Fréttablaðið - 27.02.2020, Blaðsíða 9

Verður haldinn þann 19. mars 2020 kl. 16.00 í höfuðstöðvum
félagsins að Köllunarklettsvegi 2, 104 Reykjavík
DAGSKRÁ FUNDARINS:
1. Kosning fundarstjóra og fundarritara
2. Skýrsla stjórnar félagsins um starfsemina á liðnu starfsári.
3. Ársreikningur félagsins fyrir liðið starfsár, ásamt skýrslu endurskoðanda, lagður fram
til samþykktar.
4. Ákvörðun um ráðstöfun hagnaðar félagsins á árinu 2019.
5. Tillaga stjórnar um starfskjarastefnu.
6. Tillaga stjórnar um kaupréttaáætlun
7. Ákvörðun um þóknun til stjórnarmanna og nefndarmanna í undirnefndum stjórnar.
8. Kosning stjórnar félagsins.
9. Kosning endurskoðanda félagsins.
10. Tillaga stórnar um heimild til hækkunar á hlutafé um allt að 59.935.471 hluti í
tengslum við kaupréttaáætlun félagsins ásamt viðeigandi breytingu á samþykktum.
11. Tillaga stjórnar um endurnýjun á heimild stjórnar til kaupa á eigin bréfum ásamt
viðeigandi breytingu á samþykktum.
12. Tillaga stjórnar um endurnýjun á heimild til hækkunar á hlutafé félagsins um allt að
100.000.000 hluti í tengslum við möguleg fyrirtækjakaup ásamt viðeigandi breytingu
á samþykktum.
13. Tillaga stjórnar um breytingu á grein 18 í samþykktum félagsins í tengslum við
kynjahlutföll í stjórn félagsins.
14. Umræður og atkvæðagreiðslur um önnur málefni sem löglega eru upp borin.
Hluthafar hafa heimild til að fá ákveðið mál tekið til meðferðar á fundinum og skal kröfu þar um fylgja
rökstuðningur eða drög að ályktun sem berast skal stjórn félagsins skriflega eða með tölvupósti á netfangið
agm@icelandseafood.com í síðasta lagi kl. 16:00 hinn 9. mars nk.
Á aðalfundinum fylgir eitt atkvæði hverri einni krónu í hlutafé. Hluthafar þurfa að vera skráðir í hlutaskrá félagsins
við lok dags 18. mars nk. til að eiga þess kost að greiða atkvæði á fundinum. Atkvæði verða einungis greidd
skriflega á fundinum ef farið verður fram á slíkt. Hluthafar geta greitt atkvæði fyrir fundinn eða látið umboðsmann
sækja fundinn fyrir sína hönd.
Óski hluthafi eftir því að greiða atkvæði skriflega fyrir fundinn skal hann gera kröfu um slíkt eigi síðar en fimm
sólarhringum fyrir fundinn. Hluthafar geta einnig nálgast atkvæðaseðla og greitt atkvæði á skrifstofu félagsins
venjulegum opnunartíma á virkum sólarhringum þar til á aðalfundardegi. Undirritaðir, dagsettir og vottaðir
atkvæðaseðlar skulu hafa borist félaginu á skrifstofu þess eða á netfangið agm@icelandseafood.com að minnsta
kosti þremur klukkustundum fyrir fundinn svo þeir teljist lögmætir.
Umboðsmaður skal leggja fram skriflegt eða rafrænt umboð, undirritað, dagsett og vottað. Hægt er að senda
rafræn umboð á netfangið agm@icelandseafood.com og skulu þau berast að minnsta kosti þremur klukku­
stundum fyrir fundinn. Form að umboði má nálgast á heimasíðu félagsins.
Þeir einstaklingar sem hyggjast gefa kost á sér í stjórnarkjöri skulu með skriflegum hætti tilkynna félagsstjórn um
framboð eigi síðar en fimm sólarhringum fyrir aðalfund, sbr. samþykktir félagsins. Skulu tilkynningar berast á
netfangið agm@icelandseafood.com. Eyðublöð má nálgast á heimasíðu félagsins.
Ítarlegri upplýsingar um efni fundarins, þ.á m. skjöl sem lögð verða fyrir hluthafafund og
tillögur, eru aðgengilegar á vefsíðu félagsins; http://www.icelandseafood.com/Investors

AÐALFUNDUR
ICELAND SEAFOOD INTERNATIONAL HF.
✿ Lækkanir í vikunni
OMX10 -6,20%
Icelandair -20,80%
Reginn -9,80%
Eik -8,70%
Festi -8,00%
Arion -7,00%
Sjóvá -6,70%
Eimskip -6,40%
Skeljungur -5,90%
Hagar -5,60%
VÍS -5,60%
Kvika -5,20%
Sýn -5,20%
Reitir -5,10%
Marel -4,90%
TM -4,90%
Brim -4,10%
Origo -4,00%
Síminn -1,70%
Heimavellir -0,70%
ISI -0,40%
Verð á íslenskum hlutabréfum
hefur lækkað verulega  eftir því
sem COV ID -19 kórónaveiran
hefur breiðst út um Evrópu. Aðal-
hagfræðingur Kviku banka segir
að neikvæð áhrif á íslenska ferða-
þjónustu og utanríkisviðskipti geti
þrýst á stjórnvöld að grípa til efna-
hagslegra aðgerða.  Ríkisstjórnin
hafi meira svigrúm til að bregðast
við hægari viðsnúningi hagkerfis-
ins en Seðlabankinn.
„Þetta er náttúr ulega mjög
erfið tímasetning fyrir íslenska
þjóðarbúið sem var þegar komið í
afturkipp,“ segir Yngvi Harðarson,
framkvæmdastjóri greiningar-
fyrirtækisins Analytica, í sam-
tali við Fréttablaðið. Hann segir
að kórónaveiran geti haft mikil
áhrif í gegnum ferðaþjónustuna á
meðan margir treysti sér ekki til
að ferðast.
„Áhrifin koma líka fram gegn-
um minnkandi efnahagsumsvif
erlendis, sem hafa neikvæð áhrif
á okkar útf lutning, bæði tengdan
ferðaþjónustu og öðru. Á heildina
litið geta áhrifin verið allt frá því
sem við sjáum í dag og upp í eitt-
hvað miklu verra. Um leið og
veiran berst hingað til lands verða
áhrif in mun beinni og eins og
við höfum séð í löndum þar sem
veiran hefur breiðst út, getur hún
lamað starfsemi um tíma,“ segir
Yngvi.
Veiran leggst þungt á markaðinn
Úrvalsvísitalan hefur lækkað um rúm 6 prósent frá vikubyrjun í takt við útbreiðslu COVID-19 kórónaveirunnar. Hætta er á tölu-
verðum áhrifum á ferðaþjónustu og utanríkisviðskipti. Neikvæð efnahagsleg áhrif geta krafist afgerandi aðgerða stjórnvalda.
Greinandi hjá Capacent spyr sig hvort viðbrögðin á hlutabréfamarkaði hafi verið heldur ýkt. FRÉTTABLAÐIÐ/ERNIR
Kórónaveiran hefur breiðst hratt
út um Evrópu á síðustu dögum. Á
Ítalíu hafa rúmlega 320 manns
smitast frá því veiran greindist
þar í landi og alls hafa ellefu látið
lífið. Í fyrradag var tilkynnt um
fyrstu smitin í Sviss, Austurríki og
Króatíu, og fyrsta smitið í Suður-
Ameríku var tilkynnt í gær. Veiran
hefur því náð til allra heimsálfa.
Lækkanir á erlendum mörk-
uðum og óvissa um efnahagslegu
áhrifin sem veiran hefur í för með
sér hafa smitast hingað til lands.
Úrvalsvísitala Kauphallarinnar
hefur lækkað um 6,2 prósent frá
vikubyrjun. Ice landair hefur lækk-
að langsamlega mest en lækkun
félagsins nemur tæplega 21 pró-
senti. Þá hefur Reginn lækkað um
tæp 10 prósent, Eik um tæp 9 pró-
sent og Festi um 8 prósent.
Snorri Jakobsson, greinandi hjá
Capacent, segir að óvissa fari alltaf
illa í fjárfesta. Óttast sé að veiran
breiðist enn meira út og að ferða-
þjónustan verði fyrir miklu höggi.
„Aftur á móti má spyrja sig hvort
viðbrögðin á markaðinum hafi
verið heldur ýkt. Ef við tökum fast-
eignafélögin sérstaklega fyrir, þá
hefur verð íslensku félaganna með
tilliti til eiginfjár lækkað á síðustu
dögum miðað við fasteignafélög í
Skandinavíu. Þá spyr maður sig af
hverju veiran ætti að hafa meiri
áhrif á íslensku fasteignafélögin
en þau norsku. Maður hefði haldið
að íslensk hlutafélög væru öruggari
vegna þess að tengslin við Asíu eru
minni en hjá erlendum félögum,“
segir Snorri og bætir við að ýkt
viðbrögð megi rekja til óvissu um
keðjuverkandi áhrif veirunnar og
þess að íslenski hlutabréfamarkað-
urinn sé mjög grunnur.
Hægari viðsnúningur
Kristrún Mjöll Frostadóttir, aðal-
hagfræðingur Kviku banka, bendir
á að fylgni íslenska hagkerfisins
við heimshagsveif luna hafi aukist
á síðustu áratugum, þrátt fyrir að
uppsveiflan á Íslandi frá árinu 2015
skeri sig aðeins úr.
„Ef veiran hefur veruleg áhrif
á virðiskeðjur úti um allan heim,
munum við án efa finna fyrir því
í utanríkisviðskiptum. Kína er
mjög stór framleiðandi og neyt-
andi á alþjóðavísu og þótt íslenska
hagkerfið og það kínverska séu
ekki samofin, mun hægari vöxtur
í okkar helstu viðskiptalöndum
þar sem tengingarnar eru sterkari,
smitast til okkar,“ segir Kristrún.
„Við gengum í gegnum upp-
sveif lu á meðan stór hluti heimsins
var í hægagangi,“ bætir Kristrún
við. „Nú er komin innlend niður-
sveif la og á sama tíma gætum við
orðið fyrir utanaðkomandi höggi
vegna kóróna veirunnar. Ef við-
brögð við faraldrinum halda áfram
að hafa neikvæð áhrif á efnahags-
kerfi heimsins, gæti viðsnúning-
urinn hér á landi, sem treystir að
miklu leyti á viðskipti við útlönd,
reynst hægari en vonir stóðu til.“
Meira svigrúm hjá stjórnvöldum
Spurð hvort áhrifin af kórónaveir-
unni þrýsti á stjórnvöld að minnka
aðhald, hvort sem um ræðir ríkis-
fjármál eða peningastefnu, segir
Kristrún mikilvægt að gera grein-
armun á utanaðkomandi höggi
annars vegar og innlendri niður-
sveif lu hins vegar.
„Niðursveif lan er að miklu leyti
eðlileg aðlögun að mjög hröðum
hagvexti, miklum útlánavexti til
fyrirtækja og hröðum vexti ferða-
þjónustunnar. Utanaðkomandi
högg á hagkerfið getur hins vegar
grafið frekar undan núverandi
ástandi og leitt til þess að bregðast
þurfi við með afgerandi hætti, sér
í lagi ef það veldur rekstrartruf l-
unum hjá kerfislega mikilvægum
fyrirtækjum,“ segir Kristrún.
Þá telur hún að meira svigrúm
sé hjá ríkisstjórninni en Seðla-
bankanum, ef ætlunin er að dempa
núverandi niðursveif lu. Það hafi
sýnt sig að takmörk séu fyrir því
hvernig vaxtalækkanir skila sér í
útlánaaukningu, ef fá álitleg fjár-
festingarverkefni eru til staðar og
útlánavilji bankanna er lítill.
„Vaxamunur bankanna hefur
farið minnkandi samhliða lækk-
andi stýrivöxtum og með því að
grafa enn meira undan honum er
bönkunum ekki auðveldað að lána
út. Þvert á móti. Tekin hefur verið
ákvörðun um að krefjast hás eigin
fjár hjá íslensku bönkunum, sem
þýðir að þeir þurfa að skila meiri
hagnaði en ella, ef þeir eiga að
standa undir hærri arðsemi en við
sjáum í dag. Nema vilji sé fyrir því
að lækka arðsemiskröfuna,“ segir
Kristrún.
„Af því leiðir að neðri mörk vaxta
eru hærri hér en annars staðar, þar
sem halda þarf uppi hærri vaxta-
mun sem drífur tekjur bankanna,
þó rekstrarkostnaður hafi auð-
vitað líka áhrif. Stýrivextir eru
mikilvægt tól, en áhrif þeirra eru
takmörkunum og umhverfi háð.“
thorsteinn@frettabladid.is
MARKAÐURINN
2 7 . F E B R Ú A R 2 0 2 0 F I M M T U D A G U R8 F R É T T I R ∙ F R É T T A B L A Ð I Ð