Morgunblaðið - 19.11.2019, Síða 29

MENNING 29
MORGUNBLAÐIÐ ÞRIÐJUDAGUR 19. NÓVEMBER 2019
Einar Falur Ingólfsson
efi@mbl.is
Í flóðinu sem olli miklum skemmdum
í Feneyjum aðfaranótt fimmtudags í
síðustu viku flæddi inn í íslenska sýn-
ingarskálann sem er á eyjunni Giu-
decca. Olli saltvatnið skemmdum á
ljósum á gólfi sem eru hluti af hinni
viðamiklu innsetningu Hrafnahildar
Arnardóttur – Shoplifter sem hún
kallar Chromo Sapiens. Þurfti að
endurnýja ljósin og jafnframt þurrka
salarkynnin og hluta verksins en það
er úr litríku gervihári.
Helga Björg Kerúlf, stjórnandi
Kynningarmiðstöðvar íslenskrar
miðstöðvar (KÍM), segir að í flóðinu
þessa umræddu nótt hafi verkið sjálft
ekki skemmst heldur ljós sem lágu á
gólfinu og lýsa það upp. „Það þurfti
að hafa snör handtök, ný ljós voru
sett inn nú um helgina og við opnum
skálann aftur á morgun [í dag, þriðju-
dag].“ Skálinn var því lokaður í fimm
daga. Fram undan eru síðustu dagar
Feneyjatvíæringsins, sem hefur stað-
ið síðan í maí, en þá streymir ætíð
fjöldi fólks að til að skoða sýning-
arnar. Von er á listakonunni Hrafn-
hildi, sem er búsett í New York, og
segir Helga að hún verði á sýning-
unni síðustu dagana, fram á sunnu-
dag, ræði við gesti og verði með leið-
sögn.
Önnum kafin við að þurrka
Helga segir það hafa komið í ljós á
miðvikudagskvöldið var að tekið var
að flæða upp á götur og torg Giu-
decca, sem sé afar óvenjulegt. „Þá
tókum við að undirbúa að mögulega
gæti flætt inn í skálann, eins og gerð-
ist,“ segir Helga.
Fjórir starfsmenn annast yfirsetu
og umsýslu skálans og hafa þeir síðan
flæddi verið önnum kafnir við að
hreinsa skálann og þurrka verkið.
Helga segir að arkitekt búsettur í
Feneyjum sem hafi unnið fyrir KÍM
hafi tekið að sér að stýra verkinu. Þá
hafi það flýtt fyrir endurbótunum að
Michal Jurewicz, eiginmaður Hrafn-
hildar, hafi verið staddur í Póllandi og
hafi komið þaðan með ný ljós að setja
upp í verkinu. Segir Helga aðstand-
endur KÍM þakkláta fyrir þraut-
seigju starfsmanna sinna og eins fyr-
ir skjót viðbrögð Michal.
Metaðsókn að skálanum
Helga segir að metaðsókn hafi ver-
ið í íslenska skálann í ár, en yfir 35
þúsund manns hafi séð verkið. Þegar
mest var komu 643 á einum degi.
„Þetta hefur gengið mjög vel og því
borgaði sig að reyna að opna skálann
aftur,“ segir hún.
Framan af var sýningin opin sex
daga vikunnar en Helga segir að eftir
að í ljós kom að gestir mættu á stað-
inn alla daga vikunnar og vildu skoða
hafi verið ákveðið að auka þjónustuna
og hafa opið alla daga.
„Við höfum fengið mikil viðbrögð
frá vonsviknu fólki sem hefur komið
að skálanum síðustu daga og ekki
getað séð verkið,“ segir Helga.
„Margir hafa biðlað til okkar að opna
aftur og hafa opið út næstu helgi, eins
og alltaf stóð til.“
Helga segir að eftir flóðið hafi verið
athugað hvort tryggingar bættu tjón-
ið en svo reyndist ekki vera, þar sem
um náttúruhamfarir var að ræða.
„En sem betur fer skemmdust ljós-
in bara og þau voru ekki stærsti
kostnaðarliðurinn í verkinu,“ segir
hún. Einkennisefni Hrafnhildar, hár-
ið sem hún notar í verkið, er gervihár
sem hægt er að þurrka. Helga segir
að upplifun gesta af verkinu næstu
daga verði þó mögulega eitthvað önn-
ur en áður, þar sem nú muni þau ekki
hvetja fólk til að leggjast á gólfið,
„kúra og velta sér upp úr verkinu
eins og það hefur notið að gera. Það
er enn svolítið rakt en ekki skemmt,“
segir hún.
Chromo Sapiens verður sett upp í
Listasafni Reykjavíkur – Hafnarhúsi
í janúar næstkomandi.
Flóð ollu skemmdum á ís-
lenska Feneyjaskálanum
Morgunblaðið/Einar Falur
Í verkinu Gestir hafa iðulega notið þess að láta fara vel um sig í verki
Hrafnhildar, liggjandi á gólfinu. Gólfið er að líkindum rakt núna.
 Hefur verið lok-
aður í fimm daga en
verður opnaður í dag
Steinunn Önnudóttir myndlistar-
kona tók í gær í Listasafni Íslands
við styrk úr Styrktarsjóði Svavars
Guðnasonar listmálara og Ástu Ei-
ríksdóttur en styrkurinn nemur
einni milljón króna. Markmið
sjóðsins er að styrkja efnilega
unga myndlistarmenn og er veitt
úr honum á tveggja ára fresti.
Steinunn er 19. listamaðurinn sem
hlýtur styrk úr sjóðnum frá árinu
1995.
Steinunn, sem er fædd árið
1984, nam bæði grafíska hönnun
og myndlist við Gerrit Rietveld
Academie í Amsterdam. Hún hef-
ur tekið þátt í sýningum víða um
lönd og jafnframt sett upp einka-
sýningar, síðast í D-sal Listasafns
Reykjavíkur. Þá rekur hún sýn-
ingarýmið Harbinger við Freyju-
götu.
Steinunn segir afar ánægjulegt
að veita þessum styrk viðtöku. Þá
hafi hann komið á mjög góðum
tíma fyrir sig. „Það er erfitt að
vera listamaður á Íslandi og horfa
fram á veginn því það er enginn
hafsjór af tækifærum. Þá er gott
að fá klapp á öxlina og hvatningu
um að halda áfram,“ segir Stein-
unn en framundan hjá henni er
þátttaka í ýmsum samsýningum og
vinna við leikmynd barnaleikrits.
„Það er yljandi að finna svona
tiltrú,“ segir hún.
Samkvæmt upplýsingum frá
Listasafni Íslands bárust 67 um-
sóknir um styrkinn og „margar
mjög góðar“.
Verðlaunahafinn Matthías Matthíasson afhenti Steinunni styrkinn.
Steinunn hlaut styrk
Svavars og Ástu
Ljósmynd/Sigurður Gunnarsson
»Útgáfu fimm nýrra verka
í Pastel-ritröðinni var
fagnað í Mengi á laugar-
daginn var. Nú eru 19 rit
komin út í röðinni, eftir ólíka
rithöfunda og myndlistar-
menn, en þau eru gefin út í
100 tölusettum eintökum.
Höfundar nýju ritanna eru
Áki Sebastian Frostason,
Brynhildur Þórarinsdóttir,
Haraldur Jónsson, Jónína
Björg Helgadóttir og Þórður
Sævar Jónsson.
Margir kynntu sér fimm ný Pastelrit í Mengi
Fjölbreytileg Áhugasamir gestir hlýddu á höfundana kynna rit sín og lesa
upp. Í þeim nýju eru til að mynda örsögur, örleikrit og dagbókarbrot.
Fjöllistamaður Magnús Þór Jónsson – Megas – var meðal gesta í
Mengi, en hann var höfundur Pastel-rits númer fjögur.
Höfundur Brynhildur Þórarins-
dóttir las upp úr örleikritum.
Morgunblaðið/Hari
Dalvegi 16c | 201 Kópavogur | Sími 568 6411 | rafvorur@rafvorur.is
Amerísk heimilistæki
rafvorur.isRAFVÖRUR ehf
Þvottavélar
og þurrkarar
sem taka
10-17 kg