Fréttablaðið - 27.02.2020, Blaðsíða 14

Búast má
við miklum
átökum um
svo stórt
prinsippmál.
AF KÖGUNARHÓLI
Þorsteinn
Pálsson
Nánast óþekkt er að stjórnar-flokkar gefi fyrir fram upp hvort þeir stefna að áfram-
haldandi samstarfi þegar kosningar
nálgast. Oftast nær má þó ráða af mál-
flutningi þeirra hvort viljinn stendur
til að fá endurnýjað umboð saman eða
hvort horft er til nýrra samstarfsmögu-
leika.
Vísbendingar af þessu tagi ættu að
koma fram á næstu mánuðum. En eins
og staðan er í dag verður ekkert annað
lesið úr skilaboðum forystumanna
stjórnarflokkanna en að þeir hafi allir
áform um að halda samstarfinu áfram.
Nýtt flokkakerfi í mótun
Skoðanakannanir benda að vísu ekki
til þess að vilji kjósenda standi til þess
sama. Þær verða þó varla haldgóð vís-
bending fyrr en nær dregur. En fari svo
að ríkisstjórnarflokkarnir geti ekki
myndað þriggja flokka stjórn má segja
að flokkakerfi tuttugustu aldar heyri
endanlega sögunni til, þótt ný flokka-
skipan sé enn í mótun.
Önnur ný og áhugaverð staða gæti
líka verið að koma upp. Margt bendir
til þess að VG sé að færast inn í það
pólitíska rými, sem Framsókn hafði
áður fyrr. VG gæti þannig haft í hendi
sér hvort hér yrðu til skiptis myndaðar
stjórnir til hægri eða vinstri og þannig
orðið viðvarandi stjórnarflokkur.
Eins og Framsókn á sínum tíma gæti
VG haft pólitísk hamskipti með jöfnu
millibili. Óneitanlega hefur VG losað
sig við þá prinsippfestu, sem er helsta
hindrunin fyrir því að komast í slíka
lykilstöðu.
Líklega er þó flóknara fyrir VG að
vinna með Samfylkingu en núverandi
samstarfsflokkum vegna andstöðu
þess við hvers kyns breytingar, nema
ríkisvæðingu í heilbrigðiskerfinu.
Eitt mál í deiglunni
getur skipt sköpum
Hvað sem slíkum vangaveltum líður
er eitt mál í deiglunni, sem getur haft
afgerandi áhrif á það hvernig mál
þróast að þessu leyti. Það er tillaga for-
sætisráðherra að nýju auðlindaákvæði
í stjórnarskrá.
Sögulegur bakgrunnur þess liggur í
tuttugu ára gömlu áliti auðlindanefnd-
ar undir forystu Jóhannesar Nordal.
Þar náðu allir f lokkar og hagsmuna-
samtök í sjávarútvegi saman um að
leggja til að festa í stjórnarskrá ákvæði
um þjóðareign þar sem gjald skyldi
koma fyrir tímabundin afnot. Tíma-
bundin afnot voru talin forsenda þess
að þjóðareign yrði virk í framkvæmd.
Nú er staðan hins vegar þannig að
stjórnarflokkarnir og Miðflokkurinn
hafna hugmyndum auðlindanefndar
og stjórnlagaráðs um gjald fyrir tíma-
bundin afnot. Opinber stefna Fram-
sóknar er að vísu með tímabindingu,
en samt er næsta víst að hún fórnar
því prinsippi fyrir samstarfið. Við-
reisn, Samfylking og Píratar eru á hinn
bóginn fylgjandi því að gjald komi
fyrir tímabundinn afnotarétt.
Hér er sem sagt á ferðinni djúpstæð-
ur hugmyndafræðilegur ágreiningur,
sem snýst um það hvort væntanlegt
þjóðareignarákvæði á að knýja á um
breytingar eða styrkja óbreytt ástand.
Gæti orðið helsta kosningamálið
Forsætisráðherra hefur stefnt að
breiðu samkomulagi um afmarkaðar
stjórnarskrárbreytingar. En sú bjarg-
fasta afstaða að hafna samkomulagi
allra f lokka og hagsmunasamtaka,
sem varð í auðlindanefnd á sínum
tíma og stjórnlagaráð tók upp í breyttu
formi, gæti dregið úr líkum á að það
takist.
Kostirnir eru þá þeir að láta kyrrt
liggja með auðlindaákvæðið eða knýja
það í gegn með stuðningi ríkisstjórn-
arflokkanna og Miðflokksins. Búast
má við miklum átökum um svo stórt
prinsippmál og það gæti hæglega orðið
eitt helsta átakefni kosninganna.
Framhaldslíf með Miðflokknum
Fari forsætisráðherra þá leið að ljúka
auðlindamálinu í ágreiningi verður
VG að leggja allt í sölurnar til þess að fá
það staðfest á nýju þingi að kosningum
loknum. Í þeim tilgangi er erfitt er
að koma auga á aðra möguleika fyrir
VG og samstarfsflokkana en óbreytt
stjórnarmynstur.
Skipist mál með þessum hætti, sem
margt bendir til eins og sakir standa,
eru líkur á framhaldslífi ríkisstjórnar-
innar; hugsanlega með Miðflokknum,
ef hún heldur ekki velli og atkvæði
hans þarf til.
Líkurnar á framhaldslífi
Aðalfundur Sýnar hf.
Aðalfundur Sýnar hf. verður haldinn föstudaginn 20. mars 2020 kl. 10:00,
í höfuðstöðvum félagsins að Suðurlandsbraut 8, 108 Reykjavík.
Upplýsingar fyrir hluthafa:
Heildarfjöldi hluta í félaginu hinn 26. febrúar 2020 er
296.441.474 hlutir og jafnmörg atkvæði. Þar af eru
öll atvæði virk.
Aðrar upplýsingar:
Óski hluthafi eftir að koma máli eða tillögu á dagskrá
aðalfundar skal slík beiðni koma fram eigi síðar
en tveimur vikum fyrir aðalfund, eða fyrir kl. 10:00
föstudaginn 6. mars 2020.
Skjöl og tillögur sem lögð verða fyrir aðalfund er
að finna á vefsíðu félagsins syn.is/fjarfestatengsl
eigi síðar en þremur vikum fyrir fundinn. Hluthöfum
stendur einnig til boða að nálgast skjölin frá
því tímamarki í höfuðstöðvum félagsins að
Suðurlandsbraut 8, 108 Reykjavík, virka daga milli
kl. 09:00 – 16:00. Fundurinn fer fram á íslensku og
verða fundargögn jafnframt á íslensku. Ekki verður
unnt að greiða atkvæði með rafrænum hætti á
fundinum.
Endanleg dagskrá og tillögur verða birtar tveimur
vikum fyrir fundinn.
Hluthafi getur látið umboðsmann sækja hluthafafundinn
fyrir sína hönd. Umboðsmaður skal leggja fram skriflegt
umboð á eyðublaði sem unnt er að nálgast á vef félagsins.
Sérstök tilnefningarnefnd er að störfum í samræmi við
starfsreglur stjórnar og tilnefningarnefndar. Hluthafar og
aðrir sem óska eftir tilnefningu nefndarinnar til framboðs
til stjórnar að aðalfundi félagsins hafa átt þess kost að
koma áhuga sínum og eftir atvikum framboði á framfæri
við nefndina, en frestur til þess er nú útrunninn. Skýrsla
tilnefningarnefndar er send kauphöll samhliða fundarboði
þessu. Með fyrirvara um að stjórn staðfesti lögmæti
hlutaðeigandi framboða leggur tilnefningarnefnd til að þau
Hjörleifur Pálsson, Hilmar Þór Kristinsson, Petrea Ingileif
Guðmundsdóttir, Sigríður Vala Halldórsdóttir og Tanya
Zharov verði kjörin til setu í aðalstjórn Sýnar hf. og Óli Rúnar
Jónsson og Þyrí Dröfn Konráðsdóttir verði kjörin til setu í
varastjórn.
Tilnefningarnefnd mun leggja til að Kristinn Hallgrímsson
hrl. verði fundarstjóri aðalfundarins.
Eftir sem áður er unnt að tilkynna um framboð til stjórnar
skriflega minnst fimm sólarhringum fyrir aðalfund, sbr.
63. gr. a. hlutafélagalaga nr. 2/1995 eða fyrir kl. 10
sunnudaginn 15. mars 2020. Framboð skulu berast
á netfangið: tilnefningarnefnd@syn.is
Í samræmi við starfsreglur stjórnar og starfsreglur
tilnefningarnefndar gefst hluthöfum tækifæri á að
kjósa tvo af þremur fulltrúum í tilnefningarnefnd.
Framboðsfrestur til tilnefningarnefndar er til kl.
10 sunnudaginn 15. mars 2020 og ber að skila
framboðum á netfangið: tilnefningarnefnd@syn.is
Reglur um stjórnarkjör gilda eftir því sem við getur
átt um kosningu tilnefningarnefndarfulltrúanna.
Endanlegar upplýsingar um frambjóðendur til
stjórnar verða birtar eigi síðar en tveimur dögum
fyrir aðalfund.
Aðgöngumiðar, atkvæðaseðlar og önnur
fundargögn verða afhent frá kl. 9:30 á
aðalfundardegi.
Stjórn Sýnar hf.
Dagskrá fundarins:
1. Skýrsla stjórnar félagsins um starfsemi þess á liðnu starfsári.
2. Ákvörðun um hvernig skuli fara með afkomu félagsins á
reikningsárinu 2019.
3. Ársreikningur félagsins fyrir liðið starfsár lagður fram til staðfestingar.
4. Tillögur um breytingar á samþykktum félagsins, sem fela í sér:
a) Að heimila félaginu kaup á eigin hlutum, sem verður viðauki við
samþykktirnar.
b) Að breyta ákvæðum sem vísa til einkaréttar Verðbréfaskráningar
Íslands til rafrænnar skráningar verðbréfa félagsins.
C) Að 1/20 hluthafa geti krafist hluthafafundar.
5. Tillaga um stefnu um arðgreiðslur og/eða endurkaup eigin hluta.
6. Tillaga um starfskjarastefnu félagsins.
7. Ákvörðun um þóknun til stjórnarmanna fyrir komandi starfsár.
8. Kosning stjórnar félagsins.
9. Kosning tveggja fulltrúa í tilnefningarnefnd félagsins í samræmi
við starfsreglur stjórnar og starfsreglur tilnefningarnefndar.
10. Kosning endurskoðanda félagsins.
11. Önnur mál löglega upp borin.
S K O Ð U N ∙ F R É T T A B L A Ð I Ð 13F I M M T U D A G U R 2 7 . F E B R Ú A R 2 0 2 0