeppni og með nýtt þjálf-
arateymi. Hallbera er sátt við gang
mála. „Ég er eiginlega mjög sátt við
þessa fyrstu tvo leiki. Ég hefði svo
sem viljað halda markinu hreinu í
þeim báðum en við unnum þá alla-
vega nokkuð sannfærandi. Næst
viljum við helst fá fleira fólk á völl-
inn. Í þessum leikjum var fámennt
en góðmennt. Á heildina litið er ég
nokkuð sátt við byrjunina í keppn-
inni. Leikirnir gegn liðum frá Aust-
ur-Evrópu eru orðnir erfiðari en áð-
ur því liðin eru orðin miklu betri.
Mér finnst ganga vel að aðlagast
þjálfaraskiptunum en það eru ekki
brjálæðislega miklar áherslubreyt-
ingar í leik okkar. Við höldum í það
sem við höfum gert vel að undan-
förnu og höldum í okkar gildi. Inn í
hópinn hafa komið nýir leikmenn
sem standa sig frábærlega eins og
Agla María og Hlín. Mesta breyt-
ingin er að ný kynslóð er að koma
inn með ferska fætur. Við sem höf-
um verið lengi í þessu þekkjum hver
aðra mjög vel og þetta er nokkuð
smurt hjá okkur. Jón Þór kemur
með öðruvísi kraft en Freysi (Freyr
Alexanderson) og ég er mjög ánægð
með það sem gerst hefur hingað til,“
sagði Hallbera, en riðlinum lýkur á
tveimur leikjum við Svía á næsta ári.
„Ég held að það muni henta okkur
ágætlega. Vonandi verður þá pakk-
að í stúkunni í Laugardalnum.
Stefnan er að fá úrslitaleiki gegn
Svíum og sjá hvað við getum gert
gegn bronsliði HM,“ sagði Hallbera
í samtali við Morgunblaðið.
Liðin í A-Evrópu
orðin miklu betri
Morgunblaðið/Kristinn Magnússon
Reynd Hallbera með boltann í gær
en hún var mjög ógnandi.
 Léttir að sjá boltann fara inn
Morgunblaðið/Kristinn Magnússon
ÍÞRÓTTIR 35
MORGUNBLAÐIÐ ÞRIÐJUDAGUR 3. SEPTEMBER 2019
Smáralind | Kringlunni | Reykjanesbæ | Akranesi | Sími 511 2022 | dyrabaer.is
ULTRA
KATTASANDUR
– fyrir dýrin þín
■■■ Sporast lítið
■■■ Lyktarlaus
■■■ Frábær lyktareyðing
■■■ Náttúrulegt hráefni
■■■ 99.9% rykfrír
■■■ Klumpast vel
Eitt
ogannað
 Ari Sigurpálsson, sextán ára gam-
all knattspyrnumaður úr HK, hefur
verið lánaður til ítalska félagsins Bol-
ogna til næsta vors. Bologna hefur
forkaupsrétt á honum til þess tíma.
Ari er 16 ára gamall sóknarmaður og
hefur á síðustu dögum leikið tvo
fyrstu leiki sína með HK í úrvalsdeild-
inni. Hann á að baki ellefu leiki með
yngstu landsliðum Íslands.
 Karlalið Stjörnunnar í körfuknatt-
leik hefur fengið til liðs við sig banda-
ríska miðherjann Akoh Jamar. Hann er
23 ára gamall og útskrifaðist úr Mont-
ana-háskóla í vor. Jamar er af níger-
ísku bergi brotinn en fæddur í Kali-
forníu og hann er 2,03 metrar á hæð.
Hann var búinn að semja við franska
A-deildarliðið Roanne Choir en var lát-
inn fara eftir tvær vikur þar.
 Útlit er fyrir að Sverrir Pálsson,
lykilmaður í varnarleik Íslandsmeist-
ara Selfoss í handknattleik síðasta
vetur, verði lítið eða ekkert með liðinu
á komandi tímabili. Sverrir staðfesti
við sunnlenska.is í gær
að hann hefði slitið
krossband í hné og
færi í aðgerð vegna
þess í lok sept-
ember. Þetta er
mikið áfall
fyrir Selfyss-
inga, en
Sverrir
steig fram
á síðasta
tímabili
sem einn
besti varnar-
maður
deildar-
innar.
1:0 Elín Metta Jensen 65. fékk bolt-
ann inn í vítateiginn eftir langa send-
ingu Glódísar Perlu og skalla Gunn-
hildar Yrsu aftur fyrir sig – sneri
laglega á varnarmann og skaut í
hægra hornið.
I Gul spjöldHarsányová (Slóvakíu) 21.
Ísland: (4-3-3) Mark: Sandra Sig-
urðardóttir. Vörn: Ásta Eir Árna-
dóttir, Glódís Perla Viggósdóttir, Ingi-
björg Sigurðardóttir, Hallbera Guðný
Gísladóttir. Miðja: Gunnhildur Yrsa
Jónsdóttir, Sara Björk Gunnarsdóttir,
Dagný Brynjarsdóttir (Berglind Björg
ÍSLAND – SLÓVAKÍA 1:0
Þorvaldsdóttir 79). Sókn: Svava Rós
Guðmundsdóttir (Hlín Eiríksdóttir
55), Elín Metta Jensen, Fanndís Frið-
riksdóttir (Agla María Albertsdóttir
62).
Slóvakía: (4-5-1) Mark: Maria Ko-
renciová. Vörn: Alexandra Hollá, Lu-
cie Harsányová, Diana Bartovicová,
Andrea Horváthová. Miðja: Patríia
Hmíová , Alexandra Bíróová (Valent-
ína Susolová 87), Mária Mikolajová,
Dominika Skorvánková, Jana Voj-
eková (Martina Surnovská 67).
Sókn: Klaudia Fabová (Veronika
Sluková 86).
Dómari: Irena Velavackoska,
Norður-Makedóníu.
Áhorfendur: 2.326.
Alþjóðaknattspyrnu-
sambandið, FIFA, hefur
tilnefnt þrjá bestu leik-
menn í karla- og
kvennaflokki sem koma
til greina sem leikmenn
ársins. Kjörinu verður
lýst í Mílanó á Ítalíu
hinn 23. þessa mánaðar.
Hjá körlunum eru
það Lionel Messi, Crist-
iano Ronaldo og Virgil
van Dijk, en sá síðast-
nefndi var á dögunum
valinn leikmaður ársins
í Evrópu þar sem hann
hafði betur í baráttunni
við þá Messi og Ron-
aldo.
Hjá konunum eru tilnefndar Lucy Bronze (Englandi), Alex Morgan
(Bandaríkjunum) og Megan Rapinoe (Bandaríkjunum), en Bronze var í síð-
ustu viku valin besta knattspyrnukona Evrópu.
Pep Guardiola, Jürgen Klopp og Mauricio Pochettino eru tilnefndir sem
bestu þjálfarar í karlaflokki og í kvennaflokki eru það Jill Ellis (Bandaríkj-
unum), Phil Neville (Englandi) og Sarina Wiegman (Hollandi).
Sem bestu markmenn í karlaflokki eru tilnefndir þeir Allison (Liver-
pool), Ederson (Manchester City) og Marc-André ter Stegen (Barcelona) og
hjá konunum eru það Christiane Endler (Síle), Hedvig Lindahl (Svíþjóð) og
Sari van Veenendaal (Hollandi). gummih@mbl.is
Sömu þrír í slagnum hjá FIFA
Best Virgil van Dijk og Lucy Bronze voru út-
nefnd besta knattspyrnufólk Evrópu.