Fréttablaðið - 04.02.2020, Blaðsíða 20

Segja má að Nissan Juke hafi
markað fyrstu sporin í deild sport-
legra smájepplinga og eitt er víst
að samkeppnin hefur heldur betur
harðnað. Hann var þá hannaður
fyrir sölu í öllum heimshornum en
nýr Nissan Juke er meira hannaður
fyrir sölu í Evrópu og er það vel.
Nýr Juke er stærri og vígalegri en
sá sem hann tekur við af og munar
þar mestu um meira hjólhaf, en
heildarlengd hans er samt ekki
mikið meiri.
Talsvert meira hjólhaf
Framsætin eru bara óvenju góð
miðað við bíl í þessum flokki. Efn-
isval er vandaðra en áður og núna
er hægt að stilla stýrið fram og
aftur líka. Eini ljóðurinn frammí
eru lítil hólf og þá sérstaklega
hanskahólf og miðjuhólf. Meira
hjólhaf þýðir meira fótapláss og
þokkalegt rými fyrir tvo fullorðna
aftur í og jafnvel eitt barn. Talandi
um börn, þá eiga þau þó eftir að
kvarta yfir hversu hátt er upp í
hliðarrúður og hversu mikið þarf
að teygja sig upp í handfangið fyrir
afturhurðina, sem er á sama sér-
viskulega stað og í C-HR. Skottið er
kannski ekki það stærsta en hefur
samt stækkað verulega, fer úr 354
lítrum í 422 lítra. Hægt að hækka
gólfið sem er kostur, þannig að
aftursætin falla alveg slétt niður.
Mjög vel búinn
Bíllinn er sérlega vel búinn og
mættu framleiðendur lúxusbíla
fara að taka það sér til fyrirmyndar
hversu bílar í þessum flokki eru vel
búnir í dag. Hann er með tveimur
stórum upplýsingaskjáum, annar
þeirra snertiskjár með Apple
Carplay og Android Auto. Það er í
honum upphituð framrúða, veg-
línuskynjari með stýrisaðstoð og
360 gráðu myndavél sem dæmi,
en bíllinn sem við vorum með í
prófun var N-Connecta útgáfan
sem er næst á eftir Tekna.
Aðeins ein vél í boði
Undirvagn Nissan Juke er sami
og í Nissan Micra og Renault Clio.
Eina vélin sem er í boði er þriggja
strokka bensínvél með forþjöppu
en að sögn Nissan er tvinnútgáfu að
vænta seinna á árinu. Þótt hún sé
aðeins 117 hestöfl er hún merki-
Frísklegt útlit og meira fyrir peninginn
Nissan Juke kom á markað fyrir
níu árum síðan og því var löngu
kominn tími á nýja kynslóð.
Nýtt útlit
Nissan Juke
er hvassara og
sportlegra en
áður og mjó
stöðuljósin
setja mikinn
svip á bílinn.
MYNDIR/
ANTON BRINK
Þótt vélin sé aðeins eins lítra skilar hún viðunandi afli með forþjöppu. Farangursrýmið er 422 lítrar og hefur stækkað um 68 lítra frá fyrri kynslóð.
Búnaðurinn er til fyrirmyndar og allar útgáfur hérlendis koma með stóra
upplýsingaskjánum þar sem Visia grunnútgáfan er ekki boðin hérlendis.
lega nóg fyrir þennan bíl sem er 25
kg léttari en fyrri kynslóð. Togið
er reyndar aðeins 201 Newton-
metri og það er smá hik í byrjun
en svo kemur aflið vel inn yfir mitt
snúningssviðið. Hennar helsti galli
er titringurinn sem vart verður við
frá strokkunum þremur í lausa-
gangi og þegar það reynir á bílinn á
lágsnúningi. Það er ekkert fjór-
hjóladrif í boði en komin er alvöru
sjö þrepa sjálfskipting sem virkar
mjög vel. Bíllinn virkar frekar
mjúkur í fjöðrun, og leggst aðeins
niður á hornin og losar því aðeins
afturdekkið á móti. Hægt er að velja
um þrjár akstursstillingar, Eco,
Normal og Sport sem hafa áhrif á
bensíngjöf, stýri og bremsur. Hann
er nokkuð snöggur upp á lagið með
stýrið í sportstillingunni og vélin
kemur frísklegar inn.
Stendur sig vel í verði
Grunnverð Nissan Juke er
3.790.000 kr en það er fyrir Acenta
útfærsluna sem er nokkuð vel
búin. BL býður ekki einu sinni
upp á ódýrari Visia útgáfuna sem
er þá ekki með stóra upplýsinga-
skjánum. Hans helstu keppinautar
eru Toyota C-HR, Skoda Kamiq
og VW T-Roc en Kamiq er ekki í
boði enn sem komið er hérlendis.
C-HR er mun dýrari í grunninn en
hann kostar frá 4.840.000 kr. en
grunnverð VW T-Roc er skaplegra
eða 4.390.000 kr. Að því sögðu má
sjá að nýr Nissan Juke stendur sig
sannarlega vel í verðsamkeppn-
inni og mikið sem kaupandinn fær
fyrir peninginn.
KOSTIR OG GALLAR
Nissan Juke
Grunnverð: 3.790.000 kr
Vélarstærð: 999 rsm
Hestöfl: 117
Hámarkstog: 202 Newtonmetrar
Upptak 0-100 km: 10,4 sek
Hámarkshraði: 180 km
Eigin þyngd: 1.192 kg
L/B/H: 4.210/1.800/1.595 mm
Hjólhaf: 2.636 mm
Veghæð: 170 mm
Farangursrými: 422 l
n Búnaður
n Sjálfskipting
n Aðeins ein vél í boði
n Hólf frammí
n Handfang fyrir afturhurð
KOSTIR GALLAR
4. febrúar 2020 Þriðjudagur6 bílar