Fréttablaðið - 27.02.2020, Blaðsíða 19

Við ætlum okkur að
enda vel í deildinni,
Evrópudeildinni og í FA-
bikarnum nú þegar síðasti
þriðjungur er hafinn.
Ed Woodward, framkvæmdarstjóri
Manchester United
FÓTBOLTI Nettó skuldir Man chester
United jukust mikið milli ársfjórð­
unga. Sjónvarpstekjur drógust
saman sem og heildartekjur. Árs­
fjórðungurinn sem um er að ræða
nær til 31. desember og eru því
kaupin á Bruno Fernandes ekki inni
í þessum tölum.
Þó nettóskuldir félagsins séu
gríðarlegar, um 391 milljón punda
eða 64 milljarðar, er engan bilbug
á félaginu að finna. Félagið á enn
nokkuð djúpa vasa til að seilast í
eftir nýjum leikmönnum eða um
100 milljónir punda í beinhörðum
peningum, sem eru um 16 milljarð­
ar króna, og framkvæmdastjórinn,
Ed Woodward, lofaði í yfirlýsingu
að það kæmu inn leikmenn í næsta
félagaskiptaglugga. Trúlega þarf
félagið þó að selja leikmenn áður
en aðrir verða keyptir því í yfir­
lýsingunni kom fram að heims­
klassa leikmenn myndu bætast við
og þeir kosta skildinginn. Áherslan
væri lögð á færri en betri leikmenn
frekar en f leiri. Hann bætti við að
félagið væri að stefna í rétta átt.
Manchester United var í þriðja
sæti á síðasta peningalista Deloitte
sem birtur var í janúar fyrir tíma­
bilið 2017­2018. Þá kom fram að
félagið ætti á hættu að missa af
toppsæti ensku liðanna í fyrsta
sinn. Félagið skilaði heildartekjum
upp á 627 milljónir punda, jafn­
virði um 104 milljarða en í nýjasta
reikningi félagsins er gert ráð fyrir
tekjum upp á 560­580 milljónir
punda fyrir árið 2020, eða um 93
milljarða. Grannarnir í City sækja
Skuldir Man Utd jukust en
Glazier fékk sína milljarða
Nettóskuldir Manchester United jukust mikið milli ársfjórðunga. Sjónvarpstekjur drógust saman og
heildartekjur enda liðið ekki í Meistaradeildinni. Þrátt fyrir svartan reikning tóku eigendurnir sér sinn
hlut, eða um tvo milljarða króna. Engan bilbug er þó á liðinu að finna og verður það styrkt í sumar.
168,4 milljónir punda voru tekjur félags-
ins á síðasta þriðjungi síðasta árs
eða 28 milljarðar króna.
560 milljónir punda býst félagið við að tekjurnar
verði á þessu ári eða 93 milljarðar.
37,6 prósent var lækkunin á sjónvarpstekjum milli
ára. Fóru úr 64,7 milljónum punda,
um 10,7 milljörðum, í 39 milljónir
punda eða 6,4 milljarða krónar.
15,1 prósent var lækkun tekna á leikdag.
19,3 prósent var lækkunin á heildartekjunum.
30,7 prósent var hækkun hlutabréfaverðs.
391,3 milljónir punda voru nettóskuldir
félagsins eða 64 milljarðar.
7,1 prósent jukust auglýs-ingatekjurnar um og voru
alls 70,6 milljónir punda eða 11,7
milljarðar króna.
7 milljónir punda þurfti félagið ekki að greiða sökum þess að
liðið komst ekki í Meistaradeild-
ina eða um 1,1 milljarð króna.
1,9 milljarðar króna voru greiddar í arð á tímabilinu
eða 11,4 milljónir punda. Verður
sama upphæð greidd aftur í júní.
Glazer-fjölskyldan á meirihluta
bréfa í félaginu. Fjölskyldan
keypti félagið árið 2005 og hefur
greitt sér rúman milljarð punda
í arð.
hratt að toppsætinu sem og Liver­
pool. Þess má geta að spænsku ris­
arnir í Real Madrid og Barcelona
eru í efstu tveimur sætum pen­
ingalistans. Yfirvofandi bann City
í Meistaradeildinni var ekki tekið
inn í reikninginn.
Auglýsingatekjur halda þó áfram
að vaxa innan Manchester United
og jukust þær um sjö prósent og eru
nú 70,6 milljónir punda jafnvirði
11,7 milljarða. Þá minnkaði launa­
kostnaður um sjö milljónir punda
en liðið greiðir um 71 milljón punda
í laun. Er það vegna skorts á Meist­
aradeildarbónusum en liðið spilar
nú í Evrópudeildinni sem útskýrir
þessa lækkun.
„Við ætlum okkur að enda vel í
deildinni, Evrópudeildinni og í FA­
bikarnum nú þegar síðasti þriðj­
ungur er hafinn. Grunnurinn er
til staðar til að ná árangri til lengri
tíma og við erum að vinna í áætlun
og fótboltahugmyndafræði okkar
með Ole,“ bætti Woodward við og
átti þar við knattspyrnustjórann
Ole Gunnar Solskjær.
benediktboas@frettabladid.is
Leikmenn Manchester United eru sem stendur í fimmta sæti í deildinni og eiga leik í Evrópudeildinni í dag. NORDICPHOTOS/GETTY
✿ Tölurnar á bak við tapreksturinn
FÓTBOLTI Knattspyrnudeild ÍA
tapaði tæpum 62 milljónum króna
á árinu 2019 en félagið skilaði árs­
reikningi sínum í gær. Hvert sem
litið er er niðurstaðan kolsvört og
róðurinn verulega þungur.
Skagamenn spiluðu í efstu deild á
ný á síðasta sumri en þrátt fyrir það
minnkuðu framlög og styrkir um
10 milljónir. Aðrar rekstrartekjur
minnkuðu einnig úr 130 milljónum
í 88 milljónir. Launin fóru upp um
10 milljónir og annar rekstrarkostn­
aður upp um 34 milljónir.
Öflugir styrktaraðilar styrktu ÍA
um 42,5 milljónir króna á síðasta
ári en ári áður var upphæðin 60
milljónir. Styrkur KSÍ jókst um 10
milljónir milli ára en Akraneskaup­
staður dró úr sínum styrk um 1,2
milljónir milli ára.
Mestu munar um söluhagnað og
tekjur vegna seldra leikmanna en
Skagamenn græddu vel á sölu Arn­
órs Sigurðssonar til CSKA Moskvu
árið 2018. Á síðasta ári var sá hagn­
aður um 18,5 milljónir en 2018 var
hann 73 milljónir.
Skagamenn eiga sjöunda besta
völl efstu deildar samk væmt
nýlegri könnun fótbolta.net en þar
kom fram gagnrýni á veitingasölu
heimamanna. Í 11 heimaleikjum
fékk félagið 2,6 milljónir eða 236
þúsund á leik.
Í pistli formanns knattspyrnu­
félags ÍA, Magnúsar Guðmunds­
sonar, segir að stjórn félagsins og
framkvæmdastjóri í samvinnu við
þjálfara og aðra starfsmenn hafi nú
þegar farið í sérstakar aðgerðir við
að greina vandann, draga úr kostn­
aði og auka tekjur.
Á árinu 2020 sé gert ráð fyrir
fyrir miklum viðsnúningi í rekstri
en áætlað er að rekstur ársins 2020
skili 15 milljón króna hagnaði. – bb
ÍA tapaði sextíu
milljónum
Jóhannes Karl Guðjónsson þjálfari
ÍA á hliðarlínunni. FRÉTTABLAÐIÐ/VALLI
HANDBOLTI Handknattleiksdeild
Þórs á Akureyri sendi frá sér yfirlýs­
ingu um uppgjör í kjölfar bikarleiks
í september 2019 þar sem Íþrótta­
félagið Hörður var ósátt við kostnað
leiksins. Í yfirlýsingunni kemur
fram að heildarkostnaður við
leikinn hafi verið um 700 þúsund
krónur vegna flugs Þórsara á milli
Akureyrar og Ísafjarðar, aksturs til
og frá flugvelli á Ísafirði og dómara.
Uppgjöri sé lokið og allir sáttir.
„Þór hef ur feng ið g reiddar
237 þúsund krónur, þann hluta
sem Herði bar að greiða sam­
kvæmt reglum HSÍ, þegar dreginn
hafði verið frá kostnaður sem Hörð­
ur greiddi, m.a. vegna dómara. Þess
má geta að upphæðin hefði getað
verið lægri ef selt hefði verið inn
á leikinn,“ segir í yfirlýsingunni.
Þess má geta að rúmlega 60 manns
mættu á leikinn.
Harðarmenn rituðu harðorðan
pistil á Fésbókarsíðu liðsins þar
sem sagði að félagið réði ekki við að
borga þennan pening.
Forsvarsmenn liðsins sögðu í
samtali við Fréttablaðið að félagið
þyrfti að taka pening frá barna­ og
unglingastarfi til að eiga fyrir reikn­
ingnum. – bb
Sverðin slíðruð
2 7 . F E B R Ú A R 2 0 2 0 F I M M T U D A G U R18 S P O R T ∙ F R É T T A B L A Ð I Ð
SPORT