Morgunblaðið - Sunnudagur - 17.11.2019, Blaðsíða 22

22 MORGUNBLAÐIÐ SUNNUDAGUR 17.11. 2019
LÍFSSTÍLL
ÞÚ ÁTT SKILIÐ ÞAÐ BESTA
www.alver.is S: 896 4040 LauraStar á Íslandi
LauraStar Lift
Létt og meðfærilegt Straujar – gufar – hreinsar
Morgunblaðið/Ómar
Raddir
barna
heyrast
Barnaþingið sem haldið
verður í Hörpu dagana 21.
og 22. nóvember er fyrsta
þing sinnar tegundar hér á
landi. Börn hvaðanæva af
landinu taka þátt í þinginu
en því er ætlað að efla
börn til þátttöku í
lýðræðislegri umræðu um
málefni sem snerta þau.
Tillögur barnaþingsins
munu hafa bein áhrif á
aðgerðaáætlun sem nú er í
undirbúningi um aukna
þátttöku barna í
stefnumótun.
Ásdís Ásgeirsdóttir asdis@mbl.is
Um 160 börn voru valin meðslembiúrtaki úr þjóðskrátil þess að taka þátt í
barnaþingi sem haldið verður dag-
ana 21. og 22. nóvember í Hörpu.
Morgunblaðið náði tali af Matthíasi
Loftssyni, tólf ára, Elínu Salbjörgu
Agnarsdóttur, þrettán ára, og El-
ínu Eddu Arnarsdóttur, tólf ára.
Undirbúningur hefur staðið síðan í
maí en börnin hafa fundað á net-
inu.
„Við höfum rætt um hvað við
viljum tala um á þinginu og hvern-
ig við getum verið tilbúin,“ segir
Elín Edda.
„Við ætlum að tala um hvað sé
hægt að bæta fyrir börn,“ segir El-
ín Salbjörg.
„Og um réttindi barna,“ segir
Elín Edda en hún segist hafa hugs-
að um réttindi barna eftir að skól-
inn fékk heimsókn frá UN Women.
„Ég vissi fyrst ekki hvað það var
en ég heyrði þá um börn sem voru
látin giftast og eignast börn.“
Hverju mynduð þið vilja koma á
framfæri við stjórnvöld?
„Ég myndi vilja fá betri mat í
skólanum,“ segir Matthías.
Stelpurnar segjast vilja setja
loftslagsmálin á oddinn og fylgjast
þær með baráttu Gretu Thunberg.
„Mér finnst hún frábær mann-
eskja því þótt hún sé svona ung er
hún að breyta svo miklu. Hún sýnir
að það er létt að breyta hlutunum
en stjórnvöld láta eins og það sé
rosa erfitt,“ segir Elín Edda. „En
það er örugglega hægt,“ segir hún.
Hvernig sjáið þið fyrir ykkur
framtíðina?
„Það fer eftir því hvort við ger-
um eitthvað í loftslagsmálum hvort
við getum bjargað einhverju,“ seg-
ir Elín Edda.
Hafið þið áhyggjur af heiminum?
Börnin svara öll játandi.
„Ef við grípum ekki inn í þá
eyðileggjum við allt líf á jörðinni,“
segir Elín Salbjörg.
Finnst ykkur að það sé hlustað á
börn?
„Það mætti vera meira því börn
eru mjög hugmyndarík og með
meira ímyndunarafl,“ segir Elín
Edda.
„Þetta er líka framtíðin okkar,“
segir Elín Salbjörg.
„Þetta er fram-
tíðin okkar“
Reykjavíkurbörnin Elín Edda, Matthías og Elín Sal-
björg taka þátt í barnaþingi í næstu viku. Þau segj-
ast spennt fyrir að fá að láta raddir sínar heyrast.
Elín Salbjörg, Elín Edda og Matthías ætla að taka þátt í barnaþingi en þau hafa öll áhyggjur af heiminum.
Morgunblaðið/Ásdís