Fréttablaðið - 22.02.2020, Page 20
Söngvarinn Matti Matt seg-ist hafa tekið því fagnandi þegar kollegi hans Heiða Ólafsdóttir kom að máli við hann um að syngja lögin með henni í Salnum.
„Heiða hefur gengið með þessa
hugmynd í maganum í nokkurn
tíma og þegar hún bað mig að vera
með varð ég himinlifandi. Það er svo
gaman að vera með aðeins annan
vinkil á svona tónleikum, þar sem
Þorsteinn Eggertsson á yfir 300
texta við íslensk dægurlög og það er
alltof sjaldgæft að öðrum en lagahöf-
undum eða flytjendum sé gert hátt
undir höfði á heiðurstónleikum.“
Óskalög sjúklinga og sjómanna
Matti segir Þorstein hafa tekið vel
í hugmyndina. „Hann hefur verið
á svona „til í allt basis“ í þessu ferli,
yndislegur maður og sögurnar sem
hann man úr þessum bransa eru
óviðjafnanlegar.
Þessi lög og þessir textar eru tón-
listin sem ég ólst upp við. Hvort sem
það voru Óskalög sjúklinga eða
Óskalög sjómanna þá var Þorsteinn
Eggertsson aldrei langt undan.
Þetta eru allt lög sem voru sungin í
partíum hjá foreldrum minnar kyn-
slóðar og við þekkjum öll þessi lög
og þessa texta,“ segir Matti.
Aðspurður hvert sé hans uppá-
hald segir Matti nokkur lög koma
upp í hugann: „Himinn og jörð, Er
ég kem heim í Búðardal, Ástarsæla,
Söngur um lífið og ég gæti haldið
endalaust áfram,“ svarar Matti sem
fær að syngja mörg af sínum uppá-
haldslögum.
Þorsteinn sem nú nálgast áttrætt
er annálaður sögumaður enda af
nægu að taka hjá manni sem hefur
verið viðriðinn tónlistarbransann
hér á landi og erlendis allt frá sjötta
áratugnum og auðvitað á Matti sína
uppáhaldssögu. „Ég hef mjög gaman
af sögunni um textann Betri bílar,
yngri konur, eldra whiskey, meiri
pening. Þar syngur Björgvin Hall-
dórsson um Paul McCartney með
mjög íslenskum hreim eins og gert
var á þeim árum þar sem Paul rímar
ekkert sérstaklega vel við handa-
skol nema með enskum hreim. Það
er kannski erfitt að segja þessa sögu
á prenti, en hún verður frábær á tón-
leikunum,“ segir Matti og hlær.
ÞESSI LÖG OG ÞESSIR
TEXTAR ERU TÓNLISTIN
SEM ÉG ÓLST UPP VIÐ.
Óviðjafnanlegar
bransasögur
Í kvöld, laugardaginn 22. febrúar, munu þau Matti Matt og Heiða
Ólafsdóttir stíga á svið í Salnum og syngja vel valdar perlur
Þorsteins Eggertssonar, auk þess mun hann sjálfur segja sögur.
Heiða Ólafsdóttir, Þorsteinn Eggertsson og Matthías Matthíasson koma fram í Salnum í kvöld þar sem perlur Þorsteins verða fluttar og einhverjar sögur fá að fljóta með. FRÉTTABLAÐIÐ/SIGTRYGGUR
Merk ártöl í lífi Þorsteins Eggertssonar
1942 Fæddist eina mestu
óveðursnótt ársins, 25. febrúar,
á grænum dívan í húsi afa síns og
ömmu í Keflavík.
1952 Samdi fyrsta ljóðið sitt
með stuðlum, höfuðstöfum og
endarími.
1954 Seldi fyrsta málverkið sitt
og fékk sérsaumaðan frakka fyrir
það.
1955 Var tekinn inn í Leiklistar-
skóla Helga Skúlasonar og Helgu
Bachmann, þá 13 ára, þrátt fyrir
sextán ára aldurstakmark.
1957 Söng opinberlega í fyrsta
sinn og hafði sjálfur samið texta
við lögin sem hann flutti.
1958 Flutti í nýtt herbergi á
Héraðsskólanum á Laugarvatni
og varð herbergisfélagi Ingimars
Eydal.
1960 Valinn í dægurlagasöngv-
arakeppni K.K. sextettsins. Vann
keppnina og varð fastráðinn
söngvari með hljómsveitinni í
hálft ár.
1961 Stofnaði hljómsveitina
Beatniks ásamt nokkrum kunn-
ingjum sínum úr Keflavík og
Hafnarfirði.
1964 Gerðist fréttaritari Alþýðu-
blaðsins í Kaupmannahöfn og
tók viðtal við The Beatles í júní.
1965 Tók viðtal við The Rolling
Stones í apríl. Samdi sinn fyrsta
dægurlagatexta sem kom út á
plötu, lagið Ást í meinum, fyrir
Savannatríóið.
1966 Ferðaðist með hljómsveit-
inni Dátum í hringferð um landið
sem eins konar hirðskáld þeirra.
1968 Valinn textahöfundur
ársins af gagnrýnendum dag-
blaðanna.
1973 Skrifaði undir samning sem
söngtextahöfundur fyrir Orange
Records í London.
1975 Vinsælasti söngtexti Þor-
steins, fyrr og síðar, kom út,
Heim í Búðardal, og var á Topp 10
listanum í 84 vikur.
1976 Vann eingöngu sem söng-
textahöfundur og samdi 67
texta.
1989 Skrifaði og setti upp þrjár
sýningar fyrir Broadway og Hótel
Ísland.
1994 Þýddi söngtexta fyrir kvik-
myndina Aladdin.
1995 Flutti til Dublin.
1996 Leigði stúdíó í Dublin og
málaði þar myndir daglega,
1999 Sýndi teikningar sínar á
alþjóðlegri listahátíð í Ankara,
Tyrklandi.
Björk
Eiðsdóttir
bjork@frettabladid.is
2 2 . F E B R Ú A R 2 0 2 0 L A U G A R D A G U R20 H E L G I N ∙ F R É T T A B L A Ð I Ð
HELGIN