Morgunblaðið - Sunnudagur - 01.12.2019, Qupperneq 2

Eru Þorri og Þura komin í jólaskap?
Heldur betur. Þorri og Þura eru rosalegir jóla-
álfar og á hverju ári í kringum jólin kíkja þau í
heimsóknir á leikskóla úti um allt land. Núna í
desember verða þau í Tjarnarbíói með sýninguna
Jólaævintýri Þorra og Þuru. Þessi splunkunýja sýn-
ing er uppfull af jólagleði og skemmtilegri tónlist. Afi
hans Þorra er í heimsókn og biður þau Þuru að passa jóla-
kristalinn sem er uppspretta allrar jólagleði í öllum heiminum.
En það gengur alls ekki nógu vel hjá þeim því þau slökkva
óvart á honum. Þorri og Þura leggja af stað í ævintýraferð til
að finna leið til að kveikja aftur á kristalnum og finna jólagleð-
ina í hjarta sínu. Þau lenda í ýmsum hremmingum, en allt fer þó
vel að lokum.
Hvernig kviknaði hugmyndin að jólaleikritinu?
Álfarnir Þorri og Þura eru búin að vera starfandi í 11 ár en í
hugmyndin af þessu leikriti kviknaði í kjölfar jólaþáttanna
Týndu jólin sem sýndir voru á RÚV í fyrra.
Hvað er það skemmtilegasta við að vinna með
börnum?
Börn eru hugmyndarík og opin. Þau eru bestu gagnrýnendurnir því þau
segja það sem þeim finnst. Börn eru gjarnan fordómalaus og forvitin.
Hvað er svo framundan hjá þér?
Við í leikhópnum Miðnætti, sem stendur fyrir Jólaævintýri Þorra og Þuru,
erum að fara í leikferð til Japans á heimsþing ASSITEJ með sýninguna
okkar Á eigin fótum. Einnig erum við með fleiri verkefni í bígerð en Djákn-
inn á Myrká, Sagan sem aldrei var sögð verður sýnd í samkomuhúsinu á
Akureyri og í Tjarnarbíói í febrúar og mars.
Morgunblaðið/Árni Sæberg
AGNES WILD
SITUR FYRIR SVÖRUM
Í FÓKUS
2 MORGUNBLAÐIÐ SUNNUDAGUR 1.12. 2019
Eitt skemmtilegasta nýyrðið sem heyrist nánast daglega er orðið áhrifa-valdur. Töff orð sem felur bæði í sér völd og áhrif, hvorki meira néminna. Fyrir þá sem eru komnir af léttasta skeiði, eins og undirrituð, þá
þýðir það í stuttu máli sá sem er notandi samfélagsmiðla og hefur fjölda fylgj-
enda, oftast nokkur þúsund eða fleiri. Áhrifavaldar fá oft tekjur af að kynna
vöru og geta haft ágætt upp úr krafsinu. Hjá sumum er þetta alvöru starf!
En fyrir hvað er þetta fólk þekkt og hvaða áhrif vill það hafa? Fyrst og
fremst virðist vera nauðsynlegt að hafa útlitið með sér. Eða að vera að gera
eitthvað spennandi, eins og að bjarga
fálkum, sörfa í sjónum eða ferðast um
heiminn. Nú eða bara að þrífa húsið
sitt, eins og Sólrún Diego gerir.
Verst er að ég veit yfirleitt ekkert
hvaða fólk þetta er! Um daginn var til
dæmis frétt um einhverja Sunnevu
sem er víst áhrifavaldur og er þekkt
fyrir stæltan rass. Hún gefur fólki
góð líkamsræktarráð og er það gott
og blessað.
Fleiri fréttir af áhrifavöldum birt-
ast á netinu: „Aðalsteinn á tvo syni úr
fyrra hjónabandi sínu með áhrifa-
valdinum Ernu Hrund Her-
mannsdóttur.“ „Benedikt Bjarnason,
sonur Bjarna Benediktssonar fjármálaráðherra, virðist vera alveg brjálaður í
kærustu sína, áhrifavaldinn Sunnevu Einarsdóttur.“ Líklega er það sama
Sunneva og gefur okkur stælta rassinn. Eða?
Og svo er það áhrifavaldurinn Lína Birgitta Sigurðardóttir sem segir okkur
að það sé ekki bara gamalt fólk á Kanarí.
Flott hjá þeim, en hvaða fólk er þetta eiginlega?
Ég hef að minnsta kosti ekki orðið fyrir neinum áhrifum frá áhrifavöldum
þessum, eða nokkrum öðrum ef því er að skipta. Ekki svo ég viti alla vega.
Ég er hins vegar að stefna að heimsyfirráðum kattarins míns. Hann Herra
Gullbrandur minn er með sinn eigin Instagram-reikning undir nafninu Mr.
Goldenstripes. Við ákváðum að hafa nafnið á ensku, enda á hann nánast bara
erlenda vini. Og svo er einhver James Bond-bragur yfir nafninu.
Hann er kominn með 1.035 fylgjendur sem hann hefur gríðaleg áhrif á dag-
lega með sínu sniðuga lífi. Verst er að flestir vinir hans eru kettir, þannig að ég
veit ekki hversu mikið það skilar sér.
Og ég er enn ekkert farin að græða á kettinum!
Áhrifavaldurinn
Mr. Goldenstripes
Pistill
Ásdís
Ásgeirsdóttir
asdis@mbl.is
’Hann er kominn með1.035 fylgjendur semhann hefur gríðaleg áhrifá daglega með sínu snið-
uga lífi. Verst er að flestir
vinir hans eru kettir.
Helgi Sigurbjartsson
Nei, enga. Eða jú, eina! Keypti
barnahjól handa yngsta barna-
barninu.
SPURNING
DAGSINS
Ertu
búin(n) að
kaupa
margar
jólagjafir?
Íris Kara Heiðarsdóttir
Þrjár. Handa frænkum mínum.
Sævar Stefánsson
Nei, nú fer ég að huga að því.
Ása Viðarsdóttir
Enga. Ég þarf að kaupa svo fáar að
það liggur ekkert á.
Ritstjóri Davíð Oddsson
Ritstjóri og framkvæmdastjóri Haraldur Johannessen
Aðstoðarritstjóri og umsjón Karl Blöndal kbl@mbl.is
Prentun
Landsprent ehf.
Hádegismóum 2,
110 Reykjavík.
Sími 5691100
Útgáfufélag
Árvakur hf.,
Reykjavík.
Forsíðumyndina tók
Ásdís Ásgeirsdóttir
Jólaævintýri Þorra og Þuru er frumsýnt 1. desember í Tjarnarbíói. Agnes Wild og
Sigrún Harðardóttir semja handrit og leika í verkinu. Miðasala er hafin á tjarnarbio.is.
Leitin að
jólagleðinni
Óseyrarbraut 12, 220 Hafnarfirði | Klettagörðum 5, 104 Reykjavík | stolpigamar@stolpigamar.is
Gámaleiga
Er gámur lausnin fyrir þig?
Við getum líka geymt gáminn fyrir þig
568 0100
stolpigamar.is
HAFÐU
SAMBAND
Búslóðageymsla z Árstíðabundinn lager z Lager z Sumar-/vetrarvörur
Frystigeymsla z Kæligeymsla z Leiga til skemmri eða lengri tíma