Fréttablaðið - 30.11.2002, Blaðsíða 8

8 29. nóvember 2002 LAUGARDAGUR
Útgáfufélag: Frétt ehf.
Ritstjóri: Gunnar Smári Egilsson
Fréttastjóri: Sigurjón M. Egilsson
Ritstjórnarfulltrúar: Reynir Traustason
og Steinunn Stefánsdóttir
Auglýsingastjóri: Þórmundur Bergsson
Ritstjórn, auglýsingar og dreifing:
Þverholti 9, 105 Reykjavík
Aðalsími: 515 75 00
Símbréf á fréttadeild: 515 75 06
Rafpóstur: ritstjorn@frettabladid.is
Símbréf á auglýsingadeild: 515 75 16
Rafpóstur: auglysingar@frettabladid.is
Setning og umbrot: Frétt ehf.
Prentvinnsla: Ísafoldarprentsmiðja ehf.
Fréttablaðinu er dreift ókeypis á heimili á höfuð-
borgarsvæðinu og Akureyri. Einnig er hægt að fá
blaðið í völdum verslunum á landsbyggðinni.
Fyrirtæki geta fengið blaðið gegn greiðslu
sendingarkostnaðar; kr. 1.100 á mánuði.
Fréttablaðið áskilur sér rétt til að birta allt efni
blaðsins í stafrænu formi og í gagnabönkum
án endurgjalds.
BRÉF TIL BLAÐSINS
TELEGRAPH
Í leiðara breska dagblaðsins
Telegraph segir að árásirnar í
Kenýa staðfesti það, að al Kaída
beini nú sjónum sínum einkum að
vestrænum ferðamönnum. Í apríl
urðu þýskir ferðamenn fyrir barð-
inu á þeim á eyjunni Djerba í Mið-
jarðarhafi. Í október voru það
Ástralir á eyjunni Balí í Indónesíu.
Og núna ísraelskir ferðamenn í
Kenýa. „Vestrænir ferðamenn eru
greinilega skotmark róttæklinga
sem halda að þeir séu í fararbroddi
innrásar úrkynjaðs guðleysis í
hinn íslamska heim,“ segir í leiðar-
anum. „Með því að drepa ferðafólk
er Vesturlöndum sýnt fram á hve
vonlaust er að reyna að verjast
hryðjuverkum og um leið eru
skemmdir unnar á efnahag ríkja
sem hafa drjúgar tekjur af ferða-
þjónustu.“
FINANCIAL TIMES
Leiðarahöfundur breska dag-
blaðsins segir að mun auðveldara
sé að ráðast gegn talibönum í
Afganistan eða Saddam Hussein í
Írak heldur en hryðjuverkasam-
tökum á borð við al Kaída, sem eru
laustengd samtök hópa og einstak-
linga. „Reyndar telja efasemdar-
menn um stefnu Bandaríkjanna
gagnvart Írak að öll athyglin sem
Bandaríkin beina að stjórninni í
Bagdad grafi undan baráttunni
gegn hryðjuverkum.“ Nú þurfi
þvert á móti að beina allri athygl-
inni að því að elta uppi tugþúsund-
ir fyrrverandi sjálfboðaliða í stríð-
inu gegn Sovétríkjunum í
Afganistan. Til þess þurfi enn nán-
ara samstarf hugsanlegra banda-
manna í „stríðinu gegn hryðju-
verkum.“
THE INDEPENDENT
Dálkahöfundur í breska dag-
blaðinu Independent telur aftur á
móti að leiðtogar lýðræðisríkja
verði að standast þá freistingu, að
tala æ hærra um „stríð“ gegn
hryðjuverkum. „Enginn stjórn-
málamaður þorir að standa upp og
segja: ‘Þetta er hryllilegt, en það er
ekki mikið sem við getum gert. Við
megum ekki láta hugmyndina um
alþjóðastríð gegn al Kaída leiða
okkur í gönur. Við þurfum að að-
laga okkur.’ En þetta er það sem
þeir ættu að segja.“ Hann segir að
við eigum frekar að sætta okkur
við óþægindi heldur en að fórna
frelsi okkar. Það sé verkefni lög-
reglu og leyniþjónustu að elta uppi
glæpamennina. Ekki þurfi meira
stríðstal. ■
Stríð gegn ferðamönnum
Leiðarahöfundar heimsblaða eru flestir sam-
mála um að árásirnar á ísraelska ferðamenn
í Kenýa sýni að al Kaída líti nú á heiminn
allan sem vettvang hryðjuverka sinna.
Úr leiðurum
ADSL mótald • Stofngjald • Músarmotta
Samtals verðmæti 18.125 kr.
Aðeins 5.900 kr.
Hver býður betur?
Start-
pakkinn
- allt sem til þarf
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
I
SS
1
94
98

11
/2
00
2
islandssimi.is
800 1111
Hæstiréttur:
Mátti ekki
hafa Litháa
HÆSTIRÉTTUR Hæstiréttur staðfesti
dóm yfir tæplega fimmtugum
kalrmanni sem réði til sín níu Lit-
háa án þess að nokkur þeirra væri
með atvinnuréttindi á Íslandi.
Maðurinn var ákærður fyrir brot
gegn lögum um atvinnuréttindi
útlendinga. Hæstiréttur dæmdi
manninn til greiðslu 300 þúsund
króna sektar. Að auki þarf hann að
greiða 400 þúsund króna
málsvarnarlaun. ■
Íslandssími og Tal:
Uppsagnir
boðaðar
VIÐSKIPTI „Það hefur ekki verið
hægt að skoða starfsmannamál
hjá fyrirtækjunum því við höfum
ekki verið við stjórnvölinn hjá
Tali. En nú verður farið í það eins
vandlega og hægt er. Það verður
unnið eins hratt og mögulegt er,“
sagði Óskar Magnússon, forstjóri
Íslandssíma.
Hann segir líklegt að til upp-
sagna komi en ekki hve víðtækar
þær verði. Allir lykilstjórnendur
frá Tali munu sitja áfram eftir
sameiningu Íslandssíma og Tals,
utan Þórólfur Árnason, fyrrver-
andi forstjóri Tals, sem þegar hef-
ur látið af störfum. ■
Reykjavíkurborg sýknuð af 3 milljóna kröfu:
Losun vikurryks
olli ágreiningi
DÓMSMÁL Hæstiréttur Íslands sýkn-
aði Reykjavíkurborg af rúmlega 3
milljóna króna kröfu manns sem
réði sig til að rífa, flokka og farga
öllum mannvirkjum fiskimjöls-
verksmiðjunnar Kletts við Vestur-
garða í Reykjavík. Hæstiréttur
staðfesti þar með dóm Heraðsdóms
Reykjavíkur.
Mikið magn af vikurryki í
sekkjum var í nokkrum þeirra
bygginga sem samningur aðilanna
tók til. Maðurinn losaði megnið af
vikurrykinu í fyllingu við Kletta-
garða en afhenti Sorpu hluta til
förgunar. Ágreiningur reis með að-
ilum varðandi uppgjör fyrir verk-
ið.
Reykjavíkurborg taldi sig ekki
eiga að greiða sérstaklega fyrir
förgun á vikurrykinu. Maðurinn
taldi sig hins vegar eiga að fá greitt
fyrir losun vikurryksins, hvort
sem hann hafi losað það í fylling-
una eða afhent Sorpu það til förg-
unar. Reykjavíkurborg taldi rykið
hins vegar vera jarðefni, en steypu
og jarðefni hafi átt að losa í fyrr-
nefnda fyllingu án endurgjalds.
Hæstiréttur féllst á rök borgar-
innar og sýknaði hana því af kröf-
um mannsins um að fá greitt fyrir
það sem losað var í fyllinguna.
Hann hafði hins vegar fengið greitt
fyrir það sem fargað var á viður-
kenndum förgunarstað. ■
120 þúsund
skattfrjálst
GUNNAR G. BJARTMARSSON SKRIFAR:
16. nóvember síðastliðinn sat ég
fund hjá Sjálfsbjörg á Reykjavík-
ursvæðinu. Þetta var mjög gagn-
legur fundur. Þar voru meðal ann-
ars mættar sem frummælendur
alþingiskonurnar Lára Margrét
Ragnarsdóttir og Margrét Frí-
mannsdóttir. Meðal þess sem bar
á góma var að öryrkjar og aldrað-
ir þyrftu að hafa 120 þúsund
krónur skattfrjálst á mánuði til að
lifa mannsæmandi lífi. Ekki gat
ég betur heyrt en að þær þing-
konur væru sammála um þetta.
Þar sem þær eru í stórum þing-
flokkum, einkum Lára Margrét,
þá ætti að vera hægur vandi að
koma þessum málum í höfn. Það
er að segja ef vilji er fyrir hendi.
Á þessum ágæta fundi talaði
öryrki sem jafnframt er ellilíf-
eyrisþegi um fólk sem hefur ver-
ið að éta upp fasteignirnar sem
það hefur haft sem húsaskjól og
jafnvel nauðsynlegustu tæki eins
og bíla. Lára Margrét taldi sig
kannast við svona dæmi.
Kæru þingmenn, er ekki kom-
inn tími til að breyta þessu
ástandi? 120 þúsund krónur skatt-
frjálst, það er takmarkið. For-
maðurinn, Þórir K. Jónsson, sagði
að ef þörf krefði ættu öryrkjar að
bjóða fram til Alþingis, það er að
segja ef enginn stjórnmálaflokk-
ur tekur á málefnum öryrkja.
Áfengismagn í blóði
mælt 3 tímum eftir slys
Ungur maður dæmdur fyrir ölvunarakstur eftir að hafa lent í slysi. Grunur um ölvun vaknaði
þremur tímum eftir slysið. Maðurinn sagðist hafa verið þéttur kvöldið áður. Hæstiréttur Íslands
staðfesti dóm Héraðsdóms Vesturlands.
DÓMSMÁL Rúmlega 24 ára karl-
maður var dæmdur til að greiða
35 þúsund króna sekt fyrir ölvun-
arakstur í Hæstarétti í fyrradag.
Maðurinn hafði áfrýjað dómi Hér-
aðsdóms Vesturlands, en Hæsti-
réttur staðfesti þann dóm.
Í nóvember í fyrra lenti maður-
inn í umferðar-
óhappi á Snæfells-
vegi, austan Bú-
landshöfða. Bif-
reið hans hafnaði
utan vegar og valt
niður vegkantinn.
Maðurinn var
fluttur með sjúkrabifreið á
sjúkrahúsið á Akranesi til að-
hlynningar. Rúmum þremur tím-
um eftir slysið vaknaði grunur um
að maðurinn hefði verið undir
áhrifum áfengis og var því blóð-
sýni tekið úr honum. Þá mældist
áfengismagn í blóði hans 0,5
prómill. Ekki tókst að fá þvagsýni
frá ákærða vegna meiðsla hans.
Aðspurður sagði ákærði að
kvöldið áður hefði hann farið á
dansleik og dvalið þar til kl. 3 en
þá farið heim og sofnað um
klukkustund síðar. Hann sagðist
hafa drukkið um sex bjóra þá um
kvöldið og nóttina og verið þéttur.
Daginn eftir hefði hann ekki fund-
ið til áfengisáhrifa við aksturinn
en þó verið lítillega timbraður.
Í málinu lágu fyrir upplýsingar
frá Rannsóknarstofu í lyfja- og
eiturefnafræði um brotthvarfs-
hraða etanóls í blóði. Talið var að
þegar þær upplýsingar væru
hafðar til hliðsjónar þannig að ítr-
ustu varfærni væri gætt við út-
reikninga, og allur vafi virtur
ákærða í hag, væri ekki varhuga-
vert að telja að áfengismagn í
blóði hans við akstur hafi verið
a.m.k. 0,7 til 0,75 prómill þegar til-
lit hafi verið tekið til vikmarka.
Samkvæmt þessu væri hafið yfir
skynsamlegan vafa að áfengis-
magn í blóði mannsins við akstur-
inn hafi verið yfir löglegum mörk-
um. Var niðurstaða héraðsdóms
um sakfellingu mannsins staðfest
og hann dæmdur til að greiða sekt
í ríkissjóð.
trausti@frettabladid.is
HÆSTIRÉTTUR ÍSLANDS
Í málinu lágu fyrir upplýsingar frá Rannsóknarstofu í lyfja- og eiturefnafræði um brott-
hvarfshraða etanóls í blóði. Talið var að þegar þær upplýsingar væru hafðar til hliðsjónar
væri ekki varhugavert að telja að áfengismagn í blóði hans við akstur hafi verið a.m.k. 0,7
til 0,75 prómill.
Ekki tókst að fá
þvagsýni frá
ákærða vegna
meiðsla hans.
RÁÐHÚS REYKJAVÍKUR
Mikið magn af vikurryki í sekkjum var í nokkrum þeirra bygginga sem samningur aðilanna
tók til. Maðurinn losaði megnið af vikurrykinu í fyllingu við Klettagarða en afhenti Sorpu
hluta til förgunar. Ágreiningur reis með aðilum varðandi uppgjör fyrir verkið.