Morgunblaðið - Sunnudagur - 08.09.2019, Blaðsíða 29

fjölbreyttar. „Það eru bæði mjög
stressandi og hraðar einstaklings-
keppnir og hægari grúskþrautir.“
Keppendur þáttarins mynda fjöl-
breyttan hóp en eiga það flestir sam-
eiginlegt að vinna beint með íslensk-
una. „Það eru tónlistarmenn, rithöf-
undar, dagskrárgerðarfólk, ljóðskáld
og blaðamenn,“ segir Björg en aldurs-
dreifing keppenda er auk þess nokkur.
„Ekkert verra“ að hafa
Braga
Björg og Bragi semja allar þrautir og
spurningar sem bornar eru fram í
þættinum. Björg hefur starfað í um 15
ár í fjölmiðlum, gefið út tvær bækur
og því þrifist í íslenskunni lengi. „Svo
er maður er náttúrulega með mann
eins og Braga sér við hlið sem er með
doktorspróf í öllu sem viðkemur ís-
lenskunni. Við getum sagt að það sé
ekkert verra,“ segir Björg sposk.
Þættirnir voru teknir upp í vor og
segir Björg að það verði að ráðast
hvort fleiri verði gerðir. „Við erum
mjög spennt fyrir því að þróa þátt-
inn áfram því við höfum mjög mikla
trú á honum.“
Björg segist hlakka til að þáttur-
inn fari af stað en geti lítið gert í því
hvernig fólk taki honum. „Maður
býr sig undir það versta en vonar
það besta.“
Handritshöfundur
Ráðherrans
Björg situr ekki auðum höndum og
er nóg um að vera hjá henni fyrir
utan Kappsmál. Hún er einn hand-
ritshöfunda að þáttaröðinni Ráð-
herranum, sem Saga Film fram-
leiðir fyrir RÚV, en tökum á henni
lauk í sumar. Þá vinnur hún að
handriti að annarri þáttaröð fyrir
Saga Film um þessar mundir en
ráðgert er að farið verði í tökur á
henni næsta vor.
„Ég er mikill aðdáandi
stjórnmálasjónvarpsþátta eins og
Borgen og West Wing og mér fannst
fullt tilefni að gera atlögu að því að
skrifa þætti um íslensk stjórnmál og
nota þannig okkar þjóð, menningu
og sögu sem efnivið,“ segir Björg um
aðdraganda þess að hún fór í hand-
ritsskrif að þáttaröðinni.
„Við vorum nokkur í þessu teymi,
þar sem maður gerir ekkert einn
þegar kemur að sjónvarpi. Þetta tók
svolítinn tíma en það er mjög
ánægjulegt að nú sé tökum lokið.
Þetta fer svo á skjáinn eftir um það
bil ár,“ segir Björg, en í heild sinni
tóku skrifin um það bil fimm ár svo
að mikil þolinmæði er nauðsynleg í
þessu fagi.
Besti samstarfsmaður í
heimi
Björg sér einnig um útvarpsþátt á
laugardagsmorgnum á Rás 2 ásamt
Gísla Marteini Baldurssyni. Er Gísli
ausinn lofi af Björgu. „Gísli er besti
samstarfsmaður í heimi. Ég get
ekki ímyndað mér betri mann til
þess að vakna með á laugardags-
morgni.“
Björg Magnúsdóttir og Bragi
Valdimar Skúlason stýra nýj-
um leikjaþætti sem hóf göngu
sína á föstudagskvöld.
Morgunblaðið/Eggert
8.9. 2019 MORGUNBLAÐIÐ SUNNUDAGUR 29
Rjóminnaf ísnum
ÞRETTÁN Leikkonan Grace Saif,
sem leikur eitt aðalhlutverkanna í
nýrri þáttaröð 13 Reasons Why, hef-
ur neyðst til að hætta á Instagram,
eða svo virðist að minnsta kosti vera.
Aðdáendur þáttanna eru ekki
ánægðir með hve stórt hlutverk Ani,
sem Saif leikur, fær í þáttaröðinni,
sem er sú þriðja í röðinni. Telja þeir
fáranlegt að hún sé ein stærsta per-
sóna þáttaraðarinnar og hafa látið
Saif heyra það á samfélagsmiðlum.
Hefur hún eytt öllum myndum sín-
um af áðurnefndum samfélagsmiðli.
Hætt á gramminu
Saif í hlutverki sínu sem Ani.
Ljósmynd/Netflix
BÓKSALA Í ÁGÚST
Tekið saman af Félagi íslenskra bókaútgefenda
1 Sapien Yuval Noah Harari
2 Feilspor Maria Adolfsson
3 Svört perla Liza Marklund
4 Annabelle Lina Bengtsdotter
5 Keto Gunnar Már Sigfússon
6 Verstu börn í heimi 3 David Walliams
7 Blóðbönd Roslund & Thunberg
8 Kennarinn sem hvarf Bergrún Íris Sævarsdóttir
9 Qaanaaq Mo Maloø
10
Óvænt endalok
– bernskubrek
Ævar Þór Benediktsson
11 Sumareldhús Flóru Jenny Colgan
12 Til í að vera til Þórarinn Eldjárn
13 Allt hold er hey Þorgrímur Þráinsson
14
Konungur ljónanna
– þrautabók
Walt Disney
15
Í alvöru ekki opna
þessa bók
Andy Lee
16 Ég elska einhyrninga
17
Blesa og leitin að
grænna grasi
Lára Garðarsdóttir
18 Sara Árelía Eydís Guðmundsdóttir
19 Fleiri Korkusögur Ásrún Magnúsdóttir
20 Risastóri krókódíllinn Roald Dahl
Allar bækur
Fashionopolis: The Price of Fast Fashion and the
Future of Clothes er ný bók eftir blaðamanninn og
rithöfundinn Dana Thomas. Hún hefur ferðast um
heiminn til að kynna sér tækninýjungar sem geta
snúið við þeirri þróun sem hefur átt sér stað í fata-
framleiðslu. Fataiðnaðurinn framleiðir 80 milljarða
flíka á hverju ári enda er pressan mikil á fólki að
kaupa sér sífellt eitthvað nýtt til að klæðast. Auk
þess fer framleiðslan illa með starfsmenn og umhverfið og því ekki
seinna vænna að eitthvað sé gert í málinu.
ÁHUGAVERÐAR BÆKUR
Ég er nýflutt til Kaupmannahafnar
og hef því aðeins reynt að dusta
rykið af mennta-
skóladönskunni í
sumar. Ég las þess
vegna smásagna-
safnið Velsignelser
eftir unga danska
skáldkonu, Caroline
Albertine Minor.
Sögurnar fjalla allar um sorg, á
einn eða annan hátt, og lýsir Mi-
nor erfiðum aðstæðum afar vel.
Hún slengir framan í mann óþægi-
legum sannleiknum en gerir það í
senn af mikilli nærgætni. Frásögn-
in verður þannig bæði hrá og fal-
leg.
Nýverið lauk ég einnig við
skáldsöguna Út að
stela hestum eftir
Norðmanninn Per
Petterson sem sló í
gegn fyrir um 15 ár-
um. Ástæðan fyrir
því að ég las hana
núna er sú að út var
að koma kvikmynd gerð eftir bók-
inni sem mig langar mikið að sjá
og ég er ein af þeim sem vilja
gjarnan lesa bókina áður en þeir
sjá myndina. Yfir verkinu ríkir full-
komin blanda af spennu og kyrrð;
sögusviðið er þéttur skógur sem
geymir ótal leyndarmál. Ég var of-
boðslega hrifin af skáldsögunni og
mæli heilshugar með henni.
Á náttborðinu liggur svo Etýður
í snjó eftir hina japönsku Yoko Ta-
wada sem ég fékk
að gjöf fyrir nokkru
en hef ekki enn gefið
mér tíma til að
glugga í. Ég er græn-
keri af lífi og sál og
því hefur gefand-
anum líklega þótt
við hæfi að fela mér bók sem sögð
er frá sjónarhóli dýra. Í henni segja
þrjár kynslóðir ísbjarna sögu sína.
Á tímum sem þessum þykir mér
vel við hæfi að velta upp spurn-
ingum um það hvernig við kom-
um fram við dýrin sem deila jörð-
inni með okkur og ég hlakka þess
vegna mikið til þess að kynnast
aðalpersónum bókarinnar og
þeirra hlið á málum.
RAGNHEIÐUR ER AÐ LESA
Sannleiknum slengt
framan í mann
Ragnheiður
Birgisdóttir er
meistaranemi í
bókmennta-
fræði.